കുഞ്ഞിനൊപ്പം ചങ്ങാത്തം കൂടി മുള്ളൻപന്നി; വൈറൽ വീഡിയോ
സൗഹൃദത്തിന് അതിർവരമ്പുകൾ ഇല്ലെന്ന് പറഞ്ഞുകേൾക്കാറുണ്ട്. ഇപ്പോഴിതാ ആളുകൾ പൊതുവെ ഭയക്കുന്ന മുള്ളൻപന്നിക്കൊപ്പം സൗഹൃദം പങ്കിടുന്ന ഒരു കൊച്ചുകുഞ്ഞാണ് സമൂഹമാധ്യമങ്ങളുടെ ശ്രദ്ധ കവരുന്നത്.
ശരീരം മുഴുവൻ മുള്ളുള്ള ജീവിയാണ് മുള്ളൻപന്നി. പൊതുവെ മനുഷ്യരുമായി ചങ്ങാത്തം കൂടാത്ത പ്രകൃതക്കാരാണ് ഈ ജീവികൾ. എന്നാൽ മനുഷ്യരുടെ എല്ലാ പ്രതീക്ഷകളും തെറ്റിക്കുന്ന ഒരു വീഡിയോയാണ് ഇപ്പോൾ വൈറലാകുന്നത്. ഒരു ചെറിയ കുട്ടിയുടെ കൂടെ നടക്കുന്ന മുള്ളൻപന്നിയാണ് വീഡിയോയിൽ കാണുന്നത്. കുട്ടിയുടെ താളത്തിനൊപ്പമാണ് കക്ഷിയുടെയും നടത്തം. കുട്ടി ഓടുമ്പോൾ ഒപ്പം ഓടുകയും തിരിഞ്ഞുനടക്കുമ്പോൾ കൂടെക്കൂടുകയുമൊക്കെ ചെയ്യുന്നുണ്ട് താരം.
അതേസമയം സംഭവം എവിടെയാണെന്ന് വ്യക്തമല്ല. എങ്കിലും നിരവധി ആളുകൾ ഇതിനോടകം ഈ വീഡിയോ കണ്ടുകഴിഞ്ഞു. പ്രവീൺ കസ്വാൻ എന്ന ആളാണ് ഈ വീഡിയോ ട്വിറ്ററിൽ പങ്കുവച്ചിരിക്കുന്നത്. കുട്ടിയുടെ ഏറ്റവും അടുത്ത സുഹൃത്താണ് മുള്ളൻ പന്നിയെന്നും അടിക്കുറുപ്പായി അദ്ദേഹം ചേർത്തിട്ടുണ്ട്
അതേസമയം ഇത് കുട്ടിയുടെ വീട്ടിൽ വളർത്തുന്ന മുള്ളൻപന്നിയാകാമെന്നാണ് സോഷ്യൽ മീഡിയ സുഹൃത്തുക്കൾ അഭിപ്രായപ്പെടുന്നത്. കുട്ടിയുടെ ധൈര്യത്തെ പ്രശംസിക്കുന്നവരും നിരവധിയാണ്. എന്നാൽ കുട്ടിയുടെ മാതാപിതാക്കളെ വിമർശിച്ചും നിരവധി ആളുകൾ രംഗത്തെത്തിയിട്ടുണ്ട്.
