സൗജന്യമായി ആധാര്‍ പുതുക്കുന്നതിനുള്ള സമയപരിധി നീട്ടി; പുതിയ തീയതി അറിയാം
ആധാര്‍ കാര്‍ഡിലെ തിരിച്ചറിയല്‍ വിവരങ്ങള്‍, വിലാസം ഉള്‍പ്പടെയുള്ളവ സൗജന്യമായി പുതുക്കാനുള്ള സമയപരിധി വീണ്ടും നീട്ടി. പുതിയ നിര്‍ദേശപ്രകാരം 2024 മാര്‍ച്ച് 14 വരെ ആധാര്‍ വിവരങ്ങള്‍ സൗജന്യമായി പുതുക്കാം. നേരത്തെ അറിയിച്ചത് പ്രകാരം ഡിസംബര്‍ 14 വരെയായിരുന്നു അവസാന ദിവസം. ( Deadline to update Aadhaar free of cost extended )
ഇപ്പോള്‍, മൂന്ന് മാസം കൂടി അധികമായി ലഭിച്ചിരിക്കുകയാണ്. ഇന്ത്യയിലെ ഏറ്റവും പ്രധാനപ്പെട്ട തിരിച്ചറിയല്‍ രേഖകളില്‍ ഒന്നാണ് ആധാര്‍ കാര്‍ഡ്. ബാങ്ക് അക്കൗണ്ടുകള്‍ എടുക്കാനും, സര്‍ക്കാര്‍ സംരംഭങ്ങളിലെ പങ്കാളിത്തത്തിനും ഉള്‍പ്പടെ എല്ലാ കാര്യങ്ങള്‍ക്കും ആധാര്‍ നിര്‍ബന്ധമാണ്. പ്രധാന തിരിച്ചറിയല്‍ രേഖയായതുകൊണ്ടുതന്നെ ആധാറിലെ വിവരങ്ങള്‍ കൃത്യമായിരിക്കണമെന്നാണ് അധികൃതര്‍ നിഷ്‌കര്‍ഷിക്കുന്നത്.
ഈ കാലയളവിവില്‍ ഓരോ ഇന്ത്യന്‍ പൗരനും തങ്ങളുടെ പേര്, വിലാസം, ജനനത്തീയതി, ജെന്‍ഡര്‍, മൊബൈല്‍ നമ്പര്‍, ഇ-മെയില്‍ എന്നിവയില്‍ മാറ്റം വരുത്താനോ തിരുത്താനോ അവസരമുണ്ട്. 2022 ഡിസംബറിലാണ് ഇത്തരത്തില്‍ ജനസംഖ്യ പരമായ വിവരങ്ങള്‍ അപ്‌ഡേറ്റ് ചെയ്യാന്‍ കേന്ദ്ര ഇലക്ട്രോണിക്‌സ് ആന്‍ഡ് ഐടി മന്ത്രാലയം നിര്‍ദേശം പുറപ്പെടുവിച്ചത്.
Read Also : പുലിയെ പിന്തുടര്‍ന്ന് പടമെടുത്ത് ‘പുലി’യാകാന്‍ ശ്രമിച്ച യുവാവിനെ തെരഞ്ഞ് വനപാലകര്‍..!
ഡാറ്റാബേസിലെ വിവരങ്ങളിലുള്ള കൃത്യത ഉറപ്പാക്കാനാണ് പത്ത് വര്‍ഷം പിന്നിട്ട കാര്‍ഡുകള്‍ പുതുക്കാന്‍ യുണിക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യയുടെ (യുഐഡിഎഐ) ശ്രമം. ആധാറുമായി ബന്ധപ്പെട്ട തട്ടിപ്പിനെ ചെറുക്കുന്നതിന് ആധാര്‍ കാര്‍ഡ് അപ്‌ഡേറ്റ് ചെയ്യാനും സര്‍ക്കാര്‍ ഉപയോക്താക്കളെ പ്രോത്സാഹിപ്പിക്കുന്നു. വിവിധ സേവനങ്ങള്‍ക്കും ഇടപാടുകള്‍ക്കുമായി ആധാര്‍ ഒരു വിശ്വസനീയവും വിശ്വസനീയവുമായ തിരിച്ചറിയല്‍ ഉറവിടമായി തുടരുന്നുവെന്ന് പതിവ് അപ്‌ഡേറ്റുകള്‍ ഉറപ്പാക്കുന്നു.
ആധാര്‍ അപ്‌ഡേറ്റ് ചെയ്യുന്നതിന് മുമ്പ് താഴെപ്പറയുന്ന കാര്യങ്ങള്‍ ഉറപ്പ് വരുത്തേണ്ടതാണ്.
- ആധാര്‍ പുതുക്കുന്ന സമയത്ത് നിങ്ങള്‍ക്ക് ഒരു ഒ.ടി.പി ലഭിക്കേണ്ടതുണ്ട്. അതിനായി നിങ്ങളുടെ ആധാര്‍ മൊബൈല്‍ നമ്പറുമായി ബന്ധിപ്പിച്ചിട്ടുണ്ടെന്ന് ആദ്യം തന്നെ ഉറപ്പ് വരുത്തണം.
- പേര്, മേല്‍വിലാസം, ജനനത്തീയതി, ജെന്‍ഡര്‍ എന്നിവ തെളിയിക്കുന്നതിനുള്ള രേഖകളുടെ സ്‌കാന്‍ ചെയ്ത കോപ്പി കയ്യില്‍ കരുതണം.
Story highlights : Deadline to update Aadhaar free of cost extended
