മരണമടഞ്ഞ വ്യക്തിയുടെ അലമാരയിൽ കണ്ടെത്തിയ 285 വർഷം പഴക്കമുള്ള നാരങ്ങ; ലേലത്തിൽ വിറ്റുപോയത് ലക്ഷങ്ങൾക്ക്!
ലേലത്തുകയുടെ പേരിലും ലേലത്തിന് വെച്ച വസ്തുക്കളുടെ പേരിലും രസകരമായ ചില വാർത്തകൾ ശ്രദ്ധനേടാറുണ്ട്. ഇപ്പോഴിതാ, കൗതുകകരമായ ഒരു ലേലക്കഥയിൽ, 1,416 പൗണ്ട് അതായത് ഏകദേശം ₹1,48,000 രൂപയ്ക്ക് ഒരു നാരങ്ങാ ലേലത്തിൽ വിറ്റുപോയിരിക്കുകയാണ്. വെറും നാരങ്ങായല്ല, 285 വർഷം പഴക്കമുള്ള നാരങ്ങയാണ് ലേലത്തിൽ ഇത്രയും വലിയ തുകയ്ക്ക് വിറ്റുപോയത് .
പുരാതനമായ ഈനാരങ്ങാ 19-ആം നൂറ്റാണ്ടിലെ ഒരു കാബിനറ്റിനുള്ളിൽ കാണപ്പെട്ടതാണ്. യുകെയിലെ ഷ്രോപ്‌ഷെയറിലെ ബ്രെറ്റൽസ് ലേലക്കാർക്ക് ഒരു കുടുംബം, അവരുടെ പരേതനായ അമ്മാവനിൽ നിന്ന് പാരമ്പര്യമായി ലഭിച്ച നാരങ്ങാ നൽകുകയായിരുന്നു.
ഒരു ലേല സ്പെഷ്യലിസ്റ്റ്, വിൽപനയ്ക്കുള്ള കാബിനറ്റ് സൂക്ഷ്‌മമായി രേഖപ്പെടുത്തുമ്പോൾ, ഒരു ഡ്രോയറിൻ്റെ പിൻഭാഗത്ത് ഉണങ്ങിയ നാരങ്ങാ കണ്ടെത്തുകയായിരുന്നു. എന്തായാലും ഈ നാരങ്ങാ ശ്രദ്ധേയമായ ആശങ്കകളൊന്നും ഉയർത്തിയിരുന്നില്ല. നാരങ്ങയിൽ തന്നെ കൊത്തിവച്ച സന്ദേശമുണ്ടായിരുന്നു. ‘മിസ് ഇ ബാക്‌സ്റ്ററിന് 1739 നവംബർ 4 മിസ്റ്റർ പി ലു ഫ്രാഞ്ചിനി നൽകിയത്’ എന്ന് എഴുതിയ സന്ദേശമായിരുന്നു നാരങ്ങയിൽ എഴുതിയിരുന്നത്. കൗതുകകരമായ ചരിത്ര സന്ദർഭത്തിനാണ് ഈ നിമിഷം സാക്ഷ്യം വഹിച്ചത്.
റിപ്പോർട്ടുകൾ അനുസരിച്ച്, ഈ കാബിനറ്റിൻ്റെ ഉത്ഭവം കൊളോണിയൽ ഇന്ത്യയിൽ നിന്നാണെന്നു വിശ്വസിക്കപ്പെടുന്നു, ഇത് ഒരു പ്രണയ സമ്മാനമായി ഇംഗ്ലണ്ടിലേക്ക് കൊണ്ടുപോകാൻ സാധ്യതയുണ്ട് എന്നതാണ് നിഗമനം. ലേലത്തിൽ നാരങ്ങ ഉൾപ്പെടുത്താനുള്ള തീരുമാനത്തെക്കുറിച്ച് ലേലക്കാരനായ ഡേവിഡ് ബ്രെറ്റെൽ പറയുന്നതിങ്ങനെ, “ഞങ്ങൾ കുറച്ച് രസകരമായിരിക്കാമെന്ന് കരുതി (നാരങ്ങ) ലേലത്തിൽ വെച്ചത് നാലായിരം, ആറായിരം ഒക്കെ ലഭിക്കും എന്ന എസ്റ്റിമേറ്റിലാണ്.” എല്ലാവരെയും അമ്പരപ്പിച്ചുകൊണ്ട്, നൂറ്റാണ്ടുകൾ പഴക്കമുള്ള കഥകളുള്ള നാരങ്ങ, ഷ്രോപ്‌ഷെയറിലെ ന്യൂപോർട്ടിൽ നടന്ന ലേലത്തിൽ ആകർഷകമായ £1,100 നേടി, അധിക ഫീസ് £1,416 ആയി’. രസകരമെന്നു പറയട്ടെ, ഈ പുരാതന നാരങ്ങ സൂക്ഷിച്ചിരുന്ന കാബിനറ്റ് താരതമ്യേന മിതമായ തുകയായ 32 പൗണ്ട് മാത്രമാണ് നേടിയത്.
Story highlights- 285 year old lemon discovered in deceased mans cabinet
