മനസ്സിനു മാത്രമല്ല ശരീരത്തിനും വില്ലനാണ് സമ്മർദ്ദം; ഒളിഞ്ഞിരിക്കുന്ന അപകടങ്ങൾ തിരിച്ചറിയാം!

• ആസ്ത്മ:
  നിങ്ങൾക്ക് ആസ്ത്മ ഉണ്ടെങ്കിൽ സമ്മർദ്ദത്തിന് ആ ലക്ഷണങ്ങളെ കൂടുതൽ വഷളാക്കാൻ സാധ്യതയുണ്ട്. ഒരു പക്ഷെ നിങ്ങൾക്ക് ആസ്ത്മ ഇല്ലെങ്കിൽ പോലും സമ്മർദ്ദം ശ്വസനത്തെ ബാധിക്കുന്നു. പേശികൾ മുറുകി, ശ്വസന നിരക്ക് വർദ്ധിക്കാൻ ഇത് കാരണമാകും.
• ദഹനനാളത്തിന്റെ പ്രശ്നങ്ങൾ:
  നിങ്ങൾ സമ്മർദ്ദത്തിലോ ഉത്കണ്ഠയിലോ ആയിരിക്കുമ്പോൾ പുറപ്പെടുവിക്കുന്ന ഹോർമോണുകൾ ദഹനത്തെ തടസ്സപ്പെടുത്തും. ഇത് ദഹനനാളത്തിന്റെ പ്രശ്നങ്ങൾക്ക് കാരണമാകും. മലബന്ധം, അതിസാരം, ദഹനക്കേട്, വിശപ്പില്ലായ്മ, അൾസർ, വയറുവേദന തുടങ്ങി നിരവധി ബുദ്ധിമുട്ടുകൾ വിളിച്ചു വരുത്തും.
• മുടി കൊഴിച്ചിൽ:
  സമ്മർദ്ദകരമായ ഒരു സമയത്തിന് ശേഷം മുടി കൊഴിച്ചിൽ സംഭവിച്ചേക്കാം. സമ്മർദ്ദം കുറയുമ്പോൾ മുടി കൊഴിച്ചിൽ താനേ നിലയ്ക്കും. കൊഴിഞ്ഞു പോയ മുടി സാധാരണ നിലയിലേക്ക് വളരാൻ ആറ് മുതൽ ഒമ്പത് മാസം വരെ എടുത്തേക്കാം.

Read also: “നിസാരമല്ല മാനസികാരോഗ്യം”; സമ്മർദ്ദം പരിഹരിക്കാൻ ചില മാർഗങ്ങൾ

• തലവേദന:
  പിരിമുറുക്കം ടെൻഷൻ തലവേദനയോ മൈഗ്രേനോ ഉണ്ടാക്കിയേക്കാം, സമ്മർദ്ദത്തിലോ അതിനു ശേഷമുള്ള “ലെറ്റ്-ഡൗൺ” കാലഘട്ടത്തിലോ ഏറ്റവും സാധാരണയായി വരുന്നതാണ് ടെൻഷൻ തലവേദന. സമ്മർദ്ദം പേശികളെ അമിതമായി പിരിമുറുക്കത്തിലാക്കുന്നു.
• വർദ്ധിച്ച വിശപ്പ്:
  ദീർഘനേരം സമ്മർദത്തിലായിരിക്കുമ്പോൾ, നിങ്ങളുടെ ശരീരം കോർട്ടിസോൾ എന്ന ഹോർമോൺ ഉത്പാദിപ്പിക്കുന്നു. ഇത് വിശപ്പ് വർദ്ധിപ്പിക്കുകയും പഞ്ചസാരയും കൊഴുപ്പും കൂടുതലുള്ള ഭക്ഷണങ്ങൾ കഴിക്കാൻ നിങ്ങളെ പ്രേരിപ്പിക്കുകയും ചെയ്യുന്നു. എന്നാൽ പഞ്ചസാരയും കൊഴുപ്പും കൂടുതലുള്ള ഭക്ഷണങ്ങൾ കഴിക്കുന്നത് ശരീരഭാരം വർദ്ധിപ്പിക്കാൻ കാരണമാകും.
• ഉറക്കമില്ലായ്മ:
  ദീർഘനേരം നീണ്ടുനിൽക്കുന്ന സമ്മർദ്ദം ഉറക്കത്തെ തടസ്സപ്പെടുത്തുകയും മറ്റു തകരാറുകൾക്ക് കാരണമാവുകയും ചെയ്യും.
• ചർമ്മ പ്രശ്നങ്ങൾ
  സമ്മർദ്ദം ചർമ്മത്തിന്റെ പ്രശ്നങ്ങളും വഷളാക്കും. സമ്മർദ്ദം പ്രത്യേകിച്ച് മുഖക്കുരുവിനെ ബാധിക്കുന്നു. ഇത് മുഖക്കുരുവിന് കാരണമാകില്ല, പക്ഷേ മുഖക്കുരു ലക്ഷണങ്ങളെ കൂടുതൽ വഷളാക്കും. നിങ്ങളുടെ സമ്മർദ്ദം തീവ്രമാകുമ്പോൾ മുഖക്കുരുവിന്റെ തീവ്രതയും വർദ്ധിക്കും.