തല അജിത്തിനൊപ്പം സുന്ദരിയായി നയന്‍താര; വൈറലായി വിശ്വാസത്തിന്റെ ലൊക്കേഷന്‍ ചിത്രം
തമിഴകത്തിന്റെ പ്രിയതാരം അജിത് നായകനായി എത്തുന്ന ചിത്രമാണ് ‘വിശ്വാസം’. ഏറെ ആകാംക്ഷയോടെയാണ് ആരാധകര്‍ ചിത്രത്തിനുവേണ്ടി കാത്തിരിക്കുന്നത്. വിശ്വാസത്തിന്റെ ലൊക്കേഷനില്‍ നിന്നുള്ള ചില ചിത്രങ്ങളും സാമൂഹ്യമാധ്യമങ്ങളില്‍ വൈറലാവുകയാണ്. തല അജിത്തിനൊപ്പം നയന്‍തായും പുറത്തുവരുന്ന ലൊക്കേഷന്‍ ചിത്രങ്ങളില്‍ ഇടംപിടിച്ചിട്ടുണ്ട്. സാരിയുടുത്ത് നെറുകയില്‍ സിന്ദൂരം ചാര്‍ത്തിയുമാണ് നയന്‍താര ചിത്രത്തില്‍ പ്രത്യക്ഷപ്പെട്ടിരിക്കുന്നത്.
അടുത്തിടെ വിശ്വാത്തിന്റെ മോഷന്‍ പോസ്റ്ററും പുറത്തിറങ്ങിയിരുന്നു. കിടിലന്‍ ലുക്കിലാണ് തല അജിത് മോഷന്‍ പോസ്റ്ററില്‍ പ്രത്യക്ഷപ്പെടുന്നത്. അതേസമയം വിശ്വാസത്തിന്റെ ചിത്രീകരണം പൂര്‍ത്തിയായി. പൊങ്കലിന് ചിത്രം തീയറ്ററുകളിലെത്തും എന്നാണ് അണിയറ പ്രവര്‍ത്തകരുടെ പ്രഖ്യാപനം. ശിവയാണ് ചിത്രത്തിന്റെ സംവിധാനം നിര്‍വ്വഹിക്കുന്നത്.
#Thala #Ajith‘s #ViswasamArrivesForPongal ??@directorsiva @SureshChandraa @SathyaJyothi_ @vetrivisuals @immancomposer @AntonyLRuben @dhilipaction @kjr_studios @ViswasamOffl #ViswasamPongal2019 #ViswasamThiruvizha #ViswasamStormOnPongal pic.twitter.com/cyaxRhoMVI
— Raaga (@raagadotcom) 29 November 2018
ശിവ അജിത്ത് കൂട്ടുകെട്ടില്‍ ഒരുങ്ങുന്ന നാലമത്തെ ചിത്രമാണ് ‘വിശ്വാസം’. ഇരുവരുടെയും കൂട്ടുകെട്ടില്‍ ഒരുങ്ങിയ ‘വീരം’, ‘വേഗം’, ‘വേതാളം’ എന്നീ ചിത്രങ്ങള്‍ക്ക് മികച്ച പ്രേക്ഷക പ്രതികരണം ലഭിച്ചിരുന്നു. അതുകൊണ്ടുതന്നെ ഇരുവരുടെയും പുതിയ ചിത്രത്തിനായ് ഏറെ പ്രതീക്ഷയോടെയാണ് ആരാധകര്‍ കാത്തിരിക്കുന്നത്.
Read more:അജിത്തിന്റെ മകളായി മലയാളി താരം അനിഘ വീണ്ടും വെള്ളിത്തിരയില്‍
‘വിശ്വാസം’ എന്ന ചിത്രത്തില്‍ അജിത്തിന്റെ നായിക നയന്‍ താരയാണ്. ചിത്രത്തില്‍ സാള്‍ട്ട് ആന്‍ഡ് പേപ്പര്‍ ലുക്കിലും തല നരക്കാത്തലുക്കിലും അജിത് എത്തുന്നുണ്ട്.ചിത്രത്തില്‍ അജിത് ഇരട്ടവേഷത്തിലായിരിക്കും അഭിനയിക്കുകയെന്ന് നേരത്തെ തന്നെ റിപ്പോര്‍ട്ടുണ്ട്. പൊലീസ് ഉദ്യോഗസ്ഥനാണ് ഒരു കഥാപാത്രമെന്നായിരുന്നു റിപ്പോര്‍ട്ട്.
നിരവധി ഷൂട്ടിംഗ് ആക്ഷന്‍ രംഗങ്ങള്‍ ചിത്രത്തിലുണ്ട്. ചിത്രത്തിനായി ചെന്നൈ റൈഫിള്‍ ക്ലബില്‍ അജിത് ഷൂട്ടിംഗില്‍ പരിശീലനം നേടിയിരുന്നു. അതേസമയം മധുര സ്വദേശിയായ കഥാപാത്രമായും അജിത് ചിത്രത്തിലുണ്ടാകും എന്നും റിപ്പോര്‍ട്ടുണ്ട്.
