സമൂഹ മാധ്യമങ്ങളിൽ ചർച്ചയായി കൂടത്തായി സീരിയൽ രണ്ടാം വാരത്തിലേക്ക്..
കൂടത്തായി സീരിയൽ ആകാംക്ഷയുടെ മുൾമുന സൃഷ്ടിച്ച് രണ്ടാം വാരത്തിലേക്ക് കടന്നിരിക്കുകയാണ്. മികച്ച പ്രതികരണമാണ് സീരിയലിന് ഒരാഴ്ച പിന്നിട്ടപ്പോൾ ലഭിക്കുന്നത്. ഒരു ടെലി സിനിമയുടെ പ്രതീതിയിലാണ് ഈ സീരിയൽ ഒരുക്കിയിരിക്കുന്നത്. അതിനാൽ തന്നെ ചെറുപ്പക്കാരും കാഴ്ചക്കാരുടെ പട്ടികയിൽ മുൻ നിരയിലുണ്ട്.
അതിനാൽ ട്രോളുകളിലും നിറയുകയാണ് ഈ ക്രൈം ത്രില്ലർ സീരിയൽ. ഡോളി എന്ന കഥാപാത്രത്തെ ചുറ്റിപ്പറ്റിയാണ് ട്രോളുകൾ ഏറെയും. രസകരമാണ് എല്ലാം തന്നെയും. ഇന്ന് സമൂഹ മാധ്യമങ്ങളിൽ നിറയുന്ന ട്രോളുകളാണ് ഒരു പരമ്പരയുടെ ജനപ്രിയതയുടെ അളവുകോൽ എന്നും പറയാം.
അതിനൊപ്പം തന്നെ മികച്ച പ്രതികരണമാണ് പ്രേക്ഷകരിൽ നിന്നും ലഭിക്കുന്നത്. ആകാംക്ഷ നിറച്ചാണ് ഓരോ എപ്പിസോഡും അവസാനിപ്പിക്കുന്നത്. ഫ്‌ളവേഴ്‌സ് ചാനൽ എം ഡി ആർ ശ്രീകണ്ഠൻ നായരുടെ തിരക്കഥയിൽ ഗിരീഷ് കോന്നിയാണ് കൂടത്തായി സംവിധാനം ചെയ്തിരിക്കുന്നത്. ഒരു ടെലി സിനിമയുടെ എല്ലാ അനുഭവങ്ങളും പ്രേക്ഷകർക്ക് സമ്മാനിക്കാൻ കൂടത്തായിക്ക് സാധിക്കുമെന്നതിൽ തർക്കമില്ല.
