1000 കോടി കടന്ന് ഷാരൂഖ് ചിത്രം ‘ജവാന്‍’
ഷാരൂഖ് ഖാനെ നായകനാക്കി ആറ്റ്‌ലി സംവിധാനം ചെയ്ത ഏറ്റവും പുതിയ ചിത്രമായ ‘ജവാൻ’ ബോക്സ് ഓഫീസിൽ അത്ഭുതങ്ങൾ സൃഷ്ടിക്കുന്നു. തങ്ങളുടെ പ്രിയപ്പെട്ട സൂപ്പർ താരത്തെ ബിഗ് സ്‌ക്രീനിൽ കാണാൻ പ്രേക്ഷകർ തിയേറ്ററുകളിലേക്ക് ഒഴുകിയെത്തുമ്പോൾ ചിത്രം ഗംഭീരമായ പ്രദർശന വിജയം ആസ്വദിക്കുകയാണ്. ‘ജവാൻ’ ഇപ്പോഴിതാ, ലോകമെമ്പാടുമുള്ള 1000 കോടി ക്ലബ്ബിൽ പ്രവേശിച്ചിരിക്കുകയാണ്.
‘ജവാൻ’ സെപ്തംബർ 7 ന് വൻ ആരാധകർക്കിടയിൽ തിയേറ്ററുകളിലെത്തി. ലോകമെമ്പാടുമായി 129.06 കോടി രൂപ നേടിയുകൊണ്ട് ഹിന്ദി സിനിമയുടെ ചരിത്രത്തിലെ ഏറ്റവും വലിയ ഓപ്പണിംഗ് ദിനത്തിന് ചിത്രം സാക്ഷ്യം വഹിച്ചു.
Read also: മേതിൽ ദേവിക അഭിനയലോകത്തേക്ക്; അരങ്ങേറ്റം മേപ്പടിയാൻ സംവിധായകന്റെ ചിത്രത്തിലൂടെ
തമിഴ് സംവിധായകൻ ആറ്റ്‌ലി സംവിധാനം ചെയ്ത ‘ജവാൻ’ ഹിന്ദി, തമിഴ്, തെലുങ്ക് ഭാഷകളിൽ സെപ്റ്റംബർ 7 ന് ലോകമെമ്പാടും റിലീസ് ചെയ്തു. നയൻതാരയും വിജയ് സേതുപതിയും ദീപിക പദുക്കോണും ചിത്രത്തിൽ അഭിനയിക്കുന്നു. ‘ജവാൻ’, അതിന്റെ കാതലായ ഒരു അച്ഛൻ-മകൻ കഥയിലൂന്നി നായകനിലൂടെ വിവിധ സാമൂഹിക രാഷ്ട്രീയ പ്രശ്‌നങ്ങൾ എടുത്തുകാണിക്കുന്നു. സന്യ മൽഹോത്ര, പ്രിയാമണി, ഗിരിജ ഓക്ക്, സഞ്ജീത ഭട്ടാചാര്യ, ലെഹർ ഖാൻ, ആലിയ ഖുറേഷി, റിധി ദോഗ്ര, സുനിൽ ഗ്രോവർ, മുകേഷ് ഛബ്ര എന്നിവരും സഞ്ജയ് ദത്തും അതിഥി വേഷത്തിൽ അഭിനയിക്കുന്നു.
Story highlights- ‘Jawan’ box office collection
