സമ്മർദ്ദം കൂടുമ്പോൾ ചെടികളും കരയാറുണ്ട്; കണ്ടെത്തലുമായി ശാസ്ത്രലോകം

ചിരിക്കുവാനും കരയുവാനും മനുഷ്യനടങ്ങുന്ന ചലിക്കുന്ന ജീവികൾക്ക് മാത്രമാണോ കഴിവുള്ളത് ? ആ അറിവിനെ തിരുത്തിക്കുറിക്കുന്ന ഒരു കണ്ടെത്തലുമായാണ് ശാസ്ത്രലോകം ഇന്ന് ലോകത്തിനു മുൻപിൽ എത്തിയിരിക്കുന്നത്. ടെൽ അവിവ് യൂണിവേഴ്സിറ്റിയുടെ കണ്ടെത്തലുകൾ പറയുന്നത് ചെടികളും സമ്മർദ്ദം മൂലം കരയാറുണ്ട് എന്നാണ്. പ്രകൃതി വസന്തകാലത്തെ വരവേൽക്കുന്ന ഈ സമയത്താണ് ഇത്തരമൊരു കണ്ടെത്തലുമായി ശാസ്ത്രലോകം എത്തുന്നത്.

മനുഷ്യനാൽ കേൾക്കാൻ സാധിക്കുന്നില്ലെങ്കിലും സസ്യങ്ങൾ സംസാരിക്കാറുണ്ടെന്നും സമ്മർദ്ദത്തിലായിരിക്കുമ്പോൾ അവ കരയുമെന്നും പഠനം പറയുന്നു. ഗവേഷകർ പറയുന്നതെന്തെന്നാൽ ഓരോ ചെടികളിലും ഓരോ തരത്തിലാകും സമ്മർദ്ദമുണ്ടാകുന്നത്, അതിനനുസരിച്ചു അവ പല തരത്തിലുള്ള ശബ്ദങ്ങൾ പുറപ്പെടുവിപ്പിക്കുന്നു. മനുഷ്യനാൽ കേൾക്കാൻ സാധിക്കുന്നില്ല എങ്കിലും ചെറു പ്രാണികൾക്കും വവ്വാൽ, എലി മുതലായ ജീവികൾക്കും ഇത്തരം ശബ്ദങ്ങൾ കേൾക്കാനാകും എന്നാണ് നിഗമനം.

read Also: ഹോളിവുഡ് താരങ്ങൾക്കൊപ്പം അതിഥിയായി ദുൽഖർ സൽമാനും അമാലും- അംബാനി കുടുംബത്തിന് നന്ദി പറഞ്ഞ് താരം

അൾട്രാസോണിക് മൈക്രോഫോണുകളുടെ സഹായത്തോടെയാണ് മനുഷ്യന് അന്യമായ ഇത്തരം ശബ്ദങ്ങൾ കേൾക്കാൻ സാധിക്കുന്നത്. നമുക്ക് ചുറ്റുമുള്ള ലോകം സസ്യങ്ങളാലും അവരുടെ സംസാരത്താലും നിറഞ്ഞതാണെന്ന് ഈ കണ്ടെത്തൽ പറയുന്നു. തക്കാളി,പുകയില മുതലായ ചെടികളിൽ നടത്തിയ പഠനങ്ങളുടെ ഫലമായാണ് ഈ കണ്ടെത്തലുകൾ.

Story highlights-Scientists conclude plants cry when stressed after hearing ‘screams’