കടൽ സാഹചര്യങ്ങൾ മനസിലാക്കാതെ ആഴങ്ങളിലേക്ക് ഇറങ്ങുന്നവർക്ക് ഒരു പാഠം; തലനാരിഴയ്ക്ക് രക്ഷപ്പെട്ട് യുവതി

ഏറ്റവും ഭയക്കേണ്ട ഒന്നാണ് വെള്ളം. പല മുങ്ങിമരണങ്ങളും അപകടങ്ങളുമെല്ലാം ഇങ്ങനെ അടുപ്പിച്ച് വാർത്തകളിൽ നിറയുമ്പോൾ എല്ലാവരിലും ഭയം നിറയുന്നുണ്ട്. എന്നിട്ടും അതൊന്നും മനസിലാകാതെ കടലിലൊക്കെ കളിക്കുന്നവർ ഈ വിഡിയോ കണ്ടിരിക്കണം. എപ്പോൾ മുഖം മാറും എന്നറിയാത്ത ഒരു ഭയാനക അവസ്ഥയാണ് കടലിന്റേത്. അതിനാൽ തന്നെ കടലിൽ ഇറങ്ങുമ്പോൾ വളരെയധികം സൂക്ഷിക്കേണ്ടതുണ്ട്.

യു കെയിലെ ഡെവോണിലെ ഇൽഫ്രാകോംബ് ഹാർബറിൽ നടന്ന ഭയാനകമായ സംഭവം കാണിക്കുന്ന ഒരു വിഡിയോ ആണ് ഇപ്പോൾ പ്രചരിക്കുന്നത്. കടൽത്തീരത്തിന് സമീപം കളിക്കുന്നതിനിടയിൽ ശക്തമായ കടൽ പ്രവാഹത്തിൽ ഒരു പെൺകുട്ടി ഒഴുകിപ്പോകുന്നത് അതിൽ കാണിക്കുന്നു. ദൗർഭാഗ്യവശാൽ, അവളുടെ അടുത്തേക്ക് എത്താൻ തിരമാലകളോട് നിർഭയം പോരാടിയ ധീരനായ ഒരു വ്യക്തി യുവതിയുടെ ജീവൻ രക്ഷിച്ചു.

പിയർ സ്ലിപ്പ് വേയിൽ നാല് പേരടങ്ങുന്ന സംഘം വെള്ളത്തിൽ കളിക്കുന്നിടത്താണ് വിഡിയോ ആരംഭിക്കുന്നത്. അപ്രതീക്ഷിതമായി, ശക്തമായ തിരമാല അവരുടെ മേൽ അടിച്ചു, പെൺകുട്ടിയുടെ ബാലൻസ് നഷ്ടപ്പെടുകയും റെയിലിംഗുകൾക്കിടയിലേക്ക് തിരമാല അവളെ കൊണ്ടുപോകുകയും ഒടുവിൽ കടലിലേക്ക് വലിച്ചെടുക്കുകയും ചെയ്തു. ഭയാനകമായ ഈ സംഭവം, ഉയർന്ന വേലിയേറ്റ സാഹചര്യങ്ങളിൽ പൊതുജനങ്ങൾ ജാഗ്രത പാലിക്കണമെന്ന അടിയന്തര മുന്നറിയിപ്പിനൊപ്പം ട്വിറ്ററിൽ വിഡിയോ പങ്കുവെച്ചതാണ്. കൗൺസിൽ കടൽസാഹചര്യങ്ങളുടെ മാറാവുന്നതും അസ്ഥിരവുമായ സ്വഭാവം ഊന്നിപ്പറയുകയും തീരത്ത് ജാഗ്രത പാലിക്കാൻ ജനങ്ങളോട് ആവശ്യപ്പെടുകയും ചെയ്തു.

Sea conditions can be changeable and volatile, so please be mindful along the coast.

This incident took place at Ilfracombe Harbour on Thursday evening and could have been much more serious were it not for quick-thinking members of the public. pic.twitter.com/TA7r9Itz83

— North Devon Council (@ndevoncouncil) August 8, 2023

read Also: കണ്ണൊന്നു നിറച്ചാലും സവാളയിലും കാര്യമുണ്ട്- സവാളയുടെ ആരോഗ്യഗുണങ്ങൾ

“കടൽ സാഹചര്യങ്ങൾ മാറ്റാവുന്നതും അസ്ഥിരവുമാണ്, അതിനാൽ ദയവായി തീരത്ത് ശ്രദ്ധിക്കുക. ഇൽഫ്രാകോംബ് ഹാർബറിൽ വ്യാഴാഴ്ച വൈകുന്നേരമാണ് ഈ സംഭവം നടന്നത്, പെട്ടെന്ന് ചിന്തിക്കുന്ന പ്രവർത്തിക്കുന്ന ആളുകൾ ഇല്ലായിരുന്നുവെങ്കിൽ ഇത് കൂടുതൽ ഗുരുതരമായിരിക്കുമായിരുന്നു, ”കൗൺസിൽ വിഡിയോയ്‌ക്കൊപ്പം എഴുതി. ഭാഗ്യവശാൽ, സംഭവത്തിൽ ഉൾപ്പെട്ടവർക്ക് ചെറിയ പരിക്കുകൾ മാത്രമേ ഉണ്ടായിട്ടുള്ളൂ .

Story highlights- girl swept out to sea