കടലിനു കുറുകെ കരയിലേക്ക് ഒരു നടപ്പാതയാൽ ബന്ധിക്കപ്പെട്ട ദ്വീപ്, മുകളിലൊരു ആശ്രമം; ദുരൂഹത നിറഞ്ഞ ഗാസ്‌തെലുഗാറ്റ്‌ചെ
തിരക്കുകളിൽ നിന്നും എങ്ങോട്ടേലും ഓടിപ്പോകാൻ ആഗ്രഹിക്കാത്തവർ ചുരുക്കമാണ്. കേരളത്തിലുള്ളവർക്ക് മൂന്നാർ, തെന്മല, പൊന്മുടി അതുമല്ലെങ്കിൽ ഊട്ടി, കൊടൈക്കനാൽ വരെയൊക്കെയാണ് ഒരു ആശ്വാസത്തിനായി അടുത്തുള്ളത്. എന്നാൽ, അടുത്തതവണ ഇന്ത്യക്ക് പുറത്തേക്ക് പോയി ഒരു അത്ഭുതക്കാഴ്ച കണ്ടാലോ? അങ്ങനെയെങ്കിൽ സ്പാനിഷ് ദ്വീപായ ‘ഗാസ്‌തെലുഗാറ്റ്‌ചെ’യിലേക്ക് പോകാൻ തയ്യാറായിക്കോളു.
ഒരു ചെറിയ സ്പാനിഷ് ദ്വീപാണ് ഗാസ്‌തെലുഗാറ്റ്‌ചെ. ഇത് കടലിന് സമാന്തരമായി ഇടുങ്ങിയതും വളഞ്ഞതുമായ കല്ല് നടപ്പാതയാൽ പ്രധാന ഭൂപ്രദേശവുമായി ബന്ധിപ്പിച്ചിരിക്കുന്ന ഒരിടമാണ്. ബാസ്‌ക് കൺട്രിയിലെ ബിസ്‌കേ തീരത്ത് ബെർമിയോ മുനിസിപ്പാലിറ്റിയിലാണ് ഈ പാത സ്ഥിതിചെയ്യുന്നത്. സാൻ ജുവാൻ ഡി ഗാസ്‌തെലുഗാറ്റ്‌ചെ ആശ്രമം ഈ ദ്വീപിന്റെ മുകൾഭാഗത്താണ് സ്ഥിതിചെയ്യുന്നത്. ഏഴ് നൂറ്റാണ്ടുകൾക്ക് മുമ്പ് ടെംപ്ലർമാർ നിർമ്മിച്ച 240 പടികളുള്ള ഒരു നടപ്പാത വഴി മാത്രമേ ഇവിടേക്ക് എത്തിച്ചേരാനാകൂ.
ഈ അവിശ്വസനീയമായ മതിൽ കടലിനും കരയിക്കും ഇടയിൽദ്വീപിലേക്ക് ബന്ധിപ്പിക്കുന്ന തരത്തിൽ പണിതിരിക്കുന്നു. കോട്ടയുടെ മുകൾഭാഗം വരെ ഈ നടകൾ നീളുന്നു. അവിടെ നിങ്ങൾക്ക് മനോഹരമായ ഒരു മധ്യകാല പള്ളി കാണാം. ബാസ്‌ക് ഗാസ്‌തെലുഗറ്റ്‌സെക്കോ ഡോണിയൻ അല്ലെങ്കിൽ സ്പാനിഷ് ഭാഷയിൽ സാൻ ജുവാൻ ഡി ഗാസ്‌തെലുഗറ്റ്‌ക്‌ചെ എന്നറിയപ്പെടുന്ന ഈ ആശ്രമം സെന്റ് ജോൺ ദി ബാപ്‌റ്റിസ്റ്റിനു സമർപ്പിച്ചിരിക്കുന്നു. നിരവധി നൂറ്റാണ്ടുകളായി തീപിടുത്തങ്ങളെയും കടൽക്കൊള്ളക്കാരുടെ റെയ്ഡുകളെയും അതിജീവിച്ച ഒരു തന്ത്രപ്രധാനമായ ഇടമാണ് ഇത്. ഒരു കോട്ട-പള്ളി, ഒരു ചുക്കാൻ, ലൈഫ് ജാക്കറ്റുകൾ, ഒരു ബോട്ട് ഹൾ എന്നിങ്ങനെ നിരവധി സമുദ്ര പുരാവസ്തുക്കൾ ഇവിടെ ഇപ്പോഴും ഉൾക്കൊള്ളുന്നു.
read Also: പത്താം ക്ലാസ് പാസായി 38 വർഷത്തിന് ശേഷം പിയുസി പരീക്ഷ എഴുതി ബെംഗളൂരു ഓട്ടോ ഡ്രൈവർ!
ഇന്ന്, ആശ്രമം തീർത്ഥാടന കേന്ദ്രമാണ്. ജൂൺ 24-ന് സെന്റ് ജോൺ ദി സ്നാപകന്റെയും ഓഗസ്റ്റ് 29-ന് സാൻ ജിയോവാനി ഡെക്കോളാറ്റോയുടെയും ഡിസംബർ 31-ന് വർഷാവസാനത്തെ കുർബാനയുടെയും സ്മരണയ്ക്കായി വർഷത്തിൽ നടക്കുന്ന മൂന്ന് മതപരമായ ഘോഷയാത്രകൾ ഇതിൽ ഉൾപ്പെടുന്നു. . മന്ത്രവാദിനികളെയും കടൽക്കൊള്ളക്കാരെയും ബന്ധപ്പെട്ട് ഐതിഹ്യങ്ങളാൽ ചുറ്റപ്പെട്ട ഒരു നിഗൂഢ സ്ഥലമാണിത്. ദൗർഭാഗ്യങ്ങൾ അകറ്റാനും ആഗ്രഹം സഫലമാക്കാനും മുകളിൽ എത്തി മൂന്ന് പ്രാവശ്യം പള്ളിമണി അടിച്ചാൽ മതിയെന്നാണ് ഇവിടെ വിശ്വസിക്കുന്നത്.
Story highlights- SAN JUAN DE GAZTELUGATXE
