ബാറ്റിൽ ബാല്യകാല സുഹൃത്തിന്റെ സ്പോർട്സ് ഷോപ്പിന്റെ സ്റ്റിക്കർ; വൈറലായി ധോണിയുടെ ചിത്രങ്ങൾ

ഐപിഎൽ 17-ാം സീസണിനായി കാത്തിരിക്കുകയാണ് ക്രിക്കറ്റ് ആരാധകർ. 43-ാം വയസിലേക്ക് കടന്ന ചെന്നൈ സൂപ്പർ കിങ്‌സ് നായകൻ എം.എസ് ധോണിയുടെ തിരിച്ചുവരവും ഈ സീസണിൽ ഏറെ ചർച്ചയായതാണ്. ഇത്തവണയും ഐപിഎല്ലിൽ ചെന്നൈ ടീമിനെ നയിക്കാനുണ്ടാകുമെന്ന് ധോണി നേരത്തെതന്നെ അറിയിച്ചിരുന്നു. പുതിയ സീസണിലേക്കുള്ള തയ്യാറെടുപ്പിന്റെ ഭാ​ഗമായി നെറ്റ്‌സിൽ ബാറ്റിങ് പരിശീലനം നടത്തുന്ന ധോണിയുടെ ചിത്രങ്ങളും വീഡിയോകളും ആരാധകർക്ക് ഏറെ ആവേശം നൽകുന്നതാണ്. ( MS Dhoni’s new bat sticker goes viral )

​ഗംഭീര തിരിച്ചുവരവിന് ഒരുങ്ങുന്ന ധോണിയുടെ പരിശീലനത്തേക്കാൾ നെറ്റ്സിലെ പരിശീലനത്തിനായി ധോണി ഉപയോ​ഗിക്കുന്ന ബാറ്റിന്റെ സ്പോൺസറാണ് ചർച്ചയായിക്കൊണ്ടിരിക്കുന്നത്. പ്രൈം സ്പോർട്സ് എന്ന സ്റ്റിക്കർ പതിച്ച ബാറ്റുമായിട്ടാണ് ധോണിയുടെ പരിശീലനം. ചിത്രങ്ങൾ വൈറലായതോടെ ക്രിക്കറ്റ് ലോകത്ത് അത്ര പരിചിതമല്ലാത്ത ഈ പുതിയ സ്പോൺസറെ തേടിയിറങ്ങിയിരിക്കുകയാണ് ആരാധകർ.

MS Dhoni with the 'Prime Sports' sticker bat. It is owned by his friend.

MS thanking him for all his help during the early stage of his career. pic.twitter.com/sYtcGE6Qal

— Mufaddal Vohra (@mufaddal_vohra) February 7, 2024

അതിൽ ഒരാളാണ് പുതിയ സ്പോൺസറെയും അതിന് പിന്നിലെ കഥയും കണ്ടെത്തിയത്. ധോണിയുടെ ബാല്യകാല സുഹൃത്തായ പരംജിത്ത് സിങ്ങിന്റെ ഉടമസ്ഥതയിൽ റാഞ്ചിയിലുള്ള സ്‌പോർട്‌സ് ഷോപ്പാണ് ‘പ്രൈം സ്‌പോർട്‌സ്’. സുഹൃത്തിന്റെ കടയുടെ പ്രൊമോഷന് വേണ്ടിയാണ്
കരിയറിന്റെ അവസാന ഭാ​ഗത്തേക്ക് കടക്കുന്ന ധോണിയുടെ ബാറ്റിൽ കടയുടെ സ്റ്റിക്കർ ഉപയോ​ഗിച്ചിരിക്കുന്നതെന്നാണ് റിപ്പോർട്ട്.

Read Also : ‘സ്വിംകറ്റ്’; ഈ ക്രിക്കറ്റ് കളിയിൽ റണ്ണെടുക്കാൻ നീന്തണം, വീഡിയോ വൈറൽ..!

ബാല്യകാലത്ത് ധോണിക്ക് ആദ്യമായി ഒരു സ്‌പോൺസറെ ലഭിക്കുന്നതിൽ നിർണായക പങ്കുവഹിച്ചത് പരംജിത്താണെന്ന് ധോണിയുടെ ജീവിതകഥ പറഞ്ഞ ‘എംഎസ് ധോണി: ദ അൺടോൾഡ് സ്റ്റോറി’ എന്ന ചിത്രത്തിൽ പ്രതിപാദിക്കുന്നുണ്ട്. ഇതും ഇപ്പോൾ പുറത്തുവന്ന ചിത്രങ്ങളും ചേർത്ത് വായിക്കുകയാണ് ക്രിക്കറ്റ് ആരാധകർ.

Story highlights : MS Dhoni’s new bat sticker goes viral