‘ഭയവും ധൈര്യവും സമന്വയിക്കുന്ന സാഹസിക കാഴ്ചകൾ’ ; ‘ദ അഡ്വഞ്ചർ’ ഗെയിം ഷോയുമായി ഫ്ലവേഴ്സ്..!
വ്യത്യസ്തമായ റിയാലിറ്റി ഷോകളുമായി പ്രേക്ഷക മനസില്‍ ഇടംപിടിച്ച ഫ്ലവേഴ്സ് ടിവി പുത്തന്‍ ഷോയുമായി എത്തുകയാണ്. സാഹസികത ഇഷ്ടപ്പെടുന്നവര്‍ക്കായി മികച്ച ദൃശ്യാനുഭവം സമ്മാനിക്കുന്ന ‘ദ അഡ്വഞ്ചര്‍’ എന്ന ഗെയിം ഷോയുമായിട്ടാണ് ജനപ്രിയ ചാനല്‍ എത്തുന്നത്. പൂര്‍ണമായും കാടിനുള്ളില്‍ ചിത്രീകരിച്ചിരുന്ന ഈ ഷോയില്‍ പ്രേക്ഷകര്‍ക്കായി അവിസ്മരണീയ കാഴ്ചകളാണ് ഒരുങ്ങുന്നത്. വ്യത്യസ്തമായ അഡ്വഞ്ചര്‍ ടാസ്‌കുകളും ഗെയിമുകളുമായി ആരംഭിക്കുന്ന ഷോയില്‍ പ്രമുഖ താരങ്ങളും സോഷ്യല്‍ മീഡിയ ഇന്‍ഫ്‌ളുവന്‍സര്‍മാര്‍ അടക്കം 12 ടീമുകളാണ് അണിനിരക്കുന്നത്. ( Flowers TV The adventure game show )
കാഴ്ച്ചക്കാര്‍ക്ക് വ്യത്യസ്തമായ ദൃശ്യാനുഭവം സമ്മാനിക്കാന്‍ ഒരുങ്ങുന്ന ഷോയുടെ ട്രെയിലര്‍ കഴിഞ്ഞ ദിവസം പുറത്തിറങ്ങി. നടന്‍ സാബു മോനാണ് ഈ സാഹസിക ഗെയിം ഷോയുടെ അവതാരകനായി എത്തുന്നത്. രണ്ട് ടീമുകളിലായി നടക്കുന്ന വിവിധ ടാസ്‌കുക്കള്‍ക്ക് ആവശ്യമായി നിര്‍ദേശങ്ങളുമായി നടന്‍ രാജീവ് പിള്ളയും ഉണ്ടാകും.
പൂര്‍ണമായും വാഗമണ്ണിന്റെ കാനനഭംഗിയാണ് ഈ ഷോയുടെ പശ്ചാത്തലം. ഓഫ് റോഡ് റൈഡുകളും ചെങ്കുത്തായ മലനിരകളില്‍ ട്രെക്കിങ്ങും അടക്കം ഉദ്യോഗഭരിതമായ നിമിഷങ്ങളുമായിട്ടാണ് ദ അഡ്വഞ്ചര്‍ ഒരുങ്ങുന്നത്.
സാഹസികതയും മത്സരബുദ്ധിയും ഇടകലര്‍ന്ന അവിസ്മരണീയ കാഴ്ചകള്‍ക്കായി കാണുക ‘ദ അഡ്വഞ്ചര്‍’. ഫെബ്രുവരി 4 മുതല്‍ സംപ്രേഷണം ആരംഭിക്കുന്ന ഗെയിം ഷോ എല്ലാ ശനി, ഞായര്‍ ദിവസങ്ങളിലും രാത്രി 9 മണിക്ക് ഫ്ലവേഴ്സ് ടിവിയില്‍.
Story highlights : Flowers TV The adventure game show
