കുടുംബ പ്രേക്ഷകർ ഏറ്റെടുത്ത് ‘കനകരാജ്യം’
![](https://flowersoriginals.com/wp-content/uploads/2024/07/Untitled-design-2024-07-09T112717.743.jpg)
ഇന്ദ്രന്സിനെയും മുരളി ഗോപിയും കേന്ദ്ര കഥാപാത്രങ്ങളാക്കി സാഗര് സംവിധാനം ചെയ്ത പുതിയ ചിത്രമായ കനകരാജ്യം കുടുംബ പ്രേക്ഷകരെ ആകർഷിച്ച് കൈയ്യടികളോടെ മുന്നേറുകയാണ്. ജൂലൈ ആറിനാണ് ചിത്രം തിയേറ്ററുകളില് എത്തിയത്. ബുക്ക് മൈ ഷോ ആപ്പില് ചിത്രത്തിന്റെ ടിക്കറ്റ് ലഭ്യമാണ്.
സാധാരണക്കാരുടെ ജീവിതം അതിഭാവുകത്വങ്ങളില്ലാതെ വരച്ചുകാട്ടുന്ന ചിത്രത്തിന് മികച്ച സ്വീകരണമാണ് തിയേറ്ററിൽ ലഭിച്ചത്.
ഏതാനും വര്ഷങ്ങള്ക്ക് മുന്പ് ആലപ്പുഴയില് നടന്ന രണ്ട് യഥാര്ത്ഥ സംഭവങ്ങളെ ആസ്പദമാക്കിയാണ് ഈ കുടുംബചിത്രം ഒരുക്കിയിരിക്കുന്നത്. ‘സത്യം മാത്രമേ ബോധിപ്പിക്കൂ’, ‘വീകം’ എന്നീ ചിത്രങ്ങള്ക്ക് ശേഷം സാഗറിന്റെ സംവിധാനത്തില് ഒരുങ്ങുന്ന മൂന്നാമത് ചിത്രമാണ് കനകരാജ്യം. അജിത് വിനായക ഫിലിംസിന്റെ ബാനറില് വിനായക അജിത്താണ് ഈ ചിത്രം നിര്മ്മിക്കുന്നത്. പതിവ് വാണിജ്യ ചേരുവകള് പൂര്ണമായും ഒഴിവാക്കി വളരെ റിയലിസ്റ്റിക് പശ്ചാത്തലത്തിലാണ് ചിത്രം ഒരുക്കിയിരിക്കുന്നത്.
ശ്രീജിത്ത് രവി, ദിനേശ് പ്രഭാകര്, കോട്ടയം രമേഷ്, രാജേഷ് ശര്മ്മ, ഉണ്ണി രാജ്, അച്ചുതാനന്ദന്, ജയിംസ് ഏല്യാ, ഹരീഷ് പേങ്ങന്, രമ്യ സുരേഷ്, സൈനാ കൃഷ്ണ, ശ്രീവിദ്യാ മുല്ലശ്ശേരി, ആതിര പട്ടേല് തുടങ്ങിയവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നുണ്ട്. അഭിലാഷ് ശങ്കര് ഛായാഗ്രഹണവും അജീഷ് എഡിറ്റിംഗും നിര്വ്വഹിക്കുന്നു.
Read also: തങ്കത്തിളക്കത്തിന്റെ കണ്ണഞ്ചിപ്പിക്കുന്ന കഥകളുള്ള എൽ ഡൊറാഡോ!
ഗാനരചന – ബി കെ ഹരിനാരായണന്, ധന്യ സുരേഷ് മേനോന്, മനു മഞ്ജിത്ത്, സംഗീതം – അരുണ് മുരളീധരന്, കലാസംവിധാനം – പ്രദീപ്, മേക്കപ്പ് – പ്രദീപ് ഗോപാലകൃഷ്ണന്, കോസ്റ്റ്യൂം ഡിസൈന് – സുജിത് മട്ടന്നൂര്, പ്രൊഡക്ഷന് കണ്ട്രോളര്- ജിത്ത് പിരപ്പന്കോട്, ചീഫ് അസ്സോസ്സിയേറ്റ് ഡയറക്ടര് – സനു സജീവന്, പ്രൊഡക്ഷന് എക്സിക്യൂട്ടീവ് – ശ്രീജേഷ് ചിറ്റാഴ, പ്രൊഡക്ഷന് മാനേജര് – അനില് കല്ലാര്, പിആര്ഒ- ആതിര ദില്ജിത്ത്, ശിവപ്രസാദ്, വാഴൂര് ജോസ്, സ്റ്റില്സ് – അജി മസ്ക്കറ്റ് എന്നിവരാണ് മറ്റ് അണിയറപ്രവര്ത്തകര്.
Story highlights- Kanakarajyam was taken over by the family audience