മൂന്നുവർഷംകൊണ്ട് ഇങ്ങനെയൊരു നേട്ടം അതിശയിപ്പിക്കുന്നു; നന്ദി പറഞ്ഞ് അഹാന കൃഷ്ണ
മലയാളസിനിമയിലെ ശ്രദ്ധേയയായ യുവതാരമാണ് അഹാന കൃഷ്ണ. അഭിനയത്തിന് പുറമെ പാട്ടിലും നൃത്തത്തിലും സംവിധാനത്തിലുമെല്ലാം മികവ് പുലർത്തുന്ന അഹാന സമൂഹമാധ്യമങ്ങളിലും സജീവമാണ്. ഇടയ്ക്ക് നൃത്തവിഡിയോകളുമായി എത്താറുണ്ട് താരം. മൂന്നുവർഷം മുൻപാണ് അഹാന യൂട്യുബിലും സാന്നിധ്യം അറിയിച്ചത്. സിനിമയിലേക്കാൾ ഇതിലൂടെയാണ് അഹാന ആരാധകരെ സമ്പാദിച്ചത്. കണ്ടന്റുകളുടെ നിലവാരത്തിലൂടെയാണ് എപ്പോഴും നടി യൂട്യൂബ് ചാനലുകളിൽ ശ്രദ്ധേയയായിട്ടുള്ളത്. ഇപ്പോഴിതാ, നിർണായകമായ ഒരു നേട്ടത്തിന്റെ സന്തോഷത്തിലാണ് നടി.
മൂന്നുവർഷം കൊണ്ട് 1 മില്യൺ സബ്സ്ക്രൈബേഴ്‌സിനെ നേടിയിരിക്കുകയാണ് അഹാന. ഗോൾഡൻ പ്ലേ ബട്ടൺ പങ്കുവെച്ചുകൊണ്ട് അഹാന ഹൃദ്യമായ ഒരു കുറിപ്പ് പങ്കുവെച്ചിരിക്കുന്നു.
‘യൂട്യൂബിൽ ഒരു മില്യൺ സബ്സ്ക്രൈബേഴ്‌സ്. എന്റെ ചെറിയ ജീവിതത്തിലൂടെ ഞാൻ നടക്കുമ്പോൾ എനിക്ക് പറയാനുള്ളത് കേൾക്കുകയും എനിക്ക് കാണിക്കാനുള്ളത് കാണുകയും ചെയ്യുന്ന1 മില്യൺ ആളുകൾ എന്റെ കൈപിടിച്ച്ഒപ്പമുണ്ടെന്ന് അറിയുന്നത് എന്റെ ഹൃദയം നിറയ്ക്കുന്നു. എനിക്ക് ശരിക്കും നന്ദിയുള്ള ഒരു പ്ലാറ്റ്‌ഫോമാണ് യൂട്യൂബ്. ഞാൻ എന്ന വ്യക്തിയെ വളരെയധികം ആളുകൾ സ്നേഹിക്കുകയും ചെയ്യുന്നുവെന്നും എന്നെ അവരുടേതായി കണക്കാക്കുന്നുവെന്നും അറിയുന്നത് ശരിക്കും മനോഹരമായ ഒരു വികാരമാണ്. കണ്ടന്റ് ക്രിയേഷനോടുള്ള എന്റെ ഇഷ്ടം ഞാൻ തിരിച്ചറിഞ്ഞതും യൂട്യൂബ് വഴിയാണ്.
Read Also: മക്കളുടെ റിഹേഴ്സലിനിടയിൽ അമ്മമാർ താരമായപ്പോൾ; കട്ടുറുമ്പിലെ കുട്ടിക്കുറുമ്പുകളുടെ അമ്മമാരുടെ നൃത്തം
തുടക്കം മുതലേ, ഞാൻ എന്റെ ഹൃദയത്തിന് തോന്നുന്ന വിഡിയോകൾ മാത്രമേ ഉണ്ടാക്കിയിട്ടുള്ളൂ. ഒരു വിഡിയോയ്ക്ക് അക്കങ്ങൾ ഉപയോഗിച്ച് നന്നായി പ്രവർത്തിക്കാൻ എന്താണ് വേണ്ടതെന്ന് ഞാൻ ഒരിക്കലും വിഷമിച്ചിട്ടില്ല. ഞാൻ ഒരു കാര്യം മാത്രം ശ്രദ്ധിച്ചു – എന്റെ ഹൃദയം അത് അംഗീകരിക്കുന്നോ ഇല്ലയോ എന്നുമാത്രം. ആ ചിന്ത മനസ്സിൽ വെച്ചുകൊണ്ട്, 3 വർഷത്തിനുള്ളിൽ ഒരു മില്യൺ സബ്‌സ്‌ക്രൈബർസ് ഫാമിലിയായി ഇപ്പോഴും വളരാൻ കഴിഞ്ഞു എന്നത് അതിശയകരമായി തോന്നുന്നു. നന്ദിയും സ്നേഹവും … നമ്മൾ ശരിക്കും ഒരുമിച്ച് ഒരുപാട് മുന്നോട്ട് പോയി, പക്ഷേ തീർച്ചയായും നമുക്ക് ഇനിയും ഒരുപാട് മുന്നോട്ട് പോകാനുണ്ട് ..’-അഹാന കുറിക്കുന്നു.
Story highlights- ahaana krishna about her 1 million subscribers in youtube
