അതുല്യ ഗായികയ്ക്കായി മണ്ണിൽ വിരിഞ്ഞ ആദരവ്; ശ്രദ്ധനേടി സാൻഡ് ആർട്ട്
ഒഡീഷയിൽ നിന്നുള്ള കലാകാരനായ സുദർശൻ പട്‌നായിക്കിനെ പരിചയപ്പെടുത്തേണ്ട ആവശ്യമില്ല. പുരിയിലെ പ്രാകൃതമായ കടൽത്തീരങ്ങളിൽ തന്റെ അമ്പരപ്പിക്കുന്ന കലാവൈഭവത്തിലൂടെ വിസ്മയിപ്പിക്കാറുള്ള കലാകാരനാണ് അദ്ദേഹം. സമൂഹത്തിൽ അസാധാരണമായ കാര്യങ്ങൾ സംഭവിക്കുമ്പോൾ മണലിൽ ശില്പങ്ങൾ ഒരുക്കി തന്റെ അസാധാരണമായ സർഗ്ഗാത്മകതയിലൂടെ അത് പ്രതിഫലിപ്പിക്കുകയാണ് അദ്ദേഹം ചെയ്യാറുള്ളത്.
ഇപ്പോഴിതാ, അന്തരിച്ച രാജ്യത്തിന്റെ പ്രിയപ്പെട്ട ലതാ മങ്കേഷ്‌കറിന് മണലിൽ ഒരു സൃഷ്ടി ഒരുക്കിയിരിക്കുകയാണ് അദ്ദേഹം. ഇതിഹാസ ഗായികയെ രാജ്യം എത്രമാത്രം സ്നേഹിക്കുകയും ആരാധിക്കുകയും ചെയ്തുവെന്ന് ആ കലാസൃഷ്ടി പ്രതിഫലിപ്പിക്കുന്നു.
Read Also: ഗുണ്ട ജയനും കൂട്ടാളികളും തിയേറ്ററിലേക്ക്‌; ‘ഉപചാരപൂര്‍വ്വം ഗുണ്ട ജയന്‍’ റിലീസ് തീയതി പ്രഖ്യാപിച്ചു
കൊവിഡിന്റെ പിടിയിൽ നിന്ന് രാജ്യത്തെ തിരികെ കൊണ്ടുവരുന്നതിനുള്ള നിസ്വാർത്ഥമായ അർപ്പണബോധമുള്ള ഡോക്ടർമാരുടെയും നഴ്സുമാരുടെയും പേരിൽ അദ്ദേഹം ഒരുക്കിയ സാൻഡ് ആർട്ട് വളരെയധികം ശ്രദ്ധനേടിയിരുന്നു.രാഷ്ട്രത്തിന്റെ സംരക്ഷണത്തിനായി രാജ്യത്തിന്റെ അതിർത്തികളിൽ നിലയുറപ്പിച്ചിരിക്കുന്ന പട്ടാളക്കാർക്കായി സ്വാതന്ത്ര്യദിനത്തിൽ ഒരുക്കിയ സാൻഡ് ആർട്ടും ശ്രദ്ധനേടിയിരുന്നു.
Story highlights- Sudarsan paid a tribute to Lata Mangeshkar
