ലോകകപ്പ് സെമി; അർധ സെഞ്ച്വറി നേടി ജഡേജ

July 10, 2019

ഇന്ത്യൻ ക്രിക്കറ്റ് ടീമിന് ആശ്വാസം പകർന്ന് ജഡേജ. കളിയിലെ ഇന്ത്യൻ ടീമിന്റെ ആദ്യ അർധ സെഞ്ച്വറിയാണ് ജഡേജയുടേത്. 40 ബോളിൽ നിന്നാണ് താരം ഹാഫ് സെഞ്ച്വറി നേടിയത്. അതേസമയം 42 ഓവർ പിന്നിടുമ്പോൾ 170 റൺസാണ് ഇന്ത്യക്ക്.കിവീസിനെതിരെ 240 റൺസിന്റെ വിജയലക്ഷ്യമാണ് ഇന്ത്യക്ക്.

ലോകകപ്പ് സെമിയിൽ മോശം പ്രകടനത്തോടെയാണ് ഇന്ത്യ തുടങ്ങിയത്. ക്രിക്കറ്റ് ആരാധകർ ഏറെ പ്രതീക്ഷ അർപ്പിച്ച ഓപ്പണർ രോഹിത്ത് ശർമ്മ ഗ്യാലറിയിലേക്ക് മടങ്ങിയതു മുതൽ ഇന്ത്യൻ ക്രിക്കറ്റ് പ്രേമികൾ നിരാശയിലാണ്, പിന്നീട് തുടർച്ചയായി കൊഹ്‌ലിയും, രാഹുലും, കാർത്തിക്കും പോയതോടെ ഇന്ത്യക്കിത് മോശം ദിനമെന്നും ക്രിക്കറ്റ് ആരാധകർ വിധിയെഴുതി. ഋഷഭ് പന്തുകൂടി ഗ്യാലറിയിലേക്ക് മടങ്ങിപോയതോടെ ഇന്ത്യൻ ക്രിക്കറ്റ് ടീമിന്റെ നെഞ്ചിടിപ്പ് കൂടി. നെഞ്ചിടിപ്പ് ഇരട്ടിച്ചുകൊണ്ട് ഹർദിക് പാണ്ഢ്യയും ക്രീസുവിട്ടു. എം എസ് ധോണിക്കൊപ്പം  ജഡേജയാണ് ഇപ്പോൾ ക്രീസില്‍. എന്നാൽ ജഡേജയുടെ പ്രകടനം ആരാധകർക്ക് നേരിയ ഒരു ആശ്വാസം നൽകുന്നുണ്ട്.

ഭുവനേശ്വര്‍ കുമാര്‍, യുസ്വേന്ദ്ര ചാഹല്‍, ജസ്പ്രീത് ബുംറ എന്നിവരാണ് പോരട്ടത്തിനിറങ്ങാനുള്ള ഇന്ത്യന്‍ താരങ്ങള്‍.