മമ്മൂട്ടിയും മോഹൻലാലും ചാക്കോച്ചനും അണിനിരക്കുന്ന ഡ്രീം പ്രൊജക്റ്റിൽ ഫഹദും എത്തി….

പതിനെട്ട് വർഷത്തിന് ശേഷം മമ്മൂട്ടിയും മോഹൻലാലും ഒരുമിക്കുന്ന മലയാളത്തിൻ്റെ ഡ്രീം പ്രൊജക്ടിൻ്റെ താരനിരയിലേക്ക് ഫഹദ് ഫാസിലും അണിചേർന്നു. ബുധനാഴ്ചയാണ് ശ്രീലങ്കയിലെ ലൊക്കേഷനിൽ ഫഹദ് എത്തിയത്. മമ്മൂട്ടിയും മോഹൻലാലും കുഞ്ചാക്കോ ബോബനും ഉൾപ്പെട്ട രംഗങ്ങൾ നേരത്തെ തന്നെ ചിത്രീകരിച്ചു തുടങ്ങിയിരുന്നു. ( Fahadh Fasil joined in Mahesh Narayanan movie )

മലയാള സിനിമയിൽ പുതു ചരിത്രമെഴുതിക്കൊണ്ട് മഹേഷ് നാരായണൻ സംവിധാനം ചെയ്യുന്ന ഈ മൾട്ടിസ്റ്റാർ ചിത്രത്തിന് മോഹൻലാൽ ശ്രീലങ്കയിൽ തിരിതെളിച്ചതോടെയാണ് തുടക്കമായത്. ആന്റോ ജോസഫ് പ്രൊഡ്യൂസറും, സി. ആർ. സലിം, സുഭാഷ് ജോർജ് മാനുവൽ എന്നിവർ കോ പ്രൊഡ്യൂസർമാരുമായ ചിത്രത്തിന്റെ കഥയും തിരക്കഥയും മഹേഷ് നാരായണന്റേതാണ്. രാജേഷ് കൃഷ്ണയും സി. വി. സാരഥയുമാണ് എക്‌സിക്യൂട്ടീവ് പ്രൊഡ്യൂസർമാർ.

മമ്മൂട്ടി, മോഹൻലാൽ, കുഞ്ചാക്കോ ബോബൻ, ഫഹദ് എന്നിവർക്ക് പുറമേ നയൻതാര, രഞ്ജി പണിക്കർ, രാജീവ് മേനോൻ, ഡാനിഷ് ഹുസൈൻ, ഷഹീൻ സിദ്ദിഖ്, സനൽ അമൻ, രേവതി, ദർശന രാജേന്ദ്രൻ, സെറീൻ ഷിഹാബ് എന്നിവരും ‘മദ്രാസ് കഫേ’, ‘പത്താൻ’ തുടങ്ങിയവയിലൂടെ ശ്രദ്ധേയനായ തീയറ്റർ ആർട്ടിസ്റ്റും സംവിധായകനുമായ പ്രകാശ് ബെലവാടിയും ചിത്രത്തിലുണ്ട്. ബോളിവുഡിലെ പ്രശസ്തനായ സിനിമാറ്റോഗ്രാഫർ മനുഷ് നന്ദനാണ് ഛായാ​ഗ്രാഹകൻ.

Read Also: സൗബിനും നവ്യയും പ്രധാനവേഷങ്ങളിൽ; ‘പാതിരാത്രി’ ചിത്രീകരണം പൂർത്തിയായി

ശ്രീലങ്കയ്ക്ക് പുറമേ ലണ്ടൻ, അബുദാബി, അസർബെയ്ജാൻ, തായ്‌ലൻഡ്, വിശാഖപട്ടണം, ഹൈദരാബാദ്, ഡൽഹി, കൊച്ചി എന്നിവിടങ്ങളിലായി 150 ദിവസം കൊണ്ടാണ് ചിത്രം പൂർത്തിയാകുക. ചിത്രം ആൻ മെഗാ മീഡിയ പ്രദർശനത്തിനെത്തിക്കും.

Story highlights : Fahadh Fasil joined in Mahesh Narayanan movie