ജോലിക്കാരായ സ്ത്രീകൾക്ക് 3 ദിവസത്തെ ആർത്തവ അവധി പ്രഖ്യാപിച്ച് സ്പെയിൻ; മാതൃകപരമെന്ന് പ്രതികരണം
സ്പെയിൻ സ്ത്രീകൾക്ക് മൂന്ന് ദിവസത്തെ ആർത്തവ അവധി ഏർപ്പെടുത്താൻ ഒരുങ്ങുന്നതായി റിപ്പോർട്ടുകൾ. സ്ത്രീകൾക്ക് മാസത്തിൽ മൂന്ന് ദിവസത്തെ അവധി പ്രയോജനപ്പെടുത്താമെന്നും ചില സാഹചര്യങ്ങളിൽ ഇത് അഞ്ചായി നീട്ടാമെന്നും റിപ്പോർട്ടിൽ പറയുന്നു. ഇക്കാര്യത്തിൽ അന്തിമ തീരുമാനമായിട്ടില്ലെന്നും
ബില്ലിന്റെ കരട് രൂപീകരണം പുരോഗമിക്കുകയുമാണെന്നാണ് ബന്ധപ്പെട്ട അധികാരികൾ വ്യക്തമാക്കുന്നത്.
ബിൽ പാസായാൽ ആർത്തവ അവധി അനുവദിക്കുന്ന ആദ്യ യൂറോപ്യൻ രാജ്യമായി സ്പെയിൻ മാറും. ജപ്പാൻ, തായ്‌വാൻ, ഇന്തോനേഷ്യ, ദക്ഷിണ കൊറിയ, സാംബിയ എന്നിവയുൾപ്പെടെ ഏതാനും രാജ്യങ്ങൾക്ക് മാത്രമാണ് ആർത്തവ അവധിക്ക് നിയമപരമായി അംഗീകാരം ഉള്ളത്.
പ്രത്യുൽപാദന ആരോഗ്യം, ഗർഭച്ഛിദ്ര നിയമങ്ങൾ, എന്നിവയെക്കുറിച്ചുള്ള കൂടുതൽ വിശാലമായ കരട് ബില്ലിന്റെ ഭാഗമായാണ് സ്പെയിനിൽ ആർത്തവ അവധി ഏർപ്പെടുത്താനുള്ള നടപടി. സ്‌കൂളുകൾ, ജയിലുകൾ തുടങ്ങിയ പൊതുകേന്ദ്രങ്ങളിലും സൗജന്യ ശുചിത്വ ഉൽപ്പന്നങ്ങൾ ലഭ്യമാക്കാനുള്ള നീക്കമുണ്ട്. പ്രസവത്തിന് മുമ്പുള്ള പ്രസവാവധിയും ബില്ലിൽ ഉൾപ്പെടുന്നു.
Read Also: “ഈ പുഴയും കുളിർക്കാറ്റും..”; സംഗീത വേദിയുടെയും വിധികർത്താക്കളുടെയും മനസ്സ് നിറച്ച് ശ്രീനന്ദയുടെ ഗാനം
മൂന്ന് ദിവസത്തെ ആർത്തവ അവധി ഒരു ഡോക്ടറുടെ കുറിപ്പിനൊപ്പം അനുവദിക്കുമെന്നാണ് റിപ്പോർട്ടുകൾ പറയുന്നത്. കഠിനമായ മലബന്ധം, ഓക്കാനം, തലകറക്കം, ഛർദ്ദി എന്നിവയുണ്ടെങ്കിൽ ഇത് താൽക്കാലികമായി അഞ്ച് ദിവസത്തേക്ക് നീട്ടാം.
Story highlights- Spain may become first European country to offer 3 days of menstrual leave
