ആറ് വർഷത്തെ അശ്രാന്ത പരിശ്രമത്തിന്റെയും സ്‌നേഹത്തിന്റെയും ഫലം; സ്കിൻ കെയർ ബ്രാൻഡ് പ്രഖ്യാപിച്ച് നയൻതാര
തെന്നിന്ത്യയിലെ ലേഡി സൂപ്പർസ്റ്റാർ എന്ന് വിളിക്കപ്പെടുന്ന നയൻതാര ഒരു മുൻനിര നടി മാത്രമല്ല, ഒരു സംരംഭക കൂടിയായിരിക്കുകയാണ്. തന്റെ ചർമ്മസംരക്ഷണ ബ്രാൻഡായ 9 സ്കിൻ ലോഞ്ച് പ്രഖ്യാപിച്ചിരിക്കുകയാണ് നയൻതാര. ഉൽപ്പന്നങ്ങളുടെയും വെബ്‌സൈറ്റിന്റെയും ഔദ്യോഗിക ലോഞ്ച് സെപ്റ്റംബർ 29ന് നടക്കും. നേരത്തെ, ഡെർമറ്റോളജിസ്റ്റ് ഡോ.റെനിത രാജനുമായി ചേർന്ന് നടി ലിപ്ബാം കമ്പനി ആരംഭിച്ചിരുന്നു.
തന്റെ ബോളിവുഡ് അരങ്ങേറ്റമായ ‘ജവാൻ’ വിജയത്തിന്റെ കുതിപ്പിലാണ് നയൻതാര. ഷാരൂഖ് ഖാന്റെ നായികയായി അഭിനയിച്ച നയൻതാര ഈ വിജയത്തിന് പിന്നാലെയാണ് പുതിയ സംരംഭം പ്രഖ്യാപിച്ചത്.
“ഇന്ന്, ആറ് വർഷത്തെ അശ്രാന്ത പരിശ്രമവും സ്നേഹവും വെളിപ്പെടുത്തുന്നതിൽ ഞങ്ങൾ അതീവ സന്തുഷ്ടരാണ്. പ്രകൃതിയും ആധുനിക ശാസ്ത്രവും നാനോയുടെ പിന്തുണയുള്ള സൂത്രവാക്യങ്ങൾ ഉപയോഗിച്ച് അതുല്യമായ ഉൽപ്പന്നങ്ങൾ ക്യൂറേറ്റ് ചെയ്യാൻ ഞങ്ങൾ ഞങ്ങളുടെ ഹൃദയം പകർന്നു. സാങ്കേതികവിദ്യയും നിങ്ങളുടെ സ്വയം പരിചരണ ദിനചര്യകൾ ഉയർത്താൻ രൂപകൽപ്പന ചെയ്‌തിരിക്കുന്നു. ഈ സ്വയം പ്രണയ യാത്രയിൽ ഞങ്ങളോടൊപ്പം ചേരൂ, ആരോഗ്യമുള്ളതും തിളങ്ങുന്നതുമായ ചർമ്മത്തിന് ഹലോ പറയൂ! ‘
Read also: വഴിനീളെ കരകവിഞ്ഞ് ഒഴുകി വീഞ്ഞിന്റെ പുഴ- അപകടം വരുത്തിയ വിന; വൈറൽ വിഡിയോ
‘ഞങ്ങൾ 9SKIN അവതരിപ്പിക്കുന്നു. നിങ്ങൾ അർഹിക്കുന്ന ആത്മസ്നേഹത്തിന്റെ അധ്വാനം ഇപ്പോൾ കണ്ടെത്താനുള്ള ശ്രമത്തിലാണ്. കാരണം ഞങ്ങൾക്ക് വേണ്ടത് ആത്മസ്നേഹം മാത്രമാണെന്ന് ഞങ്ങൾ വിശ്വസിക്കുന്നു. 9SKIN യാത്ര 2023 സെപ്റ്റംബർ 29-ന് ആരംഭിക്കുന്നു. അതിശയകരമായ ഒരു ചർമ്മസംരക്ഷണ അനുഭവത്തിനായി തയ്യാറെടുക്കുക’- നയൻതാര കുറിക്കുന്നു.
Story highlights- Nayanthara launches new skincare brand, 9skin
