‘നീ എന്നെ ഇങ്ങനെ ഗോസ്റ്റ് ചെയ്യുമെന്ന് വിചാരിച്ചോ, പക്ഷേ ഞാൻ നിന്നെ ഓർബിറ്റ് ചെയ്യും’, ജെൻ-സി ട്രെൻഡി വാക്കുകളും ചിരിനിമിഷങ്ങളുമായി ‘BKU’ കലക്കൻ ട്രെയിലർ പുറത്ത്, ട്രെയിലർ കണ്ട് ചാർജ്ജായി പ്രേക്ഷകർ, ഓണം റിലീസായി ചിത്രം ഓഗസ്റ്റ് 21ന് റിലീസിന്
ഓണത്തിന് നല്ല നാടൻ ചിരി സദ്യ തന്നെ ഒരുക്കി നിവിൻ പോളി – ഗിരീഷ് എ.ഡി. കൂട്ടുകെട്ടിന്റെ “ബത്ലഹേം കുടുംബ യൂണിറ്റ്” ട്രെയിലർ പുറത്ത്. ”നീ എന്നെ ഇങ്ങനെ ഗോസ്റ്റ് ചെയ്യുമെന്ന് വിചാരിച്ചോ, പക്ഷേ ഞാൻ നിന്നെ ഓർബിറ്റ് ചെയ്യുന്നുണ്ടായിരുന്നു”, തുടങ്ങിയ ജെൻ-സി ട്രെൻഡി വാക്കുകളും ചിരിനിമിഷങ്ങളുമായി എത്തിയിരിക്കുന്ന ട്രെയിലർ സിനിമാ പ്രേക്ഷകരെ ചാർജ്ജാക്കാൻ പോന്നതാണ്. ഓണം റിലീസായി ചിത്രം ഓഗസ്റ്റ് 21 -ന് തിയേറ്ററുകളിൽ എത്തും.
ചിരിനിറഞ്ഞ കുടുംബചിത്രം എന്നുറപ്പിക്കാവുന്നതാണ് ട്രെയിലർ. ‘ജസ്റ്റിൻ’ എന്ന കഥാപാത്രമായി നിവിൻ പോളിയും ‘ആഷ്ലി’യായി മമിത ബൈജുവും എത്തുന്ന ചിത്രം ഗ്രാമീണ പശ്ചാത്തലത്തിൽ കോമഡിക്കും പ്രണയത്തിനും പ്രാധാന്യം നൽകിയാണ് ഒരുക്കിയിരിക്കുന്നത് എന്നാണ് മനസ്സിലാക്കാനാകുന്നത്. മൂന്ന് മിനിറ്റോളം ദൈർഘ്യമുള്ള ട്രെയിലർ ഈ ഓണക്കാലത്ത് കുടുംബസമേതം കണ്ടിരിക്കാവുന്ന ഒരു കംപ്ലീറ്റ് എന്റർടൈനർ തന്നെയാണ് ചിത്രമെന്ന ഉറപ്പ് നൽകുന്നു. തിയേറ്ററുകളിൽ ‘പ്രേമലു’ തരംഗത്തിന് ശേഷം ഭാവന സ്റ്റുഡിയോസിന്റെ ബാനറിൽ ‘തണ്ണീർമത്തൻ ദിനങ്ങൾ’, ‘സൂപ്പർ ശരണ്യ’, ‘പ്രേമലു’ എന്നീ സൂപ്പർഹിറ്റ് ചിത്രങ്ങൾക്ക് ശേഷം ഗിരീഷ് എ.ഡി. സംവിധാനം ചെയ്യുന്ന ചിത്രമാണിത്.
മലയാളത്തിലെ ശ്രദ്ധേയ ബാനറായ ഭാവന സ്റ്റുഡിയോസും നിവിൻ പോളിയും ആദ്യമായി ഒരുമിക്കുമ്പോള് പ്രേക്ഷകരും മികച്ചൊരു സിനിമ തന്നെയാണ് കാത്തിരിക്കുന്നത്. ഭാവന സ്റ്റുഡിയോസ് ഒരുക്കുന്ന ആറാമത്തെ ചിത്രവുമാണിത്. ഭാവന സ്റ്റുഡിയോസിന്റെ ബാനറിൽ ദിലീഷ് പോത്തൻ, ഫഹദ് ഫാസിൽ, ശ്യാം പുഷ്കരൻ എന്നിവർ ചേർന്നാണ് ചിത്രം നിർമ്മിക്കുന്നത്. ഗിരീഷ് എ.ഡിയും കിരൺ ജോസിയും ചേർന്നാണ് സിനിമയുടെ രചന നിർവ്വഹിച്ചിരിക്കുന്നത്.
സംഗീത് പ്രതാപ്, സുരേഷ് കൃഷ്ണ, ബിന്ദു പണിക്കർ, വിനയ് ഫോർട്ട്, റോഷൻ ഷാനവാസ്, ശ്യാം മോഹൻ, ഷമീർ ഖാൻ, ശ്രിന്ദ, പാർവതി അയ്യപ്പദാസ്, മീനാക്ഷി രവീന്ദ്രൻ തുടങ്ങി വലിയൊരു താരനിര തന്നെയാണ് ചിത്രത്തിലുള്ളത്. ചാലക്കുടി, പൊള്ളാച്ചി, ഗോവ, ഹൈദ്രബാദ്, കുട്ടിക്കാനം എന്നീ ലൊക്കേഷനുകളിലായി നൂറിലധികം ദിവസങ്ങൾ കൊണ്ടാണ് സിനിമയുടെ ചിത്രീകരണം പൂർത്തിയായിട്ടുള്ളത്.
ഛായാഗ്രഹണം: അജ്മൽ സാബു, സംഗീത സംവിധാനം: വിഷ്ണു വിജയ്, എഡിറ്റർ: ആകാശ് ജോസഫ് വർഗ്ഗീസ്. ഗാനരചന: വിനായക് ശശികുമാർ, എക്സിക്യൂട്ടീവ് പ്രൊഡ്യൂസർ: ബെന്നി കട്ടപ്പന, ജോസ് വിജയ്, പ്രൊഡക്ഷൻ കൺട്രോളർ: റിച്ചാർഡ്, ആർട്ട് ഡയറക്ടർ: ആഷിക് എസ്, കോസ്റ്റ്യൂം: ധന്യ ബാലകൃഷ്ണൻ, മേക്കപ്പ്: റോണക്സ് സേവ്യർ, സംഘട്ടനം: ആക്ഷൻ സന്തോഷ്, പ്രൊഡക്ഷൻ എക്സിക്യൂട്ടീവ്: ജംഷീർ പുരക്കാട്ടിരി, ചീഫ് അസ്സോസിയേറ്റ് ഡയറക്ടർ: ഫിലിപ്പ് ഫ്രാൻസിസ്, സൗണ്ട് മിക്സിങ്: വിഷ്ണു സുജാതൻ, സൗണ്ട് ഡിസൈൻ: ശങ്കരൻ എ.എസ്, കെ.സി സിദ്ധാർത്ഥൻ, വിഎഫ്എക്സ്: എഗ്ഗ് വൈറ്റ് വിഎഫ്എക്സ്, കളറിസ്റ്റ്: രമേഷ് സി.പി, സ്റ്റിൽസ്: റിൻസൺ എം.ബി, റിഷിലാൽ ഉണ്ണികൃഷ്ണൻ,പോസ്റ്റർ ഡിസൈൻ: യെല്ലോ ടൂത്ത്സ്, പിആർഒ: ആതിര ദിൽജിത്ത്.
Story Highlight : The Official Trailer of #BKU is out Now
