വീണ്ടും തോൽവി സമ്മതിച്ച് കേരള ബ്ലാസ്റ്റേഴ്സ്
December 8, 2018
ഐ എസ് എല്ലിൽ വീണ്ടും കേരള ബ്ലാസ്റ്റേഴ്‌സിന് തോൽവി. പുനെ സിറ്റി എഫ്.സിയോടാണ് കേരള ബ്ലാസ്റ്റേഴ്സ് തോൽവി സമ്മതിച്ചത്. ഏകഗോളിനാണ് ബ്ലാസ്‌റ്റേഴ്‌സിനെ പൂനെ സിറ്റി തോൽപ്പിച്ചത്.
ബ്രസീലിയന്‍ താരം മാര്‍സലീഞ്ഞോയാണ് പുനെ സിറ്റിക്ക് വേണ്ടി ഗോള്‍ നേടിയത്. മത്സരത്തിന്റെ ഇരുപതാം മിനുറ്റിലായിരുന്നു നിര്‍ണ്ണായക ഗോള്‍ പിറന്നത്. തുടര്‍ച്ചയായ മുന്നേറ്റങ്ങള്‍ ബ്ലാസ്റ്റേഴ്സ് നടത്തുന്നതിനിടെ പുനെ നടത്തിയ കൗണ്ടര്‍ അറ്റാക്കില്‍ നിന്നായിരുന്നു മാർസലീഞ്ഞോയുടെ ഗോൾ.
ബ്ലാസ്റ്റേഴ്സ് തുടര്‍ച്ചയായ നാലാം തോല്‍വിയാണ് ഇതോടെ വഴങ്ങിയത്. 11 മത്സരങ്ങളില്‍ നിന്നും ഒമ്പത് പോയിന്റുമായി ഏഴാമതാണ് ബ്ലാസ്‌റ്റേഴ്‌സിന്റെ സ്ഥാനം. 11 മത്സരങ്ങളില്‍ നിന്നും രണ്ടാം ജയത്തോടെ എഫ്.സി പുണെ സിറ്റി എട്ട് പോയിന്റുമായി എട്ടാം സ്ഥാനത്താണ്.
