ഭൂമിയിൽ മുഴുവൻ എല്ലാസമയത്തും അതിവേഗ ഇന്റർനെറ്റ്; പുതിയ പദ്ധതി വിജയത്തിലേക്ക്

November 6, 2019

മനുഷ്യന് ചിന്തിക്കാൻ കഴിയുന്നതിലും വേഗത്തിലാണ് ടെക്‌നോളജി വികസിച്ചുകൊണ്ടിരിക്കുന്നത്. മനുഷ്യന്റെ ചില കണ്ടുപിടുത്തങ്ങൾ പലപ്പോഴും മനുഷ്യനെത്തന്നെ അത്ഭുതപെടുത്താറുണ്ട്. ഇലക്ട്രിക് കാറുകളും മൊബൈൽ ഫോണുകളുമൊക്കെ അതിന്റെ ചെറിയ ഉദാഹരണങ്ങൾ മാത്രം.  ലോകത്തിലെ ഏറ്റവും കരുത്താർന്ന ഇലക്ട്രിക് കാറുകൾ നിർമ്മിച്ച ഇലോൺ മസ്കിന്റെ പുതിയ കണ്ടുപിടുത്തമാണ് സമൂഹമാധ്യമങ്ങളിൽ തരംഗമാകുന്നത്.

അമേരിക്കൻ ബഹിരാകാശ ഏജൻസിയായ നാസയോട് മത്സരിച്ചുകൊണ്ട് പുതിയ സ്റ്റാർലിങ്ക് മാസ്ക് അവതരിപ്പിച്ചിരുന്നു. ലോകത്ത് മുഴുവൻ ഇൻറർനെറ്റ്, ഭൂമിയിൽ മുഴുവൻ കണക്ടിവിറ്റി എന്ന ആശയമാണ് മാസ്ക് അവതരിപ്പിച്ചിരിക്കുന്നത്. ഭൂമിയിലേക്ക് ഇന്റർനെറ്റ് നൽകുന്നതിനായി ഒരുപറ്റം ഉപഗ്രഹങ്ങൾ മാസ്ക് ബഹിരാകാശത്തേക്ക് വിക്ഷേപിക്കും. ഇത് കൃത്യമായി ഭൂമിയെ വലംവെച്ചുകൊണ്ടിരിക്കും. അതോടെ ഭൂമിയിൽ മുഴുവൻ ഇന്റർനെറ്റ് ലഭ്യമാകും.

പരീക്ഷണാടിസ്ഥാനത്തിൽ ഇതിനോടകം 60 ബ്രോഡ്ബാൻഡ് ഉപഗ്രഹങ്ങൾ അയച്ചുകഴിഞ്ഞു. 300 മുതൽ 700 മൈൽ വരെ ഉയരത്തിൽ ആയിരക്കണക്കിന് ഉപഗ്രഹങ്ങളാണ് ബഹിരാകാശത്തേക്ക് വിക്ഷേപിക്കുക. 24 വിക്ഷേപണങ്ങളിലൂടെ 60 ഉപഗ്രഹങ്ങൾ വീതമാണ് ഇനി ബഹിരാകാശത്തേക്ക് അയക്കുക. പിന്നീട് ഇവയെല്ലാം ചേർത്ത് ബഹിരാകാശത്ത് സ്റ്റാർലിങ്ക് ശൃംഖല രൂപികരിക്കും. ഇതോടെ ഭൂമിയിൽ എല്ലായിടത്തും ഇന്റർനെറ്റ് ലഭ്യമാകും.

കഴിഞ്ഞ ദിവസം വിക്ഷേപിച്ച ഇലവൻ മാസ്ക് പദ്ധതി വിജയകരമാണെന്ന് തെളിഞ്ഞുകഴിഞ്ഞു. മാസ്ക് കമ്പനി നൽകുന്ന മോഡം വാങ്ങിയാലാണ് ഇത്തരത്തിൽ ഇന്റർനെറ്റ് ലഭ്യമാകുക. ഇതോടെ ടെക്‌നോളജിയുടെ പുതിയ വാതായനങ്ങളാണ് തുറക്കപ്പെടുന്നത്.