ആദ്യ ദിനം 365 ലധികം ലേറ്റ് നൈറ്റ് ഷോകളുമായി ബ്ലോക്ക്ബസ്റ്റർ കുതിപ്പ്; പേട്രിയറ്റിന് മെഗാ ഓപ്പണിംഗ്
ഇതിഹാസ നായകന്മാരായ മമ്മൂട്ടി- മോഹൻലാൽ എന്നിവരെ കേന്ദ്ര കഥാപാത്രങ്ങളാക്കി മഹേഷ് നാരായണൻ ഒരുക്കിയ “പേട്രിയറ്റ്” ബ്ലോക്ക്ബസ്റ്റർ വിജയത്തിലേക്ക്. ഗംഭീര പ്രേക്ഷക- നിരൂപക പ്രതികരണം ലഭിക്കുന്ന ചിത്രം, കേരളത്തിലെ തീയേറ്ററുകളിൽ തരംഗം സൃഷ്ടിക്കുകയാണ്. ആദ്യ ദിനം തന്നെ 365 ലധികം ലേറ്റ് നൈറ്റ് ഷോസ് ആണ് ചിത്രത്തിനായി കൂട്ടി ചേർത്തത്. കേരളത്തിൽ വമ്പൻ ഓപ്പണിംഗ് ഉറപ്പാക്കിയ ചിത്രം ആഗോള മാർക്കറ്റിലും തകർപ്പൻ പ്രകടനമാണ് കാഴ്ച്ച വെക്കുന്നത്.
ഗൾഫിലും റെക്കോർഡ് കലക്ഷൻ ആണ് ചിത്രത്തിന് ലഭിക്കുന്നത്. ബുക്ക് മൈ ഷോയിലും ട്രെൻഡ് ആയി നിലനിൽക്കുന്ന ചിത്രം മലയാള സിനിമയിലെ മെഗാ വിജയങ്ങളുടെ നിരയിലേക്കാണ് കുതിക്കുന്നത്. നിറഞ്ഞ് കവിയുന്ന തീയേറ്ററുകളിൽ പ്രദർശനം തുടരുന്ന ചിത്രത്തിന് അഭൂത പൂർവമായ ജനപിന്തുണയാണ് ലഭിക്കുന്നത്.
മമ്മൂട്ടി- മോഹൻലാൽ ടീമിന്റെ തകർപ്പൻ പ്രകടനമാണ് ഈ ചിത്രത്തിൻ്റെ ഹൈലൈറ്റ്. വലിയ ആവേശത്തോടെയാണ് പ്രേക്ഷകർ മലയാളത്തിൻ്റെ മഹാനടന്മാരുടെ ഈ ഒന്നിക്കലിനെ സ്വീകരിക്കുന്നത്. ഇരുവരുടെയും രംഗങ്ങൾ പ്രേക്ഷകരുടെ മനസ്സിൽ തൊടുന്ന രീതിയിലാണ് സംവിധായകൻ മഹേഷ് നാരായണൻ ഒരുക്കിയിരിക്കുന്നത് എന്നതും ശ്രദ്ധേയമാണ്. ഡോക്ടർ ഡാനിയൽ ജെയിംസ് എന്ന കഥാപാത്രമായി മമ്മൂട്ടിയും കേണൽ റഹിം നായിക് എന്ന കഥാപാത്രമായി മോഹൻലാലും തകർത്താടുന്ന ചിത്രത്തിൽ ഫഹദ് ഫാസിൽ ശക്തി സുന്ദരം എന്ന കഥാപാത്രമായും കുഞ്ചാക്കോ ബോബൻ മൈക്കൽ ദേവസി എന്ന കഥാപാത്രമായുമാണ് എത്തിയിരിക്കുന്നത്.
ജിനു ജോസഫ്, ഡാനിഷ് ഹുസൈൻ, ഷഹീൻ സിദ്ദിഖ്, സനൽ അമൻ, ദർശന രാജേന്ദ്രൻ, സരിൻ ഷിഹാബ് എന്നിവരും, മദ്രാസ് കഫേ, പത്താൻ തുടങ്ങിയവയിലൂടെ ശ്രദ്ധേയനായ തീയറ്റർ ആർട്ടിസ്റ്റും സംവിധായകനുമായ പ്രകാശ് ബെലവാടിയും ചിത്രത്തിൽ നിർണ്ണായക വേഷങ്ങൾ ചെയ്തിരിക്കുന്നു. അന്താരാഷ്ട്ര സ്പൈ ആക്ഷൻ ത്രില്ലറുകളെ അനുസ്മരിപ്പിക്കുന്ന സാങ്കേതിക നിലവാരത്തിൽ ഒരുക്കിയ ഈ ചിത്രത്തിന്റെ മറ്റു ഹൈലൈറ്റുകൾ സുഷിൻ ശ്യാം ഒരുക്കിയ ത്രില്ലടിപ്പിക്കുന്ന പശ്ചാത്തല സംഗീതവും, മനുഷ് നന്ദൻ ഒരുക്കിയ ദൃശ്യങ്ങളുമാണ്. 125 കോടിയോളം ബഡ്ജറ്റിൽ ഒരുക്കിയ ചിത്രം ആന്റോ ജോസഫ് ഫിലിം കമ്പനി, കിച്ചപ്പു ഫിലിംസ് എന്നിവയുടെ ബാനറിൽ ആന്റോ ജോസഫ്, കെ ജി അനിൽകുമാർ എന്നിവർ ചേർന്നാണ് നിർമിക്കുന്നത്. സി ആർ സലിം പ്രൊഡക്ഷൻസ്, ബ്ലൂ ടൈഗേഴ്സ് ലണ്ടൻ എന്നീ ബാനറുകളിൽ സി.ആര്.സലിം, സുഭാഷ് ജോര്ജ് മാനുവല് എന്നിവരാണ് ചിത്രത്തിൻ്റെ സഹ നിർമ്മാണം നിർവഹിക്കുന്നത്. സി.വി.സാരഥിയും രാജേഷ് കൃഷ്ണയുമാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസര്മാര്.
ഛായാഗ്രഹണം – മാനുഷ് നന്ദൻ, സംഗീതം – സുഷിൻ ശ്യാം, എഡിറ്റിംഗ് – മഹേഷ് നാരായണൻ, രാഹുൽ രാധാകൃഷ്ണൻ, പ്രൊഡക്ഷന് ഡിസൈനര്സ്: ഷാജി നടുവിൽ, ജിബിൻ ജേക്കബ്, ഓഡിയോഗ്രാഫി – വിഷ്ണു ഗോവിന്ദ്, പ്രൊഡക്ഷന് കൺട്രോളർ -ഡിക്സണ് പൊടുത്താസ്, ലൈൻ പ്രൊഡ്യൂസേഴ്സ് – സുനിൽ സിങ്, നിരൂപ് പിൻ്റോ, ജസ്റ്റിൻ ബോബൻ, ജെസ്വിൻ ബോബൻ, സിങ്ക് സൗണ്ട് – വൈശാഖ് പി വി, മേക്കപ്പ് – രഞ്ജിത് അമ്പാടി, ലിറിക്സ് – അൻവർ അലി, സംഘട്ടനം – ദിലീപ് സുബ്ബരായൻ, സ്റ്റണ്ട് സിൽവ, മാഫിയ ശശി, റിയാസ് ഹബീബ്, കോസ്റ്റിയൂം ഡിസൈൻ – ധന്യ ബാലകൃഷ്ണന്, നൃത്ത സംവിധാനം – ഷോബി പോൾരാജ്, ചീഫ് അസോസിയേറ്റ് ഡയറക്ടർ – ലിനു ആന്റണി, അസോസിയേറ്റ് ഡയറക്ടര്: ഫാന്റം പ്രവീണ്, സ്റ്റിൽസ് – നവീൻ മുരളി, വിഎഫ്എക്സ് – ഫയർ ഫ്ലൈ, എഗ്ഗ് വൈറ്റ്, ഐഡൻ്റ് വിഎഫ്എക്സ്, ഫാൻ്റം വിഎഫ്എക്സ്, പിക്ടോറിയൽ വിഎഫ്എക്സ്, ബൈനറി സർക്കസ്, ഡി ഐ കളറിസ്റ്റ് – ആശീർവാദ് ഹദ്കർ, പബ്ലിസിറ്റി ഡിസൈൻ – എയ്സ്തെറ്റിക്ക് കുഞ്ഞമ്മ, ഡിജിറ്റൽ പിആർ: വിഷ്ണു സുഗതൻ, പിആർഓ: വൈശാഖ് സി വടക്കേവീട്, ജിനു അനിൽകുമാർ. ചിത്രം ആന് മെഗാ മീഡിയ ആണ് പ്രദർശനത്തിന് എത്തിച്ചത്.
Story Highlight : The film “Patriot” has recorded 365+ late-night shows
