എങ്ങനെയാണ് ജപ്പാനിൽ വയോധികന്മാർ സമയം ചിലവഴിക്കുന്നത് ? ഒരു 95- കാരന്റെ ഒരുദിവസം ഇങ്ങനെ!
ലോകത്തിലെ ഏറ്റവും കുറഞ്ഞ ജനനനിരക്ക് ഉള്ള രാജ്യങ്ങളിലൊന്നാണ് ജപ്പാൻ. പ്രായമായ ജനങ്ങളുടെ വര്ധനവുമായി മല്ലിടുകയാണ് ഇവർ. ലോകത്തിലെ ഏറ്റവും പ്രായം കൂടിയ ജനസംഖ്യ ജപ്പാനിലാണ്. ദേശീയ ഡാറ്റ കാണിക്കുന്നത് രാജ്യത്തെ 125 ദശലക്ഷം ആളുകളിൽ 29.1 ശതമാനവും 65 വയസോ അതിൽ കൂടുതലോ പ്രായമുള്ളവരാണെന്ന് ഐക്യരാഷ്ട്രസഭ പറയുന്നു.
ഇത്രയധികം പ്രായമായവരുടെ നാട് എങ്ങനെയാണ് അവരെ കൈകാര്യം ചെയ്യുന്നത്? ജപ്പാനിൽ പ്രായമായവർ എങ്ങനെ സമയം ചെലവഴിക്കുന്നുവെന്ന് നിങ്ങൾ ചിന്തിച്ചാൽ, ഇൻസ്റ്റാഗ്രാമിൽ പോസ്റ്റ് ചെയ്ത ഒരു വിഡിയോ അത് വ്യക്തമാക്കും. 95 വയസ്സുള്ള ഒരു മനുഷ്യന്റെ ജീവിതത്തിലെ ഒരു ദിവസമാണ് വിഡിയോ കാണിക്കുന്നത്. ഏഷ്യൻ ഫീഡ് എന്ന പേരിലുള്ള ഇൻസ്റ്റാഗ്രാം പേജാണ് വിഡിയോ പോസ്റ്റ് ചെയ്തത്. “എന്റെ 95 വയസ്സുള്ള ജാപ്പനീസ് മുത്തച്ഛന്റെ ജീവിതത്തിലെ ഒരു ദിവസം,” വിഡിയോയിലെ ക്യാപ്ഷൻ ഇങ്ങനെയാണ്.
Read also: മറക്കാനാവുമോ നാഗവല്ലിയെ? 30 വർഷങ്ങൾക്കിപ്പുറവും പ്രൗഢി ഒട്ടും കുറയാതെ മണിച്ചിത്രത്താഴ്!
എങ്ങനെയാണു ജപ്പാനിൽ ആരോഗ്യമുള്ള വയോജനങ്ങൾ ഉള്ളതെന്ന് വിഡിയോ കാണുമ്പൊൾ മനസിലാക്കാൻ സാധിക്കും. ഈ 95 കാരൻ സമയം ചിലവഴിക്കുന്നത് ഇങ്ങനെയാണ്. രാവിലെ 10:30 ന് അദ്ദേഹം തന്റെ ബ്ലോഗ് എഴുത്തിലൂടെയാണ്. 11:30 ന്, ഒരു സ്വയം ഛായാചിത്രം വരയ്ക്കാൻ ഒരു വലിയ കണ്ണാടിക്ക് മുന്നിൽ ഇരിക്കും. ഉച്ചയ്ക്ക് 12 മണിക്ക്, അദ്ദേഹം ഒരു റെക്കോർഡറിൽ പരിശീലിക്കുന്നത് കാണാം. ആകെ ഇടവേളയെടുക്കുന്നത് ഈ സമയത്താണ്. ഉച്ചയ്ക്ക് 12:30 ന് ഭാര്യയോടൊപ്പം ഡൈനിംഗ് ടേബിളിൽ ഇരുന്നു ഉച്ചഭക്ഷണം കഴിക്കുന്നു. ഉച്ചയ്ക്ക് 1 മണിക്ക്, തന്റെ വീട്ടുമുറ്റത്ത് സ്ഥിതി ചെയ്യുന്ന തന്റെ പൂന്തോട്ടത്തിലേക്ക് പോകുന്നു. തുടർന്ന് ഉച്ചയ്ക്ക് രണ്ടിന് റെയിൽവേ സ്റ്റേഷൻ ആർട്ട് ഗാലറിയിലേക്ക് പുറപ്പെടും. അയാൾ തന്റെ വാക്കർ മറ്റുള്ളവർക്ക് കാണിക്കുന്നത് കാണാം. ഉച്ചകഴിഞ്ഞ് 3 മണിക്ക്, വീണ്ടും ഉറങ്ങാൻ വീട്ടിലേക്ക് പോകുന്നു.
അങ്ങനെ വിശ്രമമില്ലാതെ ഊർജസ്വലനായി ഇരിക്കുന്നതാണ് ജപ്പാൻ ജനതയുടെ ആരോഗ്യ രഹസ്യം എന്ന് മനസിലാക്കാൻ സാധിക്കും.
Story highlights- 95-year-old Japanese man spends his day
