നൂഡിൽസ് കഴിക്കുമ്പോൾ ദഹനക്കേട്? എങ്കിൽ ഈ ന്യൂട്രീഷ്യനിസ്റ്റ് പറയുന്നത് കേൾക്കൂ..
ചില ആഹാരങ്ങൾ നമ്മുടെ ദഹനവ്യവസ്ഥയെ തന്നെ താറുമാറാക്കാറുണ്ട്. ജനപ്രീതി ഏറെയുണ്ടെങ്കിലും ഗുണങ്ങളൊന്നുമില്ലാത്ത ഇത്തരം ഭക്ഷണങ്ങൾ ഒഴിവാക്കാനാകാറുമില്ല. അത്തരത്തിൽ എല്ലാവരുടെയും ഇഷ്ടം കവർന്ന ഒന്നാണ് നൂഡിൽസ്. കാരറ്റ്, ബീൻസ്, കാബേജ്, ഉള്ളി, മുട്ട എന്നിങ്ങനെ സമീകൃതമായ വിഭവങ്ങളുൾപ്പെടുത്തി ഉണ്ടാക്കുന്ന ലോക്കൽ നൂഡിൽസ് ഇഷ്ടമാല്ലാത്തവരില്ല.. എവിടെയും സുലഭമാണ് എന്നതിനൊപ്പം എളുപ്പത്തിൽ വീട്ടിൽ ഉണ്ടാക്കാൻ ഇൻസ്റ്റന്റ് നൂഡിൽസ് പാക്കുകളുമുണ്ട്.. എന്നാൽ നൂഡിൽസ് പലപ്പോഴും വയറുവേദന, ദഹനക്കേട്, എന്നിവ ഉണ്ടാക്കാറുണ്ട്. എന്തുകൊണ്ടെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ?
യഥാർത്ഥത്തിൽ പാചകത്തിന് ഉപയോഗിക്കുന്ന എണ്ണയോ മറ്റുവസ്തുക്കളോ ഒന്നുമല്ല പ്രശനം. പ്രധാന നടൻ ആയ നൂഡിൽസ് തന്നെയാണ്! പോഷകാഹാര വിദഗ്ധയായ റിച്ച ഗംഗാനി അടുത്തിടെ നൂഡിൽസിൻ്റെ പ്രാദേശിക പാക്കറ്റുകൾ എങ്ങനെ നിർമ്മിക്കുന്നു എന്നതിൻ്റെ ഒരു വിഡിയോ പങ്കിടുകയും അത് നമ്മുടെ ആരോഗ്യത്തെ ബാധിക്കുന്നതിനെക്കുറിച്ച് മുന്നറിയിപ്പ് നൽകുകയും ചെയ്യുന്നു.
പാമോയിൽ, അല്ലെങ്കിൽ കൊഴുപ്പ് എന്നിവ ചേർത്ത് മൈദ ഉപയോഗിച്ചാണ് സാധാരണയായി നൂഡിൽസ് നിർമ്മിക്കുന്നത്. റിച്ച ഗംഗാനി പറയുന്നതനുസരിച്ച്, ഇവ പൂരിത കൊഴുപ്പുകളും കലോറികളും ആണ്, ഇത് നിങ്ങളുടെ ശരീരത്തിലെ ടോക്‌സിൻ്റെ അളവ് വർദ്ധിപ്പിക്കുകയും മെറ്റബോളിസത്തെ മന്ദഗതിയിലാക്കുകയും ചെയ്യുന്നു. ഇത് ആട്ട നൂഡിൽസിലും ബാധകമാണ്- അവർ പറയുന്നു.
ആരോഗ്യകരമായ നൂഡിൽസ് എന്ന് വിളിക്കപ്പെടുന്ന ഈ നൂഡിൽസിൽ ഉപയോഗിക്കുന്ന ആട്ട വീട്ടിൽ റൊട്ടി ഉണ്ടാക്കാൻ ഉപയോഗിക്കുന്ന യഥാർത്ഥ ആട്ടയല്ലെന്ന് വിദഗ്ധർ വിശദീകരിക്കുന്നു. പകരം മൈദയുടെ കൂടെ ചെറിയ അളവിലുള്ള ആട്ടയുടെ മിശ്രിതമാണ്. ധാരാളം പച്ചക്കറികൾ ചേർക്കുന്നത് നൂഡിൽസ് ആരോഗ്യകരമാക്കുന്നുവെന്ന് കരുതുന്നുവെങ്കിൽ, അത് ഒരു കേവല മിഥ്യയാണെന്ന് പറഞ്ഞുകൊണ്ടാണ് റിച്ച ഗംഗാനി അവസാനിപ്പിക്കുന്നത്. പകരം, ശരീരത്തിന് പോഷകങ്ങളൊന്നുമില്ലാതെ ധാരാളം “രാസവസ്തുക്കൾ, ഹൈഡ്രജൻ എണ്ണകൾ, ഗോതമ്പ്” എന്നിവ നൽകുന്നു എന്നാണ് അവർ പറയുന്നത്.
Read also: ‘ഇനി ഞങ്ങൾ ഒന്നിച്ച്’; വർഷങ്ങൾക്ക് മുൻപ് വേർപിരിഞ്ഞ നായയെ അവിചാരിതമായി കണ്ടുമുട്ടി യുവതി!
നൂഡിൽസിൽ കലോറിയും പൂരിത കൊഴുപ്പും അടങ്ങിയിട്ടുണ്ട്, ഇത് നിങ്ങളുടെ ദഹനനാളത്തിൽ ഒരു പാളി സൃഷ്ടിക്കുന്നു, ഇത് പോഷകങ്ങളുടെ ആഗിരണത്തെ ബാധിക്കുന്നു. നാഷണൽ ന്യൂട്രീഷൻ കൗൺസിലിൻ്റെ അഭിപ്രായത്തിൽ, ഇത് മന്ദഗതിയിലുള്ള ദഹനം, വയറുവേദന, നെഞ്ചെരിച്ചിൽ, വയറിളക്കം, മലബന്ധം, വയറിളക്കം എന്നിവയ്ക്കും കാരണമാകുന്നു.
Story highlights- noodles and indigestion
