ഉണരുണരൂ..പാട്ടിന്റെ മനോഹാരിതകൊണ്ട് ഫ്‌ളവേഴ്‌സ് ടോപ് സിംഗർ വേദിയെ തൊട്ടുണർത്തി കൊച്ചുഗായിക- ഹൃദയംകൊണ്ട് ഏറ്റെടുത്ത് സംഗീതപ്രേമികൾ
ആലാപനത്തിലെ മനോഹാരിത കൊണ്ട് പാട്ട് പ്രേമികളുടെ മുഴുവൻ പ്രിയങ്കരിയായി മാറിയ കൊച്ചുഗായികയാണ് ഫ്‌ളവേഴ്‌സ് ടോപ് സിംഗർ വേദിയിലെ കൃഷ്ണശ്രീ. മലയാളികൾ നെഞ്ചോട് ചേർത്തുവെച്ച ഗാനങ്ങളുമായി പാട്ട് വേദിയിൽ എത്താറുള്ള ഈ കൊച്ചുമിടുക്കിയുടെ പാട്ടുകൾക്ക് മികച്ച സ്വീകാര്യതയാണ് ലഭിക്കാറുള്ളതും. ഇത്തവണയും അത്തരത്തിൽ ഒരു പഴയകാല മെലഡിയുമായാണ് കൃഷ്ണശ്രീ എത്തിയത്. സത്യൻ നായകനായി എത്തിയ അമ്മയെ കണാൻ എന്ന ചിത്രത്തിലെ ഒരു മനോഹരാഗണവുമായാണ് കൃഷ്ണശ്രീ എത്തിയത്.
ഉണരുണരൂ… ഉണ്ണിപ്പൂവേ..
ആ… ആ….ആ….
കരിക്കൊടി തണലത്തു –
കാട്ടിലെ കിളിപ്പെണ്ണിന്‍
കവിത കേട്ടുറങ്ങുന്ന പൂവേ
കവിത കേട്ടുറങ്ങുന്ന പൂവേ… എന്ന ഗാനമാണ് ഈ കൊച്ചുമിടുക്കി വേദിയിൽ അവതരിപ്പിക്കുന്നത്. പി ഭാസ്കരന്റെ വരികൾക്ക് കെ രാഘവൻ സംഗീതം നൽകിയ ഗാനം ഒരിക്കൽ കൂടി മലയാളി ഹൃദയങ്ങളിലേക്ക് എത്തിക്കുകയാണ് ഈ കുഞ്ഞുമോൾ.
ഫ്‌ളവേഴ്‌സ് ടോപ് സിംഗർ വേദിയിലെ കുരുന്നുകളുടെ ഓരോ പാട്ടുകളെയും ഹൃദയത്തിലേറ്റാറുള്ള ആരാധകർക്ക് മറ്റൊരു മനോഹര നിമിഷം സമ്മാനിക്കുകയാണ് കൃഷ്ണശ്രീ. മനോഹരമായി പാട്ട് പാടുന്ന ഈ കുഞ്ഞുമോളെ നിറഞ്ഞ് അഭിനന്ദിക്കുന്നുമുണ്ട് വേദിയിലെ വിധികർത്താക്കളും അതിഥികളും. എത്ര പ്രയാസമേറിയ പാട്ടും വളരെ ലാഘവത്തോടെയും ഗംഭീരമായും പാടാറുള്ള ഈ കുഞ്ഞുമോളുടെ പാട്ടിന്റെ സിലക്ഷനെയും ആലാപനത്തെയും ഇത്തവണയും നിറഞ്ഞ കൈയടികളോടെയാണ് വിധികർത്താക്കൾ സ്വീകരിച്ചിരിക്കുന്നത്.
നേരത്തെ ജോൺസൺ മാസ്റ്ററിന്റെ ‘താലം താലോലം ഓലം ഓലോലം’ എന്ന ഗാനം പാടിയും കൃഷ്ണശ്രീ ശ്രദ്ധിക്കപ്പെട്ടിരുന്നു. താരാട്ട് പാട്ടിന്റെ മനോഹാരിതയും ജോൺസൺ മാഷിന്റെ സംഗീതത്തിലെ മാന്ത്രികതയും നിറഞ്ഞ ഈ ഗാനം ഗംഭീരമായ ശബ്ദത്തിൽ പ്രേക്ഷകരിലേക്ക് എത്തിച്ച കൃഷ്ണശ്രീയെ നിറഞ്ഞ അഭിനന്ദനങ്ങളോടെയാണ് വേദി ഏറ്റെടുത്തതും.
Story highlights: Krishnasree’s amazing performance
