“അനിയത്തിപ്രാവ് @ 28”; ഹൃദയം നിറഞ്ഞ നന്ദിയോടെ സുധി!
1997-ൽ മലയാളിയുടെ മനസ്സിൽ പെയ്തിറങ്ങിയ പ്രണയ മഴയാണ് അനിയത്തിപ്രാവ്. അന്നത്തെ യുവത്വത്തിന് മാത്രമല്ല, കൊല്ലങ്ങൾ പിന്നിടുമ്പോൾ ജെൻ-സിയുടെ ഹിറ്റ്ലിസ്റ്റിലും മോടി തെല്ലും കുറയാതെ ഭദ്രമാണ് സുധിയും മിനിയും. പ്രണയം, സൗഹൃദം, കുടുംബ ബന്ധങ്ങൾ ഇവയെല്ലാം കൃത്യതയോടെ ഫാസിലിന്റെ പണിപ്പുരയിൽ രൂപം കൊണ്ടപ്പോൾ, അത് നാട്ടിലുണ്ടാക്കിയ കോളിളക്കം ചില്ലറയല്ല. (28 Years of Aniyathipravu)
കുഞ്ചാക്കോ ബോബൻ എന്ന പുതുമുഖം തിരശീലയിൽ തെളിഞ്ഞതും അനിയത്തിപ്രാവിലൂടെ തന്നെ. സ്‌പ്ലെണ്ടർ ബൈക്കിൽ ചെത്തിയ അന്നത്തെ പയ്യൻ ചെറുപ്പം ഒട്ടും കുറയാതെ ഇന്നും മലയാളിയുടെ ചോക്ലേറ്റ് ബോയിയായി തുടരുന്നു. കഴിഞ്ഞ ദിവസം അനിയത്തിപ്രാവ് 28 വർഷം പൂർത്തിയാക്കിയ വേളയിൽ ഏറെ ഹൃദ്യമായ കുറിപ്പാണ് ചാക്കോച്ചൻ പങ്കുവെച്ചത്.
ചാക്കോച്ചന്റെ വാക്കുകൾ ഇങ്ങനെ:
നായകനായി അഭിനയിച്ച ആദ്യ സിനിമ പുറത്തിറങ്ങുമ്പോൾ പ്രതീക്ഷിച്ചതല്ല, 28 വർഷങ്ങൾക്കു ശേഷം ഇതുപോലൊരു കുറിപ്പ്. ഈ സ്നേഹം എനിക്ക് നൽകാൻ കാരണക്കാരായ ആയ പാച്ചിക്കക്കും നിർമാതാവ് സ്വർഗ്ഗചിത്ര അപ്പച്ചനും, അവരുടെ സുധിയുടെ നന്ദി. സുധിയെ ഇപ്പോഴും നെഞ്ചിലേറ്റി സ്നേഹിക്കുന്ന , നല്ല സിനിമകൾ ചെയ്യുമ്പോൾ തിയേറ്ററിൽ എത്തുകയും മോശം സിനിമകൾ പരാജയപ്പെടുത്തി ശാസിക്കുകയും ചെയ്യുന്ന പ്രേക്ഷകരോടും, സിനിമാ മേഖലയിലെ എൻ്റെ എല്ലാ സഹപ്രവർത്തകരോടും ഹൃദയം നിറഞ്ഞ നന്ദി.
Read also: ടൊവിനോ തോമസിനൊപ്പം സുരാജും ചേരനും- ‘നരിവേട്ട’ മെയ് 16ന് തിയേറ്ററുകളിലേക്ക്
മലയാളിയുടെ സ്വന്തം ഉദയ പിക്‌ചേഴ്‌സ് 79 വർഷം പൂർത്തിയാക്കുന്നു.
വിജയങ്ങളേക്കാൾ പരാജയങ്ങളുടെ കണക്കുകളേക്കുറിച്ച് വ്യക്തമായ “ക്ലാരിറ്റി” അറിയുകയും, അനുഭവിക്കുകയും ചെയ്ത ഒരു കുടുംബമാണ് ഉദയ.വിണ്ണിലെ താരം എന്ന സങ്കൽപ്പത്തിനേക്കാൾ മണ്ണിലെ മനുഷ്യനായി നിൽക്കാനുഉള്ള തിരിച്ചറിവും ,വിവേകവും ,പക്വതയും ആ പരാജയങ്ങൾ നൽകി .
സിനിമയിൽ വിജയങ്ങേളേക്കാൾ കൂടുതൽ സാധ്യത പരാജയപ്പെടാനാ നാണെന്നറിഞ്ഞുകൊണ്ട് തന്നെയാണ് ഈ നിമിഷം വരെയുള്ള യാത്രയും.
കൂടുതൽ ഉത്തരവാദിത്വത്തോടെ നല്ല കഥാപാത്രങ്ങളുമായി നല്ല സിനിമകളുമായി വീണ്ടും വരും എന്ന ഉറപ്പോടെ… നിങ്ങൾ നൽകുന്ന സ്നേഹത്തിൽ നിന്നുള്ള ഉറച്ച ആത്മവിശ്വാസത്തോടെ, വിനയത്തോടെ, സ്നേഹത്തോടെ…
നിങ്ങളുടെ സ്വന്തം ,
കുഞ്ചാക്കോ ബോബൻ
&
ഉദയ പിക്‌ചേഴ്‌സ്… Since 1946!!
Story highlights: 28 Years of Aniyathipravu
