വന്ദേ ഭാരത് ട്രെയിനിന്റെ രൂപത്തിൽ ഒരുങ്ങിയ റെസ്റ്റോറന്റ്- ഉള്ളിലും പുറമേയും അസ്സൽ ട്രെയിൻ!
![](https://flowersoriginals.com/wp-content/uploads/2023/12/Untitled-design-2023-12-21T181709.546.jpg)
നിരവധി കഫേകളും റെസ്റ്റോറന്റുകളുമെല്ലാം വേഗത്തിലാണ് പ്രവർത്തനം ആരംഭിച്ചുകൊണ്ടിരിക്കുന്നത്. അത്രയധികം മത്സരമുള്ള രംഗമാണ് ഇത്. ഇപ്പോഴിതാ, ഗുജറാത്തിലെ സൂറത്തിൽ നിന്നുള്ള ഈ വന്ദേ ഭാരത് ട്രെയിൻ തീം റെസ്റ്റോറന്റ് അവിശ്വസനീയമായ ഡൈനിങ് അനുഭവം ഒരുക്കി തലക്കെട്ട് സൃഷ്ടിച്ചിരിക്കുകയാണ്.
വന്ദേ ഭാരത് എക്സ്പ്രസ് അതിവേഗ ട്രെയിനിൽ നിന്ന് പ്രചോദനം ഉൾക്കൊണ്ട്, ഒരു ആഴത്തിലുള്ള അനുഭവം പ്രദാനം ചെയ്തുകൊണ്ട് പൊതുജനങ്ങൾക്കായി റെസ്റ്റോറന്റ് പ്രവർത്തനം ആരംഭിച്ചുകഴിഞ്ഞു. സ്ഥാപനത്തിന്റെ ഇന്റീരിയർ ഡിസൈൻ വന്ദേ ഭാരത് എക്സ്പ്രസ് പോലെയാണ്. തീവണ്ടിയുടെ പശ്ചാത്തലത്തിലുള്ള അലങ്കാരമാണ് നൽകിയിരിക്കുന്നത്. യഥാർത്ഥത്തിൽ ആളുകൾ ട്രെയിനിൽ തന്നെ കയറിയതായി തോന്നും.
Read also: ഡയാന രാജകുമാരിയുടെ നീല വസ്ത്രം വിറ്റുപോയത് ഒമ്പത് കോടിയ്ക്ക്; യഥാര്ഥ മൂല്യം 80 ലക്ഷം
ഇൻസ്റ്റാഗ്രാം ഉപയോക്താവായ ചതോര അങ്കിത് പങ്കിട്ട വിഡിയോയിൽ, ഭക്ഷണശാലയുടെ തനതായ അന്തരീക്ഷവും വിപുലമായ മെനുവും കാണിക്കുന്നു. രണ്ട് സൂപ്പുകൾ, ഏഴ് ഇനം ചാറ്റ് വിഭവം, പത്ത് തരം കോൾഡ് സലാഡുകൾ, ഗാർളിക് ബ്രെഡ്, പിസ്സ എന്നിവ ഉൾപ്പെടുന്ന മെനുവാണ്. ദക്ഷിണേന്ത്യൻ, പഞ്ചാബി വിഭവങ്ങൾ ഉൾക്കൊള്ളുന്ന പ്രാദേശിക ഇന്ത്യൻ പാചകരീതികളും ഉണ്ട്. വിലയും ആകർഷകമാണ്. ഉച്ചഭക്ഷണം 269 രൂപയ്ക്കും അത്താഴം 289 രൂപയ്ക്കും ലഭ്യമാണ്. തീം റെസ്റ്റോറന്റ് രംഗത്ത് ഇത് അപൂർവമായ ഒന്നാണ്.
Story highlights-Surat’s Vande Bharat themed restaurant