ഒരിക്കൽ ഉറക്കമുണർന്നത് നാല് ദിവസങ്ങൾക്ക് ശേഷം -ദിവസവും 22 മണിക്കൂർ ഉറങ്ങുന്ന യഥാർത്ഥ ജീവിതത്തിലെ സ്ലീപ്പിംഗ് ബ്യൂട്ടി
ദിവസം മുഴുവൻ തിരക്കിലാണെങ്കിലും ഒന്നും ചെയ്യാതെ ഇരിക്കുകയാണെങ്കിലും എല്ലാവരുടെയും ജീവിതത്തിൽ ഉറക്കത്തിന് വലിയ പ്രാധാന്യമുണ്ട്. എട്ടുമണിക്കൂറെങ്കിലും ഉറക്കം ലഭിച്ചില്ലെങ്കിൽ ജീവിതത്തിന്റെ താളം തന്നെ തെറ്റും. ഉറക്കക്കുറവും വിഷാദവും തമ്മിലുള്ള ബന്ധത്തെക്കുറിച്ച് എല്ലാവർക്കും ധാരണയുമുണ്ട്. ഉറക്കവും മാനസിക ആരോഗ്യവുമായും ബന്ധമുണ്ട്. എന്നാൽ, ഉറക്കം അമിതമായി പോയാലോ? അത്തരമൊരു അവസ്ഥയിലൂടെ കടന്നുപോകുകയാണ് ജോവാന കോക്‌സ് എന്ന യുവതി.
അപൂർവമായ അസുഖം കാരണം ഒരു ദിവസം 22 മണിക്കൂർ വരെ ഉറങ്ങുകയാണ് ഈ യുവതി. 38 കാരിയായ ജോവാന ഇപ്പോൾ അറിയപ്പെടുന്നതുതന്നെ ‘യഥാർത്ഥ ജീവിതത്തിലെ സ്ലീപ്പിംഗ് ബ്യൂട്ടി’ എന്നാണ്. യുവതിക്ക് ഇഡിയൊപാത്തിക് ഹൈപ്പർസോമ്നിയ ഉണ്ടെന്ന് കണ്ടെത്തി. ഇത് നിങ്ങളെ ഉണർത്താൻ പാടുപെടുകയും നിങ്ങൾക്ക് അസ്വസ്ഥതയും അനുഭവപ്പെടുകയും ചെയ്യുന്നു.
2017-ൽ പകൽ സമയത്ത് തളർച്ച അനുഭവപ്പെട്ടപ്പോൾ ജോവാനയ്ക്ക് വിചിത്രമായ ലക്ഷണങ്ങൾ കണ്ടുതുടങ്ങി. ക്ലബ്ബുകൾ, കാറുകൾ തുടങ്ങിയ അനുചിതമല്ലാത്ത സ്ഥലങ്ങളിൽ ഉറങ്ങുന്നതായി തിരിച്ചറിഞ്ഞു.
“ഇത് പെട്ടെന്നൊരുനാൾആരംഭിച്ചു – ഒന്നും അതിന് കാരണമായില്ല, എനിക്ക് ശരിക്കും ക്ഷീണം തോന്നി. ആദ്യം, ഇത് വിഷാദമാണെന്ന് കരുതി, എന്നെ ഒരു മാനസികാരോഗ്യ വിദഗ്ധന്റെ അടുത്തേക്ക് റഫർ ചെയ്തു. പക്ഷേ എനിക്ക് ക്ഷീണമല്ലാതെ മറ്റ് ലക്ഷണങ്ങളൊന്നും ഇല്ലാത്തതിനാൽ അത് ഒഴിവാക്കി. ‘ ജോവാന മാധ്യമങ്ങളോട് പറയുന്നു. രോഗലക്ഷണങ്ങൾ വഷളായപ്പോൾ, ആർക്കും അവസ്ഥ നിർണ്ണയിക്കാൻ കഴിഞ്ഞില്ല.
2019-ൽ ജോലി ഉപേക്ഷിക്കാനും ഇവർ നിർബന്ധിതയായി. ഒടുവിൽ 2021 ഒക്ടോബറിൽ യോർക്ക്ഷെയറിലെ പോണ്ടെഫ്രാക്റ്റ് ഹോസ്പിറ്റലിലെ ഒരു സ്ലീപ്പ് ക്ലിനിക്കിലേക്ക് റഫർ ചെയ്യുകയും അപൂർവമായ ഉറക്ക പ്രശ്നങ്ങളുണ്ടെന്ന് ഔദ്യോഗികമായി കണ്ടെത്തുകയും ചെയ്തു.
ഭക്ഷണം തയ്യാറാക്കിക്കൊണ്ടിരിക്കുമ്പോൾ ഉറങ്ങാൻ സാധ്യതയുള്ളതിനാൽ ജോവാന പ്രോട്ടീൻ ഷേക്കുകളും റെഡി-ടു ഈറ്റ് ഭക്ഷണങ്ങളും ഉപയോഗിക്കുന്നു. ‘ഇത് സത്യസന്ധമായി എന്റെ ജീവിതത്തെ നശിപ്പിക്കുന്നു – ഞാൻ ഒരു യഥാർത്ഥ സ്ലീപ്പിംഗ് ബ്യൂട്ടി പോലെയാണ്. ഉറങ്ങിയാൽ എന്നെ ഉണർത്താൻ കഴിയില്ല. എനിക്ക് ജോലി ചെയ്യാൻ കഴിയില്ല, എനിക്ക് ഡ്രൈവ് ചെയ്യാൻ കഴിയില്ല. കാരണം, ഞാൻ ഉണർന്നിരിക്കുമോ എന്ന് എനിക്കറിയില്ല, ഏത് ദിവസമാണെന്നോ എത്ര നേരം ഞാൻ ഉറങ്ങിയെന്നോ അറിയാതെ ഞാൻ ഉണരുന്നു. ഇത് വളരെ ഒറ്റപ്പെട്ട അവസ്ഥയാണ്, എനിക്ക് കുറച്ച് സഹായം വേണം’ ജോവാന പറഞ്ഞു.
‘അടുത്തിടെ ഒരു ദിവസം, ഞാൻ 12 മണിക്കൂർ ഉണർന്നിരുന്നു, ഏകദേശം ആറ് വർഷത്തിനിടയിൽ ഞാൻ ഉണർന്നതിൽ ഏറ്റവും ദൈർഘ്യമേറിയത് അതായിരുന്നു. ഏറ്റവും ചെറിയ സമയം സാധാരണയായി ഏതാനും മിനിറ്റുകൾ മാത്രം’- അവർ കൂട്ടിച്ചേർത്തു. മരുന്നുകളൊന്നും ഫലപ്രദമാകുന്നില്ല എന്നതാണ് മറ്റൊരു കാര്യം.
Story highlights- Real-life Sleeping Beauty sleeps for 22 hours a day
