എങ്ങനെ കൈയടിക്കാതിരിയ്ക്കും ‘റാം മനോഹര്‍ വേട്ടംപള്ളി’യുടെ ഈ പ്രകടനങ്ങള്‍ക്ക് മുന്‍പില്‍; സ്റ്റാറാണ് തങ്കച്ചന്‍
ഫ്ളവേഴ്സ് ടിവിയില്‍ സംപ്രേക്ഷണം ചെയ്യുന്ന സ്റ്റാര്‍ മാജിക്ക് എന്ന പരിപാടി പ്രേക്ഷകര്‍ക്ക് സമ്മാനിക്കുന്നത് തികച്ചും വേറിട്ട ആസ്വാദനമാണ്. സ്റ്റാര്‍ മാജിക് പരിപാടിയിലെ താരങ്ങളെല്ലാം പ്രേക്ഷകരുടെ ഹൃദയങ്ങളില്‍ സ്ഥാനമുറപ്പിച്ചിരിക്കുന്നു. തങ്കച്ചന്‍ വിതുര എന്ന താരത്തിനും ആരാധകര്‍ ഏറെയാണ്. പ്രേക്ഷകര്‍ ഏറെ സ്നേഹത്തോടെ തങ്കു എന്നാണ് താരത്തെ വിളിക്കുന്നതും. ഫ്ളവേഴ്സ് സ്റ്റാര്‍ മാജിക്കിലെ തങ്കുവിന്റെ ഓരോ പ്രകടനങ്ങളും പ്രേക്ഷകര്‍ക്ക് മനോഹരമായ ചിരി വിരുന്നാണ് സമ്മാനിക്കുന്നത്.
റാം മനോഹര്‍ വേട്ടംപള്ളി എന്ന ഫിഗര്‍ വിദഗ്ധനായി സ്റ്റാര്‍ മാജിക് വേദിയിലെത്തിയ തങ്കച്ചന്റെ അതിഗംഭീര പ്രകടനം സൈബര്‍ ഇടങ്ങളില്‍ ഇതിനോടകം ശ്രദ്ധ നേടിക്കഴിഞ്ഞു. അലങ്കാരങ്ങളുടെ പൊടിപ്പും തൊങ്ങലുമില്ലാതെ ഹാസ്യത്തെ അനായാസം കൈകാര്യം ചെയ്യാന്‍ ഈ കലാകാരന് സാധിക്കുന്നു. ഇതുതന്നെയാണ് തങ്കച്ചന്‍ വിതുര എന്ന കഥാപാത്രത്തെ ഇത്രമേല്‍ ജനസ്വീകാര്യനാക്കിയതും.
Read more: ഇത് അയേഷ; ഇന്ത്യയിലെ ഏറ്റവും പ്രായം കുറഞ്ഞ വനിതാ പൈലറ്റ്
തിരുവനന്തപുരം വിതുര സ്വദേശിയാണ് തങ്കച്ചന്‍. കുട്ടിക്കാലം മുതല്‍ക്കേ പാട്ടും മിമിക്രിയും ഡാന്‍സുമെല്ലാം ഏറെ ഇഷ്ടത്തോടെ താരം കൂടെകൂട്ടി. മിനിസ്‌ക്രീനില്‍ സാന്നിധ്യമറിയിച്ചു തുടങ്ങിയപ്പോള്‍ മുതല്‍ക്കേ തങ്കച്ചനെ പ്രേക്ഷകര്‍ ശ്രദ്ധിച്ചു തുടങ്ങി.
Story highlights: Thankachan Vithura special performance in Flowers Star Magic
