കാഴ്ചയ്‌ക്കൊരു യുദ്ധഭൂമി; രഹസ്യങ്ങൾ ഒളിപ്പിച്ച് തകർന്നടിഞ്ഞ യുദ്ധക്കപ്പൽ പോലൊരു ദ്വീപ്
ചില സ്ഥലങ്ങളിലെ കാഴ്ചയിലെ കൗതുകമാണ് അവിടേക്ക് വിനോദസഞ്ചാരികളെ ആകർഷിക്കുന്നത്… അത്തരത്തിൽ രൂപത്തിൽ കൗതുകം നിറഞ്ഞൊരിടമാണ് ബാറ്റിൽഷിപ്പ് ഐലൻഡ്. ആദ്യകാഴ്ചയിൽ തകർന്നടിഞ്ഞ യുദ്ധക്കപ്പൽ പോലെയാണ് ഈ ഇടം തോന്നുന്നത്. യുദ്ധഭൂമി പോലെ തോന്നുന്ന ഈ ഇടത്തിന്റെ യഥാർത്ഥ പേര് ‘ഹാഷിമ’ എന്നാണ്. എന്നാൽ ഈ ദ്വീപ് തകർന്ന യുദ്ധക്കപ്പലിന്റെ രൂപത്തിലായതിനാൽ അതേ അർഥം വരുന്ന ‘ഗുങ്കൻജിമ’ എന്ന പേരിലും ഈ പ്രദേശത്തെ വിശേഷിപ്പിക്കാറുണ്ട്. ഒരിക്കൽ ഇവിടെ ജനവാസം ഉണ്ടായിരുന്നുവെന്ന് തോന്നിക്കുന്ന യാതൊരു വിധ തെളിവുകളും ഈ ഇടത്തിൽ ഇപ്പോൾ അവശേഷിക്കുന്നില്ല.
കാഴ്ചയിൽ ഏറെ വ്യത്യസ്തതകൾ പുലർത്തുന്ന ഈ ഇടത്തിനുണ്ട് നിരവധി പ്രത്യേകതകൾ. ഒരു യുദ്ധഭൂമിയ്ക്ക് സമാനമായ രീതിയിലാണ് ഈ ദ്വീപിന്റെ ആകൃതി. എന്നാൽ വർഷങ്ങൾക്ക് മുൻപ് ഇവിടെ നിരവധി ആളുകൾ താമസിച്ചിരുന്നു. അതിനും പുറമെ മറ്റൊരു കഥയും പറയാനുണ്ട് ഈ ഇടത്തിന്, നാഗസാക്കിയുടെ പരിധിയിൽപ്പെട്ട നിരവധി ഇടങ്ങളിൽ ഒന്നാണ് ഹാഷിമ ദ്വീപ്. എന്നാൽ ഈ പ്രദേശം ഒരു യുദ്ധത്തിന്റെ അവശേഷിപ്പല്ല. മറിച്ച് വർഷങ്ങൾക്ക് മുൻപ് ഈ ദ്വീപിലും പരിസര പ്രദേശങ്ങളിലുമായി വ്യാപകമായി കൽക്കരി ഖനി കണ്ടെത്തിയിരുന്നു. അങ്ങനെ രണ്ടാം ലോക മഹായുദ്ധത്തിന്റെ കാലത്ത് ഇവിടുത്തെ കൽക്കരി ഖനി ശേഖരിക്കുന്നതിനായി നിരവധിപേർ എത്തുകയും ഈ പ്രദേശത്തെ ചൂഷണം ചെയ്യുകയും ചെയ്തു. കൊറിയയിൽ നിന്നും ചൈനയിൽ നിന്നുമാണ് കൽക്കരി കുഴിച്ചെടുക്കുന്നതിനായി തൊഴിലാളികളെയും ജയിൽ പുള്ളികളെയും ഇവിടേക്ക് എത്തിച്ചത്.
Read also: സ്‌ത്രീകളുടെ കൈയിൽ ഭദ്രമാണ് ഈ നഗരം; കൗതുകം നിറഞ്ഞ ആചാരങ്ങളുമായി കിനു ദ്വീപ്
പിന്നീട് വർഷങ്ങൾക്ക് ശേഷം കൽക്കരിയ്ക്ക് പകരം പെട്രോളിയം വന്നതോടെ ഈ പ്രദേശത്തിന്റെ വിലയിടിഞ്ഞു. അവസാനം ഈ പ്രദേശത്തിന്റെ ഡിമാൻഡ് നഷ്ടമായതോടെ ഇവിടെ നിന്നും ആളുകൾ താമസം മാറ്റാൻ തുടങ്ങി. അങ്ങനെ എല്ലാവരാലും ഉപേക്ഷിക്കപ്പെട്ട ഈ നഗരം അവസാനം ഒരു തകർന്നടിഞ്ഞ യുദ്ധക്കപ്പലിന് സമാനമായി മാറുകയായിരുന്നു.
Story Highlights: The Haunting Story of Battleship Island
