ഇതൊക്കെ സിംപിൾ അല്ലേ; ഓർമ്മശക്തികൊണ്ട് അത്ഭുതപ്പെടുത്തി രണ്ടര വയസുകാരി, മനഃപാഠമാക്കിയത് 200- ലധികം രാജ്യങ്ങളും അവയുടെ തലസ്ഥാനങ്ങളും
ബുദ്ധിശക്തികൊണ്ടും കഴിവുകൊണ്ടുമൊക്കെ പലപ്പോഴും മുതിർന്നവരെപ്പോലും അത്ഭുതപ്പെടുത്താറുണ്ട് ചില കുഞ്ഞുങ്ങൾ. ഇപ്പോഴിതാ ഇരുനൂറിലധികം രാജ്യങ്ങളും അവയുടെ തലസ്ഥാനങ്ങളും മനഃപാഠമാക്കി കേൾവിക്കാരെ മുഴുവൻ അമ്പരപ്പിക്കുകയാണ് ഒരു കൊച്ചുമിടുക്കി. പ്രണിന പ്രദീപ് എന്ന രണ്ടര വയസ്സുകാരിയാണ് ഈ ചെറുപ്രായത്തിനുള്ളിൽ ഇത്രയധികം രാജ്യങ്ങളുടെ തലസ്ഥാനങ്ങൾ മനഃപാഠമാക്കിയിരിക്കുന്നത്. രാജ്യങ്ങളുടെ പേരുകൾ ചോദിക്കുമ്പോൾ വളരെ വേഗത്തിൽ ഒന്നാലോചിക്കുക പോലും ചെയ്യാതെയാണ് പ്രണിന ഉത്തരങ്ങൾ പറയുന്നത്.
ഐഎഎസ് ഓഫീസറായ പ്രിയങ്ക ശുക്ല സോഷ്യൽ മീഡിയയിൽ പങ്കുവെച്ച ഈ വിഡിയോ ഇതിനോടകം നിരവധിപ്പേർ ഏറ്റെടുത്തുകഴിഞ്ഞു. സമൂഹമാധ്യമങ്ങളിൽ പങ്കുവെച്ച വിഡിയോയ്ക്ക് മികച്ച കമന്റുകളാണ് ലഭിച്ചുകൊണ്ടിരിക്കുന്നത്. ഈ കുഞ്ഞുപ്രായത്തിനുള്ളിൽ ഇത്രയധികം കാര്യങ്ങൾ കാണാതെ പഠിച്ച ഈ രണ്ടര വയസുകാരിയ്ക്ക് നിറഞ്ഞ അഭിനന്ദനമാണ് കമന്റുകളിലൂടെ ലഭിച്ചുകൊണ്ടിരിക്കുന്നത്.
ഈ കൊറോണക്കാലത്ത് ഇത്തരത്തിലുള്ള വിഡിയോകളും ചിത്രങ്ങളും കാഴ്ചക്കാരിൽ കൂടുതൽ ഊർജം പകരും എന്നാണ് മിക്കവരും അഭിപ്രായപ്പെടുന്നത്. കുഞ്ഞുങ്ങളുടെ ഇത്തരം കഴിവുകൾ ചെറുപ്പത്തിലേ കണ്ടറിഞ്ഞ് പ്രോത്സാഹിപ്പിക്കുന്ന മാതാപിതാക്കൾക്കും നിറഞ്ഞ അഭിനന്ദനമാണ് സോഷ്യൽ ഇടങ്ങളിൽ നിന്നും ലഭിച്ചുകൊണ്ടിരിക്കുന്നത്.
आपको कितने देश की राजधानियों के नाम पता हैं?
— Priyanka Shukla (@PriyankaJShukla) June 1, 2021
इस वीडियो के माध्यम से मिलिए मेरे सहयोगी @23Pradeep की बिटिया प्रनिना से!
मात्र 2.6 वर्ष की उम्र में इन्हें 205 देशों की राजधानियों के नाम कंठस्थ हैं।
प्रदीप बताते हैं कि प्रनिना की याददाश्त प्रारम्भ से ही असाधारण है। pic.twitter.com/Zz7KViSqhy
Story Highlights; little girl says capital of 200 above countries viral video
