13 എൻട്രികൾ ; ഗോൾഡൻ ഗ്ലോബിന് പിന്നാലെ ഓസ്കറിലും നേട്ടമുണ്ടാക്കാൻ ഓപ്പൺഹെയ്മർ
2024 ലെ ഓസ്കർ പുരസ്കാരത്തിനുള്ള നോമിനേഷൻ പ്രഖ്യാപിച്ചപ്പോൾ ഏറ്റവും കൂടുതൽ എൻട്രികളുമായി ക്രിസ്റ്റഫർ നോളൻ സംവിധാനം ചെയ്ത ഓപ്പൺഹെയ്മർ. അണുബോംബിന്റെ പിതാവായി അറിയപ്പെടുന്ന റോബർട്ട് ഓപ്പൺഹെയ്മറുടെ ആത്മകഥയായ ചിത്രത്തിന് 13 നോമിനേഷനുകളാണ് ലഭിച്ചിട്ടുള്ളത്. പ്രധാന അവാർഡുകളായ മികച്ച നടൻ, സംവിധായകൻ എന്നി വിഭാഗങ്ങളിലെല്ലാം നോളൻ ചിത്രം സ്ഥാനം പിടിച്ചു. ( Oppenheimer leads Oscar contenders with 13 nominations )
സിനിമയിൽ പ്രധാന കഥാപാത്രത്തെ അവതരിപ്പിച്ച സിലിയൻ മർഫി മികച്ച നടനുള്ള നോമിനേഷൻ നേടിയിട്ടുണ്ട്. കൂടാതെ റോബർട്ട് ഡൗണി ജൂനിയർ (സഹനടൻ), എമിലി ബ്ലണ്ട് (സഹനടി) എന്നിവർക്കും നാമനിർദേശമുണ്ട്. നേരത്തേ അഞ്ച് തവണ ഓസ്കർ നാമനിർദേശം ലഭിച്ച നോളൻ അടുത്ത മാസംതന്നെ പ്രഖ്യാപിക്കാനിരിക്കുന്ന ബാഫ്റ്റ പുരസ്കാരങ്ങളിലും തിളങ്ങുമെന്നാണ് സൂചന.
ഈ വർഷമാദ്യം പ്രഖ്യാപിച്ച ഗോൾഡൻ ഗ്ലോബ് പുരസ്കാരത്തിലും ഓപ്പൺഹെയ്മർ തിളക്കമാർന്ന നേട്ടം സ്വന്തമാക്കിയിരുന്നു. ഏറ്റവും മികച്ച ചിത്രത്തിനുള്ള പുരസ്കാരം നേടിയ നോളൻ ചിത്രം മികച്ച സംവിധായകൻ, നടൻ, സഹനടൻ, ഒറിജിനൽ സ്കോർ എന്നീ വിഭാഗങ്ങളിലും പുരസ്കാരം നേടിയിരുന്നു.
Read Also : 96-മത് ഓസ്കർ നോമിനേഷൻ പട്ടിക പ്രഖ്യാപിച്ചു; എൻട്രികളിൽ മുന്നിൽ ഓപ്പൺഹെയ്മർ
എമ്മ സ്റ്റോൺ പ്രധാന വേഷത്തിലെത്തിയ പുവർ തിങ്സ് 11 നോമിനേഷനകൾ നേടിയപ്പോൾ, മാർട്ടിൻ സ്കോർസീസ് നാടകമായ “കില്ലേഴ്സ് ഓഫ് ദി ഫ്ലവർ മൂൺ” 10 നോമിനേഷനുകൾ നേടി. ബാർബി എട്ട് വിഭാഗങ്ങളിലാണ് ഉൾപ്പെട്ടിട്ടുള്ളത്. ഫ്ലവർ മൂൺ സംവിധായകൻ മാർട്ടിൻ സ്കോർസീസ് 10-ാം തവണയും മികച്ച സംവിധായകനുള്ള പുരസ്കാരത്തിനായി നാമനിർദേശം ചെയ്യപ്പെട്ടിട്ടുണ്ടെന്നതും ശ്രദ്ധേയമായി.
Story highlights : Oppenheimer leads Oscar contenders with 13 nominations
