തെളിനീരൊഴുകിയ നദി പെട്ടെന്ന് രക്തച്ചുവപ്പിൽ; റഷ്യയിലെ ഇസ്കിറ്റിംക നദിയിലെ നിറത്തിന് പിന്നിലെ ദുരൂഹത- വിഡിയോ
അന്തരീക്ഷ മലിനീകരണങ്ങൾ ഭീതിതമായ മാറ്റങ്ങൾ സൃഷ്ടിക്കുന്നത് പ്രകൃതിയിൽത്തന്നെയാണ്. മനുഷ്യന്റെ പ്രവർത്തികളുടെ പരിണിതഫലം ഒരു പ്രത്യേക സന്തുലിതാവസ്ഥയിൽ നിലനിൽക്കുന്ന പ്രകൃതിയെ ബാധിക്കുമ്പോൾ മൊത്തത്തിൽ താളം തെറ്റുന്നു. താൻ വിതച്ചത് താൻ കൊയ്യുന്നു എന്ന ചൊല്ല് പോലെ, അനന്തരഫലങ്ങൾ മനുഷ്യൻ തന്നെയാണ് അനുഭവിക്കേണ്ടത്. ഇപ്പോഴിതാ, റഷ്യയിലെ ഇസ്കിറ്റിംക നദിയുടെ അവസ്ഥ വിരൽചൂണ്ടുന്നത് അപകടകരമായ പരിസ്ഥിതി പ്രശ്നങ്ങളിലേക്കാണ്… ശാന്തമായി ഒഴുകിയിരുന്ന നദി പെട്ടെന്ന് ചോരചുവപ്പണിയുന്നു, ഋതുമതിയായ പെൺകുട്ടിയെ പോലെ.
ഈ പരിവർത്തനത്തിന് ആദ്യം സാക്ഷ്യം വഹിച്ചത് ദുരിതബാധിതരായ പ്രദേശവാസികളാണ്. ഒരിക്കൽ തെളിഞൊഴുകിയ നദി ഇപ്പോൾ രക്ത ചുവപ്പിനോട് സാമ്യമുള്ളതാണ്. താറാവുകൾ പോലും, സാധാരണയായി വെള്ളത്തിൽ സുഖമായി ഇറങ്ങിയിരുന്നു. എന്നാൽ ഇപ്പോൾ അപകടത്തിന്റെ ലക്ഷണങ്ങൾ പ്രകടിപ്പിക്കുകയും, കടും ചുവപ്പ് നിറമുള്ള നദിയിൽ വേശിക്കാൻഇറങ്ങാൻ വിസമ്മതിക്കുകയും ചെയ്തതോടെ ആശങ്കകൾ വർദ്ധിച്ചു. ഈ സംഭവം സോഷ്യൽ മീഡിയയിൽ ഫോട്ടോകളുടെയും വിഡിയോകളിലൂടെയും ശ്രദ്ധേയമായി മാറി. വിചിത്രമായ ചുവന്ന നിറം പാരിസ്ഥിതിക പ്രത്യാഘാതങ്ങളെക്കുറിച്ചുള്ള ഭയം നാട്ടുകാരിൽ ജനിപ്പിക്കുകയും ചെയ്തു.
അജ്ഞാത മലിനീകരണം മൂലമുണ്ടാകുന്ന എന്തോ ഒന്നാണ് ഞെട്ടിപ്പിക്കുന്ന നിറത്തിന് കാരണമെന്ന് പരിസ്ഥിതി പ്രവർത്തകർ പറയുന്നു.ബ്ലോക്കായികിടക്കുന്ന ഒരു ഡ്രെയിനേജ് ഒരു കാരണമാണ് എന്നും പറയപ്പെടുന്നു. കെമെറോവിലെ ഡെപ്യൂട്ടി ഗവർണർ ആന്ദ്രേ പനോവ് നഗരത്തിലെ ഡ്രെയിനേജ് സംവിധാനത്തിലെ ബ്ലോക്ക് മലിനീകരണത്തിന് കാരണമാകുമെന്ന് ചൂണ്ടിക്കാട്ടി. എന്നിരുന്നാലും, നദിയുടെ നിറവ്യത്യാസത്തിന് കാരണമായ പ്രത്യേക രാസവസ്തു ഇപ്പോഴും അന്വേഷണത്തിലാണ്.
Read also: എന്തിനാണ് വ്യത്യസ്ത നിറങ്ങളിലുള്ള നമ്പർ പ്ലേറ്റുകൾ?- കാരണം അറിയാം
2020 ജൂണിൽ വടക്കൻ സൈബീരിയയിലെ നോറിൽസ്കിനടുത്തുള്ള ഒരു പവർ സ്റ്റേഷനിൽ ഡീസൽ റിസർവോയർ തകർന്നതിനെത്തുടർന്ന് നിരവധി ആർട്ടിക് നദികൾ ചുവപ്പായി മാറിയപ്പോൾ ഈ സംഭവം സമാനമായ സംഭവത്തെ പ്രതിധ്വനിപ്പിച്ചു. ദുരന്തത്തിൽ 15,000 ടൺ ഇന്ധനം നദിയിലേക്കും 6,000 ടൺ മണ്ണിലേക്കും ഒഴുക്കി, പ്രസിഡന്റ് വ്‌ളാഡിമിർ പുടിൻ അടിയന്തരാവസ്ഥ പ്രഖ്യാപിക്കാൻ കാരണമായി. ഗ്രീൻപീസ് റഷ്യ അപകടത്തിന്റെ അഭൂതപൂർവമായ വ്യാപ്തി ഊന്നിപ്പറയുകയും ആർട്ടിക് മേഖലയിലെ ഇത്തരത്തിലുള്ള ആദ്യ സംഭവമായി ഇത് അടയാളപ്പെടുത്തുകയും ചെയ്തു.
Story highlights- River Turns Red in Russia
