കോന്നിയിൽ വിജയക്കൊടി പാറിച്ച് എൽ ഡി എഫ്; ചരിത്രമെഴുതി കെ യു ജനീഷ് കുമാര്‍
October 24, 2019
എല്‍ഡിഎഫ് സ്ഥാനാര്‍ത്ഥി കെ യു ജനീഷ് കുമാര്‍ കോന്നിയിൽ വിജയമുറപ്പിച്ചു. 9953 വോട്ടിന്റെ ഭൂരിപക്ഷത്തിനാണ് കോന്നിയിൽ കെ യു ജനീഷ് വിജയം നേടിയത്. യു ഡി എഫ് സ്ഥാനാർഥി മോഹൻരാജിനെ പിന്തള്ളിയാണ് ജനീഷ് കോന്നിയിൽ ചരിത്രം കുറിച്ചത്. അതേസമയം വട്ടിയൂർക്കാവിലും എൽ ഡി എഫിനാണ് വിജയം. വി കെ പ്രശാന്ത് 14251 വോട്ടിന്റെ ഭൂരിപക്ഷത്തിനാണ് വിജയം ഉറപ്പിച്ചത്.
എറണാകുളം നിയമസഭാ മണ്ഡലത്തില്‍ യുഡിഎഫ് സ്ഥാനാര്‍ത്ഥി ടി ജെ വിനോദ് ജയിച്ചു. 3673 വോട്ടുകളുടെ ഭൂരിപക്ഷത്തിനാണ് ടി ജെ വിനോദിന്റെ വിജയം. എല്‍ഡിഎഫ് സ്ഥാനാര്‍ത്ഥി മനു റോയ് 33843 വോട്ടുകളും എന്‍ഡിഎ സ്ഥാനാര്‍ത്ഥി സി ജി രാജഗോപാല്‍ 13529 വോട്ടുകളും നേടി.
