185 ആളുകളുള്ള വീട്: 11 അടുപ്പുകളിലായി ദിവസേന പാചകം ചെയ്യുന്നത് 50 കിലോ പച്ചക്കറി
കൂട്ടുകുടുംബ പാരമ്പര്യത്തിൽ നിന്നും ഇന്ത്യക്കാർ വേറിട്ട് ചിന്തിക്കാൻ തുടങ്ങിയിട്ട് കാലമേറെയായി. അണുകുടുംബങ്ങളുടെ കാലത്ത് അഞ്ചുപേരിൽ കൂടുതൽ പോലും ആളുകൾ ഒന്നിച്ച് ജീവിക്കുമ്പോൾ ബുദ്ധിമുട്ട് അനുഭവപ്പെടുന്നു. എന്നാൽ, ഇന്നും ചില കുടുംബങ്ങൾ ആ പാരമ്പര്യം കാത്തുസൂക്ഷിക്കുന്നുണ്ട്. അജ്മീറിൽ താമസിക്കുന്ന ഒരു കുടുംബമാണ് അതിന് ഉദാഹരണം. രാജസ്ഥാനിലെ ബഗ്ദി മാലി കുടുംബം ലോകപ്രസിദ്ധമാണ്. കുടുംബാംഗങ്ങളുടെ എണ്ണത്തിൽ നിന്നാണ് ഈ കുടുംബത്തിന് അതിൻ്റെ പേരും പ്രശസ്തിയും ലഭിച്ചത്. ഈ കുടുംബത്തിൽ ആകെ 185 പേരാണ് താമസിക്കുന്നത്.
കേട്ടാൽ ഞെട്ടൽ തോന്നുമെങ്കിലും സംഗതി സത്യമാണ്. വീടും അടുക്കളയുമെല്ലാം ഇത്രയും ആളുകൾക്ക് താമസിയ്ക്കാൻ പാകത്തിൽ വലുതുമാണ്. വീടിൻ്റെ അടുക്കളയിൽ ആകെ പതിനൊന്ന് അടുപ്പുകളിലാണ് ദിവസം മുഴുവൻ ഭക്ഷണം പാകം ചെയ്യുന്നത്. ഈ കുടുംബത്തിൽ ദിവസവും 65 കിലോ റൊട്ടി തയ്യാറാക്കുന്നതായി പറയപ്പെടുന്നു. കൂടാതെ, പ്രതിദിനം ഏകദേശം 50 കിലോ പച്ചക്കറികൾ പാകം ചെയ്യുന്നു.
ഈ കൂട്ടുകുടുംബത്തിൽ ആറ് തലമുറകളാണ്‌ ഒരുമിച്ച് താമസിക്കുന്നത്. അജ്മീറിലെ റാംസർ ഗ്രാമത്തിലാണ് ഇവർ താമസിക്കുന്നത്. ബാഗ്ദി മാലി കുടുംബം എന്നും ഇവർ അറിയപ്പെടുന്നു. ഈ വീട്ടിൽ 65 പുരുഷന്മാരും 60 സ്ത്രീകളും 60 കുട്ടികളുമുണ്ട്.പ്രശ്നങ്ങൾ ഒന്നുമില്ലാതെ വളരെ നല്ല സാഹചര്യത്തിലാണ് ഇത്രയും അധികം ആളുകൾ കഴിയുന്നതെന്നതും മാതൃകയാണ്.
Story highlights- 185 member ajmer family
