മലയാളത്തിന്റെ ഇതിഹാസ സംഭവമായി “പേട്രിയറ്റ്”; ത്രസിപ്പിച്ച് മമ്മൂട്ടി- മോഹൻലാൽ ടീം, തകർപ്പൻ പ്രതികരണം നേടി ചിത്രം
മലയാളത്തിലെ ഇതിഹാസങ്ങളായ മമ്മൂട്ടി- മോഹൻലാൽ എന്നിവരെ നായകന്മാരാക്കി മഹേഷ് നാരായണൻ ഒരുക്കിയ “പേട്രിയറ്റ്” ഇന്ന് ആഗോള റിലീസായെത്തി. രാവിലെ 9.15 നാണ് ചിത്രത്തിന്റെ ആദ്യ ഷോ ആരംഭിച്ചത്. ആദ്യ ഷോ കഴിഞ്ഞപ്പോൾ മുതൽ തകർപ്പൻ പ്രതികരണമാണ് ചിത്രത്തിന് ആഗോള തലത്തിൽ ലഭിക്കുന്നത്. മമ്മൂട്ടി- മോഹൻലാൽ ടീമിന്റെ ത്രസിപ്പിക്കുന്ന പ്രകടനമാണ് ചിത്രത്തിന്റെ ഹൈലൈറ്റ് എന്ന് പ്രേക്ഷകർ അഭിപ്രായപ്പെടുന്നു. ഇവർക്കൊപ്പം കയ്യടി നേടുന്ന പ്രകടനവുമായി ഫഹദ് ഫാസിൽ, കുഞ്ചാക്കോ ബോബൻ, നയൻതാര, രാജീവ് മേനോൻ, രേവതി എന്നിവരും ചിത്രത്തിൽ നിറഞ്ഞു നിൽക്കുന്നുണ്ട്. മലയാള സിനിമയിലെ ഏറ്റവും വലിയ വിജയങ്ങളിലൊന്നായി ചിത്രം മാറുമെന്ന സൂചനയാണ് ആദ്യ പ്രതികരണങ്ങൾ നൽകുന്നത്. വളരെ കാലികപ്രസക്തമായ ഒരു വിഷയം ചർച്ച ചെയ്യുന്ന ചിത്രത്തിന് വലിയ നിരൂപക പ്രശംസയും ലഭിക്കുന്നുണ്ട്. ഒരേ സമായും ക്ലാസും മാസുമായി ആയി ചിത്രം കഥ പറയുന്നത്.
ഡോക്ടർ ഡാനിയൽ ജെയിംസ് എന്ന കഥാപാത്രമായി മമ്മൂട്ടിയും കേണൽ റഹിം നായിക് എന്ന കഥാപാത്രമായി മോഹൻലാലും തകർത്താടുന്ന ചിത്രത്തിൽ ഫഹദ് ഫാസിൽ ശക്തി സുന്ദരം എന്ന കഥാപാത്രമായും കുഞ്ചാക്കോ ബോബൻ മൈക്കൽ ദേവസി എന്ന കഥാപാത്രമായുമാണ് എത്തിയിരിക്കുന്നത്. മലയാളത്തിന്റെ മഹാനടമാരായ മമ്മൂട്ടി- മോഹൻലാൽ എന്നിവർ 18 വർഷത്തിന് ശേഷം ഒന്നിച്ചു കേന്ദ്ര കഥാപാത്രങ്ങളായി എത്തുന്നു എന്നത് തന്നെയാണ് പ്രേക്ഷകരെ ആവേശത്തിന്റെ കൊടുമുടിയിൽ എത്തിക്കുന്ന ഘടകം. പുതിയ തലമുറയിലെ പ്രേക്ഷകർക്കും ആരാധകർക്കും ഇവരെ ഒരുമിച്ചു സ്ക്രീനിൽ കാണാൻ ലഭിക്കുന്ന ആദ്യ തീയേറ്റർ അനുഭവം കൂടിയാണ് പേട്രിയറ്റ് എന്നതും ഈ ചിത്രത്തെ സ്പെഷ്യൽ ആക്കി മാറ്റുന്നു. ഇരുവരും ഒരുമിച്ചുള്ള രംഗങ്ങൾ പ്രേക്ഷകർക്ക് വൈകാരികമായി ഏറെ മനസ്സിൽ തൊടുന്ന രീതിയിലാണ് ഒരുക്കിയിരിക്കുന്നത്. ഇവരുടെ കോമ്പിനേഷൻ പകർന്നു നൽകുന്ന ആ വൈക്രികമായ ആഴമാണ് ചിത്രത്തിന്റെ ഏറ്റവും വലിയ ശ്കതി. കയ്യടിക്കാനും ആവേശം കൊള്ളാനും ഉള്ള നിമിഷങ്ങൾ നൽകുന്നതിനൊപ്പം തന്നെ ഇവരുടെ സൗഹൃദം സ്ക്രീനിൽ തെളിയുമ്പോൾ ചിത്രത്തിന് ലഭിക്കുന്നത് വൈകാരികമായി പ്രേക്ഷകരെ അതിനോട് ചേർത്ത് നിർത്തുന്ന ശക്തി കൂടിയാണ്.
കേരളത്തിലും കേരളത്തിന് പുറത്തും നിറഞ്ഞു കവിയുന്ന പ്രദർശന ശാലകൾ, ചിത്രത്തിന് റെക്കോർഡ് ഓപ്പണിങ് സമ്മാനിക്കുമെന്ന് ഉറപ്പാക്കിയിട്ടുണ്ട്. ആദ്യ ദിന ആഗോള പ്രീസെയിൽസ് 20 കോടിയോളവും, ആദ്യ ദിന കേരള പ്രീസെയിൽസ് അഞ്ചര കോടിക്ക് മുകളിലും സ്വന്തമാക്കിയ ചിത്രം മലയാളത്തിലെ ഏറ്റവും വലിയ രണ്ടാമത്തെ ആഗോള ഓപ്പണിംഗും രണ്ടാമത്തെ ഏറ്റവും വലിയ കേരളാ ഓപ്പണിംഗും സ്വന്തമാക്കുമെന്നും ഉറപ്പായിട്ടുണ്ട്.
അന്താരാഷ്ട്ര സ്പൈ ആക്ഷൻ ത്രില്ലറുകൾ അനുസ്മരിപ്പിക്കുന്ന സാങ്കേതിക നിലവാരത്തിൽ ഒരുക്കിയ ഈ ചിത്രത്തിന്റെ മറ്റു ഹൈലൈറ്റുകൾ സുഷിൻ ശ്യാം ഒരുക്കിയ ത്രില്ലടിപ്പിക്കുന്ന പശ്ചാത്തല സംഗീതവും, മനുഷ് നന്ദൻ ഒരുക്കിയ ഹോളിവുഡ് ചിത്രങ്ങളുടെ നിലവാരമുള്ള ദൃശ്യങ്ങളുമാണ്. ഇതിലൂടെ മലയാളത്തിന്റെ മഹാസംഭവമായാണ് പേട്രിയറ്റ് മാറിയിരിക്കുന്നത്. 125 കോടിയോളം ബഡ്ജറ്റിൽ ഒരുക്കിയ ചിത്രം ആന്റോ ജോസഫ് ഫിലിം കമ്പനി, കിച്ചപ്പു ഫിലിംസ് എന്നിവയുടെ ബാനറിൽ ആന്റോ ജോസഫ്, കെ ജി അനിൽകുമാർ എന്നിവർ ചേർന്നാണ് നിർമിക്കുന്നത്. സി ആർ സലിം പ്രൊഡക്ഷൻസ്, ബ്ലൂ ടൈഗേഴ്സ് ലണ്ടൻ എന്നീ ബാനറുകളിൽ സി.ആര്.സലിം, സുഭാഷ് ജോര്ജ് മാനുവല് എന്നിവരാണ് ചിത്രത്തിൻ്റെ സഹ നിർമ്മാണം നിർവഹിക്കുന്നത്. സി.വി.സാരഥിയും രാജേഷ് കൃഷ്ണയുമാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസര്മാര്.
ജിനു ജോസഫ്, ഡാനിഷ് ഹുസൈൻ, ഷഹീൻ സിദ്ദിഖ്, സനൽ അമൻ, ദർശന രാജേന്ദ്രൻ, സരിൻ ഷിഹാബ് എന്നിവരും, മദ്രാസ് കഫേ, പത്താൻ തുടങ്ങിയവയിലൂടെ ശ്രദ്ധേയനായ തീയറ്റർ ആർട്ടിസ്റ്റും സംവിധായകനുമായ പ്രകാശ് ബെലവാടിയും ചിത്രത്തിൽ നിർണ്ണായക വേഷങ്ങൾ ചെയ്തിരിക്കുന്നു. കേരളത്തിൽ അഞ്ഞൂറിലധികം സ്ക്രീനുകളിൽ റിലീസ് ചെയ്ത ചിത്രം ആഗോള തലത്തിലും വമ്പൻ റിലീസായാണ് എത്തിയിരിക്കുന്നത്. റസ്റ്റ് ഓഫ് ഇന്ത്യ മാർക്കറ്റിലും റെക്കോർഡ് റിലീസാണ് ചിത്രത്തിന് ലഭിച്ചത്. ചിത്രത്തിൻ്റെ അന്യ ഭാഷ പതിപ്പുകൾ അടുത്തയാഴ്ച മുതൽ പ്രദർശനം ആരംഭിക്കും.
ഛായാഗ്രഹണം – മാനുഷ് നന്ദൻ, സംഗീതം – സുഷിൻ ശ്യാം, എഡിറ്റിംഗ് – മഹേഷ് നാരായണൻ, രാഹുൽ രാധാകൃഷ്ണൻ, പ്രൊഡക്ഷന് ഡിസൈനര്സ്: ഷാജി നടുവിൽ, ജിബിൻ ജേക്കബ്, ഓഡിയോഗ്രാഫി – വിഷ്ണു ഗോവിന്ദ്, പ്രൊഡക്ഷന് കൺട്രോളർ -ഡിക്സണ് പൊടുത്താസ്, ലൈൻ പ്രൊഡ്യൂസേഴ്സ് – സുനിൽ സിങ്, നിരൂപ് പിൻ്റോ, ജസ്റ്റിൻ ബോബൻ, ജെസ്വിൻ ബോബൻ, സിങ്ക് സൗണ്ട് – വൈശാഖ് പി വി, മേക്കപ്പ് – രഞ്ജിത് അമ്പാടി, ലിറിക്സ് – അൻവർ അലി, സംഘട്ടനം – ദിലീപ് സുബ്ബരായൻ, സ്റ്റണ്ട് സിൽവ, മാഫിയ ശശി, റിയാസ് ഹബീബ്, കോസ്റ്റിയൂം ഡിസൈൻ – ധന്യ ബാലകൃഷ്ണന്, നൃത്ത സംവിധാനം – ഷോബി പോൾരാജ്, ചീഫ് അസോസിയേറ്റ് ഡയറക്ടർ – ലിനു ആന്റണി, അസോസിയേറ്റ് ഡയറക്ടര്: ഫാന്റം പ്രവീണ്, സ്റ്റിൽസ് – നവീൻ മുരളി, വിഎഫ്എക്സ് – ഫയർ ഫ്ലൈ, എഗ്ഗ് വൈറ്റ്, ഐഡൻ്റ് വിഎഫ്എക്സ്, ഫാൻ്റം വിഎഫ്എക്സ്, പിക്ടോറിയൽ വിഎഫ്എക്സ്, ബൈനറി സർക്കസ്, ഡി ഐ കളറിസ്റ്റ് – ആശീർവാദ് ഹദ്കർ, പബ്ലിസിറ്റി ഡിസൈൻ – എയ്സ്തെറ്റിക്ക് കുഞ്ഞമ്മ, ഡിജിറ്റൽ പിആർ: വിഷ്ണു സുഗതൻ, പിആർഓ: വൈശാഖ് സി വടക്കേവീട്, ജിനു അനിൽകുമാർ. ചിത്രം ആന് മെഗാ മീഡിയ ആണ് പ്രദർശനത്തിന് എത്തിച്ചത്.
Story Highlight : The Malayalam film “Patriot” starring industry icons Mammootty and Mohanlal, released on May 1, 2026, and has received an explosive response, being hailed as a major, landmark event for Malayalam cinema
