തിളച്ച വെള്ളം വീണ്ടും തിളപ്പിക്കാറുണ്ടോ? അപകടങ്ങൾ ഒളിഞ്ഞിരിപ്പുണ്ട്!

വെള്ളം ശുദ്ധീകരിക്കാനും ദോഷകരമായ ബാക്ടീരിയകൾ, ആരോഗ്യത്തിന് അപകടകരമായേക്കാവുന്ന മാലിന്യങ്ങൾ എന്നിവ ഇല്ലാതാക്കുന്നതിനുമുള്ള ഒരു മികച്ച മാർഗമാണ് വെള്ളം തിളപ്പിക്കുന്നത്. കൂടാതെ, ജലജന്യ രോഗങ്ങളിൽ നിന്ന് രക്ഷനേടാനും ജലത്തെ അണുവിമുക്തമാക്കാനും തിളപ്പിക്കുന്നതിനേക്കാൾ ചിലവ് കുറഞ്ഞ മറ്റൊരു വഴിയില്ല. (Risks involved in re-boiling drinking water)

പക്ഷെ ഇങ്ങനെ തിളപ്പിച്ച ശേഷം ബാക്കിയുള്ള വെള്ളം നമ്മൾ എന്ത് ചെയ്യും? ഇത് കളയുമോ അതോ ചായക്കോ പാചകത്തിനോ വേണ്ടി ഉപയോഗിക്കാറുണ്ടോ? അപകടസാധ്യതയുള്ളത് കൊണ്ട് തന്നെ വെള്ളം വീണ്ടും തിളപ്പിക്കുന്നതിനെ സംബന്ധിച്ച് വിദക്തർ മുന്നറിയിപ്പ് നൽകുന്നു. ദ്രാവകങ്ങൾ കൂടുതൽ നേരം തിളപ്പിക്കുമ്പോൾ അവ കൂടുതൽ സാന്ദ്രമാകും. അതിനാൽ വെള്ളം വീണ്ടും തിളപ്പിക്കുന്നത് അതിനെ കൂടുതൽ സാന്ദ്രമാക്കുകയോ ലവണങ്ങളുടെ അംശം വർദ്ധിപ്പിക്കുകയോ ചെയ്യും.

തിളച്ച വെള്ളം വീണ്ടും തിളപ്പിക്കുന്നതിന്റെ ദോഷവശങ്ങൾ അറിയാം:

നൈട്രേറ്റുകൾ: വെള്ളത്തിൽ ലയിക്കുന്ന നൈട്രേറ്റ് ലവണങ്ങൾ സാധാരണയായി ദോഷകരമല്ലെങ്കിലും വെള്ളം അമിതമായി തിളപ്പിക്കുകയോ വീണ്ടും തിളപ്പിക്കുകയോ ചെയ്യുന്നത് നൈട്രേറ്റുകളെ നൈട്രോസാമൈൻ എന്ന വിഷവസ്തുവാക്കി മാറ്റാൻ സാധ്യതയുണ്ട്. കാൻസർ, രക്താർബുദം തുടങ്ങിയ രോഗങ്ങളുമായി നൈട്രോസാമൈൻ ബന്ധപ്പെട്ടിരിക്കുന്നു.

ആഴ്സനിക്: വീണ്ടും തിളപ്പിച്ച വെള്ളത്തിന് അലിഞ്ഞുചേർന്ന ആഴ്സനിക്കിന്റെ സാന്ദ്രത വർദ്ധിപ്പിക്കാൻ കഴിവുണ്ട്. ഈ അളവ് ഉയർന്നാൽ, ക്യാൻസർ, വന്ധ്യത, ഹൃദയാഘാതം, മാനസിക വൈകല്യങ്ങൾ, രക്തചംക്രമണവ്യൂഹത്തിൻെറ തകരാറുകൾ, ചർമ്മത്തിന് കേടുപാടുകൾ തുടങ്ങിയ ആരോഗ്യപ്രശ്നങ്ങൾക്ക് ഇടയാക്കും.

Read also: ഭക്ഷണകാര്യത്തില്‍ അൽപം കരുതല്‍ നല്‍കിയാല്‍ അസിഡിറ്റിയെ ചെറുക്കാം

ഫ്ലൂറൈഡ്: വെള്ളത്തിൽ ലയിപ്പിച്ച ഫ്ലൂറൈഡിന്റെ വർദ്ധിച്ച ഉപയോഗം ഒടിവുകൾ, ആർദ്രത, വേദന എന്നിവയുൾപ്പെടെയുള്ള അസ്ഥി വൈകല്യങ്ങളുടെ സാധ്യത വർദ്ധിപ്പിക്കും. അധിക ഫ്ലൂറൈഡ് 8 വയസ്സിന് താഴെയുള്ള കുട്ടികളിൽ പല്ലുകൾക്കും പല്ലിന്റെ ഇനാമലിനും കേടുവരുത്തും.

കാൽസ്യം: കാൽസ്യം പല്ലുകൾക്കും എല്ലുകൾക്കും പ്രയോജനകരമാണെങ്കിലും വീണ്ടും തിളപ്പിച്ച വെള്ളം അലിഞ്ഞുചേർന്ന കാൽസ്യത്തിന്റെ അളവ് വർദ്ധിപ്പിക്കും. ഇത് വൃക്കയിലും പിത്താശയത്തിലും കല്ലുകൾ രൂപപ്പെടുന്നതിന് കാരണമാകുന്നു.

മുകളിൽ വിവരിച്ച അപകടസാധ്യതകൾ കണക്കിലെടുത്താൽ കുഞ്ഞുങ്ങൾക്ക് ഫോർമുല തയ്യാറാക്കാൻ വീണ്ടും തിളപ്പിച്ചാറ്റിയ വെള്ളം ഉപയോഗിക്കുന്നത് ആരോഗ്യകരമല്ല. ചായ ഉണ്ടാക്കാൻ വീണ്ടും തിളപ്പിച്ച വെള്ളം ഉപയോഗിക്കുന്നത് രുചിയെ ബാധിക്കുന്നതായി പഠനങ്ങൾ സൂചിപ്പിക്കുന്നു.

Story highlights: Risks involved in re-boiling drinking water