പെൺകുഞ്ഞ് പിറന്നു- സ്വീകരിക്കാൻ വഴിനീളെ അലങ്കാരങ്ങളുമായി ഒരു ഹൗസിംഗ് സൊസൈറ്റി- ഹൃദ്യമായ കാഴ്ച
ജനനങ്ങൾ എപ്പോഴും സന്തോഷത്തിന്റെയും ആഘോഷത്തിന്റെയുമാണ്. ഒരു വീട്ടിൽ കുഞ്ഞ് ജനിച്ചാൽ അത് ഒരു കുടുംബത്തിന്റെയും നാടിന്റെയും കൂടി സന്തോഷമാണ്. എന്നാൽ ഇന്നും പലയിടങ്ങളിലും പെൺകുട്ടികളുടെ ജനനം ബുദ്ധിമുട്ടായി കാണുന്ന ആളുകളുണ്ട്. അങ്ങനെയുള്ള സംഭവങ്ങൾക്കിടയിൽ ഒരു ഹൗസിംഗ് കോളനി ഒന്നടങ്കം അവിടെ ജനിച്ച ഒരു പെൺകുഞ്ഞിന് നൽകിയ വരവേൽപ്പ് ശ്രദ്ധേയമാകുകയാണ്.
ഒരു പെൺകുഞ്ഞിൻ്റെ ജനനം ആഘോഷിക്കാൻ പിങ്ക് ബലൂണുകൾ കൊണ്ട് അലങ്കരിച്ച ഒരു ഹൗസിംഗ് സൊസൈറ്റിയുടെ ചിത്രം X-ലെ ഒരു ഉപയോക്താവ് പങ്കിട്ടതോടെ ശ്രദ്ധേയമാകുകയായിരുന്നു . അയൽപക്കങ്ങളിലെ വീടുകളും വഴികളുമെല്ലാം പിങ്ക് നിറത്തിൽ പൊതിഞ്ഞു, കൊച്ചുകുട്ടിയെ സ്വാഗതം ചെയ്യാൻ സന്തോഷകരമായ അന്തരീക്ഷം ഇവിടുത്തെ നിവാസികൾ സൃഷ്ടിച്ചു.
എല്ലാ വീടുകളുടെ തറയും മുകൾ നിലകളും ബലൂണുകൾ മൂടിയപ്പോൾ ആഘോഷത്തിൻ്റെ ആവേശം പകർന്നു. നവജാതയായ കുഞ്ഞിനെ സ്വീകരിക്കുന്നതിനുള്ള കുടുംബത്തിൻ്റെ അഗാധമായ സന്തോഷത്തിൻ്റെയും അഭിമാനത്തിൻ്റെയും ദൃശ്യാവിഷ്‌കാരമായി ഈ ചിത്രം ശ്രദ്ധനേടി.
Story highlights- housing society with pink balloons to welcome baby girl
