കുട്ടികളിലെ വയറിളക്കവും പൊതുവായുള്ള കാരണങ്ങളും

June 13, 2022

കുട്ടികൾക്ക് ആരോഗ്യപ്രശ്നങ്ങളുണ്ടാകുന്നത് സാധാരണമാണ്. എന്നാൽ എന്താണ് അവയ്ക്ക് പിന്നിലെ കാരണം എന്നറിയാനാണ് പ്രശ്നം. സംസാരിക്കാൻ തുടങ്ങാത്ത പ്രായത്തിൽ അവരുടെ അസ്വസ്ഥതകൾ കരച്ചിലിലൂടെ അല്ലാതെ കുട്ടികൾക്ക് പ്രകടിപ്പിക്കാൻ അറിയില്ല. എന്നാൽ, വയറിളക്കം പോലെയുള്ള അസുഖങ്ങളിൽ ലക്ഷണങ്ങളിലൂടെ എന്താണ് അസുഖം എന്ന് തിരിച്ചറിയാൻ സാധിക്കും.

ചെറിയ കുട്ടികളിൽ വയറിളക്കം ഒരു സാധാരണ രോഗലക്ഷണമാണ്. വർഷത്തിൽ രണ്ടുതവണയെങ്കിലും കുട്ടികളിൽ ഇങ്ങനെ വയറിളക്കം ഉണ്ടാകാറുണ്ട്. വയറിളക്കം പലപ്പോഴും രണ്ട് ദിവസത്തിനുള്ളിൽ സ്വയം മാറും. നേരിയ വയറിളക്കമുള്ള മിക്ക കുട്ടികൾക്കും അവരുടെ ഭക്ഷണക്രമത്തിൽ മാറ്റമൊന്നും വരുത്തേണ്ടതില്ലന്നാണ് ആരോഗ്യപ്രവർത്തകർ പറയാറുള്ളത്. എന്നാൽ പതിവായി കഴിക്കുന്നതും കുടിക്കുന്നതുമായ സാധനങ്ങൾ കുട്ടിക്ക് അസ്വസ്ഥത സൃഷ്ടിച്ചാൽ തീർച്ചയായതും ഡോക്ടറോട് ചോദിച്ച് സ്ഥിരീകരിക്കേണ്ടതാണ്. ഇത് പൊതുവെ കുട്ടികളിൽ കണ്ടുവരുന്നു.

എന്നാൽ മറ്റൊരു വിഭാഗം വയറിളക്കം ഛർദ്ദിയോട് കൂടിയാണ് വരുന്നത്. അത് വയറിളക്കത്തിനൊപ്പം ഛർദ്ദിയും കൂടി എന്ന വ്യത്യാസമുണ്ട്. മറ്റൊന്നാണ് വളരെ ഗുരുതരമായത്. അത് വെള്ളമായിപോലും ഇടവിട്ട് വയറിളകുന്നതാണ്.

വയറിളക്കം ശരീരത്തിന്റെ രോഗാണുക്കളെ ഒഴിവാക്കാനുള്ള ഒരു വഴിയാണ്. മിക്കപ്പോഴും ഇവ ആരംഭിച്ചാൽ ഏതാനും ദിവസം മുതൽ ഒരാഴ്ച വരെ നീണ്ടുനിൽക്കും. പനി, ഓക്കാനം, ഛർദ്ദി, മലബന്ധം, നിർജ്ജലീകരണം, എന്നിവയ്‌ക്കൊപ്പം വയറിളക്കം ഉണ്ടാകാം. കുട്ടികൾക്ക് വയറിളക്കം ഉണ്ടാകാനുള്ള ഏറ്റവും സാധാരണമായ ചില കാരണങ്ങളിൽ ഇവ ഉൾപ്പെടുന്നു.

റോട്ടവൈറസ് പോലുള്ള വൈറസുകൾ, സാൽമൊണല്ല പോലുള്ള ബാക്ടീരിയകൾ, ജിയാർഡിയ പോലുള്ളവയിൽ നിന്നുള്ള അണുബാധയാണ് പ്രധാനമായുള്ള കാരണങ്ങൾ. ഒരു കുട്ടിയുടെ വയറിളക്കത്തിന്റെ ഏറ്റവും സാധാരണമായ കാരണം വൈറസുകളാണ്. അയഞ്ഞതോ വെള്ളമോ ആയ മലം കൂടാതെ, വൈറൽ ഗ്യാസ്ട്രോഎൻറൈറ്റിസ് അണുബാധയുടെ ലക്ഷണങ്ങളിൽ പലപ്പോഴും ഛർദ്ദി, വയറുവേദന, തലവേദന, പനി എന്നിവ ഉൾപ്പെടുന്നു. ഭക്ഷ്യവിഷബാധ കുട്ടികളിൽ വയറിളക്കത്തിനും കാരണമാകും. രോഗലക്ഷണങ്ങൾ സാധാരണയായി പെട്ടെന്ന് പ്രത്യക്ഷപ്പെടും, ഛർദ്ദിയുമുണ്ടാകും. എന്നാൽ, 24 മണിക്കൂറിനുള്ളിൽ നിലയ്ക്കുകയും ചെയ്യും.

Read Also: ഓട്ടോറിക്ഷയുടെ ഉള്ളിൽ മിനി ഗാർഡൻ ഒരുക്കി ഡ്രൈവർ; കൗതുക കാഴ്ച

കുടൽ രോഗം, ക്രോൺസ് രോഗം, വൻകുടൽ പുണ്ണ്, ഭക്ഷണ അലർജികൾ, സീലിയാക് രോഗം എന്നിവയാണ് വയറിളക്കത്തിന്റെ മറ്റ് കാരണങ്ങൾ. കുട്ടിയുടെ വയറിളക്കത്തിന് കാരണമാകുന്നത് എന്താണെന്ന് നിങ്ങൾക്ക് ഉറപ്പില്ലെങ്കിലും ഉണ്ടെങ്കിലും ഡോക്ടറെ സമീപിക്കാൻ മടിക്കരുത്.

Story highlights-Diarrhea in Children