നിവിൻ പോളി മമിത ബൈജു ചിത്രം ‘ബെത്ലഹേം കുടുംബ യൂണിറ്റ്’ തമിഴ്, തെലുങ്ക് ഡബ്ബ് പതിപ്പുകൾ സെപ്റ്റംബർ 4-ന് തിയേറ്ററുകളിൽ എത്തും
മലയാളത്തിൽ റെക്കോർഡുകൾ തിരുത്തിക്കുറിച്ചുള്ള വൻ വരവേൽപ്പ് തുടരുന്ന ഭാവന സ്റ്റുഡിയോസിന്റെ പുതിയ ചിത്രം ‘ബെത്ലഹേം കുടുംബ യൂണിറ്റ്’ ഇനി തമിഴ്നാട്ടിലേക്കും തെലുങ്കിലേക്കും . ‘പ്രേമം’, ‘പ്രേമലു’ തുടങ്ങിയ വമ്പൻ ഹിറ്റുകൾക്ക് ശേഷം തമിഴ് പ്രേക്ഷകരുടെ ഇടയിലും വലിയ തരംഗമാകാനൊരുങ്ങുകയാണ് നിവിൻ പോളി, മമിത ബൈജു, ഗിരീഷ് എ.ഡി ടീമിന്റെ ഈ ചിത്രം.
മലയാളം പതിപ്പിന് തിയേറ്ററുകളിൽ ലഭിക്കുന്ന അത്യഭൂതപൂർവ്വമായ ജനപ്രീതി കണക്കിലെടുത്ത്, ചിത്രത്തിന്റെ തമിഴ് ഡബ്ബ്ഡ് വേർഷൻ സെപ്റ്റംബർ 4-ന് തമിഴ്നാട്ടിൽ വൻ റിലീസായി എത്തും. ഫ്യൂച്ചർ റണ്ണപ്പ് ഫിലിംസാണ് ഡിസ്ട്രിബ്യൂഷൻ. അതേസമയം, ചിത്രത്തിന്റെ ബോക്സ് ഓഫീസിലെ അഭൂതപൂർവ്വമായ വരവേൽപ്പ് കണ്ട് തെലുങ്ക് സിനിമാ വിപണിയിലെ വമ്പൻ ഡിസ്ട്രിബ്യൂട്ടർമാരായ മൈത്രി മൂവി മേക്കേഴ്സും ഫ്യൂച്ചർ റണ്ണപ്പ് ഫിലിംസും ചേർന്നാണ് സിനിമയുടെ തെലുങ്ക് പതിപ്പ് പുറത്തെത്തിക്കാൻ കൈകോർക്കുന്നത്.
ഗിരീഷ് എ.ഡിയുടെ സംവിധാന മികവും ഭാവന സ്റ്റുഡിയോസിന്റെ നിർമ്മാണ മികവും ഒത്തൊരുമിച്ചപ്പോൾ തെന്നിന്ത്യയൊട്ടാകെ മറ്റൊരു വമ്പൻ ഹിറ്റിലേക്കാണ് ‘ബെത്ലഹേം കുടുംബ യൂണിറ്റ്’ വഴിതുറക്കുന്നത്. ആഗോള ബോക്സ് ഓഫീസിൽ സർവ്വകാല കളക്ഷൻ വേട്ടയുമായി വിജയക്കുതിപ്പ് തുടരുകയാണ് ചിത്രം. ഇതിനകം 61.37 കോടിയാണ് നേടിയിരിക്കുന്ന ബോക്സോഫീസ് കളക്ഷൻ
Story Highlight : “Bethlehem Kudumba Unit” Telugu and Tamil Releasing on 4th September
