75-ാമത് റിപ്പബ്ലിക് ദിനത്തിന്റെ പ്രധാന ആകർഷണങ്ങളും പ്രത്യേകതകളും
കാർത്തവ്യ പാതയിലെ 75-ാമത് റിപ്പബ്ലിക് ദിന ഘോഷയാത്ര നിരവധി പ്രത്യേകതകൾ നിറഞ്ഞതാണ്. ‘വിക്ഷിത് ഭാരത്’, ‘ഭാരത് – ലോക്തന്ത്ര കി മാതൃക’ എന്നീ പ്രമേയങ്ങളിൽ നടക്കുന്ന പരേഡിൽ ഏറ്റവും ശ്രദ്ധേയമായ കാര്യം സ്ത്രീകൾക്ക് പ്രാധാന്യം നൽകും എന്നതാണ്. ധാരാളം പ്രത്യേകതകൾ സാംസ്‌കാരിക കൈമാറ്റമുൾപ്പെടെ ഈ വർഷത്തിന്റെ ആകർഷണങ്ങളാണ്. രാജ്യം 75-ാമത് റിപ്പബ്ലിക് ദിനം ആഘോഷിക്കുമ്പോൾ പ്രധാന ആകർഷണങ്ങളും ഈ വർഷത്തെ പ്രത്യേകതകളും എന്തൊക്കെയാണെന്ന് നോക്കാം.
ആർമിയുടെ മിലിട്ടറി പോലീസിലെ വനിതാ സൈനികരും മറ്റ് രണ്ട് നാവികസേന, വ്യോമസേനയിൽ നിന്നുള്ള സ്ത്രീകളും ഉൾപ്പെടുന്ന റിപ്പബ്ലിക് ദിന പരേഡിൽ ആദ്യമായി ഒരു വനിതാ ട്രൈ സർവീസ് ഗ്രൂപ്പ് പങ്കെടുക്കുമെന്ന് മേജർ ജനറൽ സുമിത് മേത്ത ചൊവ്വാഴ്ച അറിയിച്ചു.
ഓൾ-വുമൺ ട്രൈ-സർവീസസ് ഗ്രൂപ്പ് ആദ്യമായി പരേഡിന്റെ ഭാഗമാകും. ആർമിയുടെ മിലിട്ടറി പോലീസിലെ വനിതാ സൈനികരും മറ്റ് രണ്ട് സേവനങ്ങളിൽ നിന്നുള്ള സ്ത്രീകളും ഈ ചരിത്ര സംഘത്തിൽ ഉൾപ്പെടും. ജീവിച്ചിരിക്കുന്ന പരമവീര ചക്ര പുരസ്‌കാര ജേതാക്കളായ ഹോണി ക്യാപ്റ്റൻ യോഗേന്ദ്ര യാദവും സുബേദാർ മേജർ സഞ്ജയ് കുമാറും റിപ്പബ്ലിക് ദിന പരേഡിൽ പങ്കെടുക്കുമെന്ന് അദ്ദേഹം സ്ഥിരീകരിച്ചു.
പരേഡിൽ ഇന്ത്യക്കാരും നേപ്പാളികളും ഉൾപ്പെടുന്ന ഫ്രഞ്ച് സൈന്യം അണിനിരക്കുമെന്നും മേജർ ജനറൽ മേത്ത പറഞ്ഞു. ഒരു ഫ്രഞ്ച് ഇന്ധനം നിറയ്ക്കുന്ന വിമാനവും രണ്ട് ഫ്രഞ്ച് റാഫേൽ യുദ്ധവിമാനങ്ങളും മുകളിലൂടെ കടന്നുപോകും. ടെറൈൻ വെഹിക്കിൾസ്, ലൈറ്റ് സ്പെഷ്യലിസ്റ്റ് വെഹിക്കിൾസ്, സ്പെഷ്യൽ മൊബിലിറ്റി വെഹിക്കിൾസ് തുടങ്ങി വിവിധതരം പുത്തൻ വാഹനങ്ങൾ പരേഡിൽ പങ്കെടുക്കും. എഎൽഎച്ച് ധ്രുവ് രുദ്രയും എൽസിഎച്ച് പ്രചന്ദും ഫ്ലൈപാസ്റ്റിൽ പങ്കെടുക്കും. ഇന്ത്യൻ എയർഫോഴ്സ് ഫ്ലൈപാസ്റ്റിൽ യുദ്ധവിമാനങ്ങൾ ഉൾപ്പെടെ 51 വിമാനങ്ങൾ ഉൾപ്പെടും. ഹെലികോപ്റ്ററുകളും ട്രാൻസ്പോർട്ട് എയർക്രാഫ്റ്റുകളും പങ്കെടുക്കും. ഇതിൽ 15 സ്ത്രീകൾ വിമാനത്തിലുമുണ്ടാകും.
ഫ്രഞ്ച് പ്രസിഡന്റ് ഇമ്മാനുവൽ മാക്രോൺ റിപ്പബ്ലിക് ദിന ആഘോഷങ്ങളിൽ മുഖ്യാതിഥിയായി എത്തും. ഇന്ത്യയുടെ റിപ്പബ്ലിക് പരിപാടിയിൽ പങ്കെടുക്കുന്ന ആറാമത്തെ ഫ്രഞ്ച് നേതാവാകും അദ്ദേഹം. 95 അംഗ മാർച്ചിംഗ് കൺഡിജന്റ്, 33 അംഗ ബാൻഡ് കണ്ടിജന്റ്, രണ്ട് റഫാൽ യുദ്ധവിമാനങ്ങൾ, ഫ്രാൻസിൽ നിന്നുള്ള എയർബസ് എ330 മൾട്ടി റോൾ ടാങ്കർ ട്രാൻസ്പോർട്ട് എയർക്രാഫ്റ്റ് എന്നിവയും ആഘോഷങ്ങളിൽ പങ്കെടുക്കും.
ഈ വർഷം സ്ത്രീകളുടെ പങ്കാളിത്തം വളരെയധികം ഉയർന്നതാണ്. ഈ വർഷത്തെ പരേഡിൽ ഏകദേശം 13,000 വിശിഷ്ടാതിഥികളും ഉൾപ്പെടും. ജൻ ഭാഗിദാരി എന്ന സർക്കാരിന്റെ കാഴ്ചപ്പാടിന് അനുസൃതമായ ദേശീയ അവധി ദിനത്തിൽ പങ്കെടുക്കാൻ ജീവിതത്തിന്റെ എല്ലാ തുറകളിലുമുള്ള വ്യക്തികൾക്ക് അവസരം നൽകുക എന്നതാണ് ലക്ഷ്യം.
റിപ്പബ്ലിക് ദിന പരേഡിൽ ആറ് ഇന്ത്യക്കാർ ഫ്രഞ്ച് സൈനിക സംഘത്തിലേക്ക് ചേരുകയാണ്. ഫ്രഞ്ച് മാർച്ചിംഗ് കൺഡിജന്റ് കമാൻഡർ ക്യാപ്റ്റൻ നോയൽ ലൂയിസ് ഫ്രഞ്ച് ടീമിൽ ആറ് ഇന്ത്യക്കാരുടെ പങ്കാളിത്തം പ്രഖ്യാപിച്ചു. CCH സുജൻ പതക്, CPL ദീപക് ആര്യ, CPL പർബിൻ തണ്ടൻ, ഗുർവച്ചൻ സിംഗ്, അനികേത് ഘർതിമഗർ, വികാസ് ഡിജസെഗർ എന്നിവരാണ് ചേരുന്നത്.
പരേഡിൽ ഇടം പിടിക്കാൻ ഇത്തവണ AI വിദ്യയുമുണ്ട്. ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം ഈ വർഷത്തെ റിപ്പബ്ലിക് ദിന പരേഡിൽ വിവിധ മേഖലകളിൽ ആർട്ടിഫിഷ്യൽ ഇന്റലിജൻസിന്റെ പങ്ക് ഊന്നിപ്പറയുന്ന ടാബ്ലോ അവതരിപ്പിക്കാൻ ഒരുങ്ങുന്നു.
Read also: സൂപ്പർസ്റ്റാറിന്റെ നര പോലും റിസ്‌ക്, ആ സമയത്താണ് 72-കാരൻ സ്വവർഗാനുരാഗിയായി വേഷമിടുന്നത്..!
ഇന്ത്യൻ ബഹിരാകാശ ഗവേഷണ സംഘടനയുടെ ഈ വർഷത്തെ റിപ്പബ്ലിക് ദിന പരേഡിൽ ചാന്ദ്രയാൻ -3 ദൗത്യത്തിന്റെ നേട്ടങ്ങൾ പ്രദർശിപ്പിക്കാൻ ഒരുങ്ങുന്നതായി റിപ്പോർട്ടുകളുണ്ട്.
Story highlights- republic day 2024 specialities and attractions
