ശകുന്തളയായി സാമന്ത, ഒപ്പം അല്ലു അർജുന്റെ മകളും- ‘ശാകുന്തളം’ ട്രെയ്‌ലർ
സാമന്ത റൂത്ത് പ്രഭുവും ദേവ് മോഹനും പ്രധാന കഥാപാത്രങ്ങളെ അവതരിപ്പിക്കുന്ന ശാകുന്തളം എന്ന ചിത്രത്തിന്റെ ട്രെയിലർ പുറത്തുവിട്ടു. ട്രെയിലറിൽ അല്ലു അർജുന്റെ മകൾ അല്ലു അർഹയെയും ഒരു പ്രധാന വേഷത്തിൽ അവതരിപ്പിക്കുന്നു. ശകുന്തളയായി സാമന്ത എത്തുമ്പോൾ ശകുന്തളയുടെ ജനനവും ദുഷ്യന്തനുമായുള്ള പ്രണയവും വിവാഹവുമെല്ലാം ട്രെയിലറിൽ കാണിക്കുന്നു.
ഋഷി ദുർവാസയുടെ ശാപത്തെത്തുടർന്ന് ശകുന്തളയുടെ കഷ്ടപ്പാടുകളുടെ ഒരു നേർക്കാഴ്ചയാണ് ട്രെയിലറിന്റെ ബാക്കി ഭാഗം. ട്രെയിലറിന്റെ അവസാനത്തിൽ, നിർമ്മാതാക്കൾ അല്ലു അർജുന്റെ മകൾ അല്ലു അർഹയെ ശകുന്തളയുടെയും ദുഷ്യന്തന്റെയും മകൻ ഭരതായി അവതരിപ്പിച്ചിരിക്കുന്നു.
കാളിദാസന്റെ അഭിജ്ഞാന ശാകുന്തളത്തെ അടിസ്ഥാനമാക്കിയാണ് ഈ പുരാണ ചിത്രം ഒരുക്കിയിരിക്കുന്നത് . മഹാഭാരതത്തിലെ ശകുന്തളയുടെയും ദുഷ്യന്തന്റെയും ഇതിഹാസ പ്രണയകഥയെ ചുറ്റിപ്പറ്റിയാണ് കഥ വികസിക്കുന്നത്. കബീർ ബേദി, പ്രകാശ് രാജ്, സച്ചിൻ ഖേദേക്കർ, ജിഷു സെൻഗുപ്ത, ഡോ എം മോഹൻ ബാബു, മധുബാല, ഗൗതമി, അദിതി ബാലൻ, അനന്യ നാഗല്ല എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.
ശാകുന്തളം തെലുങ്ക് ഹിന്ദി, തമിഴ്, മലയാളം, കന്നഡ ഭാഷകളിൽ 2023 ഫെബ്രുവരി 17-ന് റിലീസ് ചെയ്യും. മുൻപ്, ചിത്രം കഴിഞ്ഞ വർഷം നവംബർ 4-ന് റിലീസ് ചെയ്യാൻ തീരുമാനിച്ചിരുന്നു, എന്നാൽ ചിത്രം 3D ആക്കി മാറ്റാൻ തീരുമാനിച്ചതിനാൽ നിർമ്മാതാക്കൾ അത് നീട്ടുകയായിരുന്നു.
Story highlights- shaakunthalam trailer
