പിറന്നാള്‍ നിറവില്‍ മല്ലിക സുകുമാരന്‍; ആശംസകളുമായി മക്കളും സിനിമാലോകവും

Mallika Sukumaran birthday wishes from film industry

ചലച്ചിത്ര-സീരിയില്‍ താരം മല്ലിക സുകുമാരന്‍ പിറന്നാള്‍ നിറവിലാണ്. നിരവധിപ്പേരാണ് താരത്തിന് ആശംസകള്‍ നേര്‍ന്നുകൊണ്ട് രംഗത്തെത്തുന്നത്. മല്ലികയുടെ മക്കളും മരുമക്കളും ആരാധകരുമെല്ലാം സാമൂഹ്യ മാധ്യമങ്ങളിലൂടെയും മല്ലിക സുകുമാരന് ആശംസകള്‍ നേര്‍ന്നു.

മല്ലികയ്ക്കൊപ്പമുള്ള ഒരു കുട്ടിക്കാല ചിത്രം പങ്കുവെച്ചുകൊണ്ടാണ് പങ്കുവച്ചുകൊണ്ടാണ് മകന്‍ പൃഥ്വിരാജ് സുകുമാരന്‍ പിറന്നാള്‍ ആശംസകള്‍ നേര്‍ന്നത്. അമ്മയ്ക്കൊപ്പമുള്ള ചിത്രം പങ്കുവച്ചുകൊണ്ട് സുപ്രിയയും ഇന്ദ്രജിത്തും പൂര്‍ണ്ണിമയും സാമൂഹ്യ മാധ്യമങ്ങളിലൂടെ മല്ലികയ്ക്ക് ആശംസകള്‍ നേര്‍ന്നു.

Read more: ടൊവിനോയുടെ തിരിച്ചുവരവ് ആഘോഷമാക്കി അണിയറപ്രവര്‍ത്തകര്‍- വീഡിയോ

1954- ല്‍ കൈനിക്കര മാധവന്‍പിള്ളയുടെയും ശോഭയുടെയും നാലാമത്തെ മകളായിട്ടാണ് മല്ലിക സുകുമാരന്റെ ജനനം. ചലച്ചിത്രരംഗത്തും സീരിയല്‍ രംഗത്തും നിറസാന്നിധ്യമാണ് താരം.

മോഹമല്ലിക എന്നാണ് യഥാര്‍ത്ഥ പേര്. 1974-ല്‍ ജി അരവിന്ദന്‍ സംവിധാനം നിര്‍വ്വഹിച്ച ‘ഉത്തരായനം’ എന്ന സിനിമയിലൂടെയായിരുന്നു ചലച്ചിത്രരംഗത്തേക്കുള്ള മല്ലികയുടെ അരങ്ങേറ്റം. സ്വപ്നാടനം എന്ന ചിത്രത്തിലെ അഭിനയത്തിന് മികച്ച രണ്ടാമത്തെ നടിക്കുള്ള കേരള സംസ്ഥാന പുരസ്‌കാരവും താരം നേടിയിട്ടുണ്ട്.

View this post on Instagram

Happy birthday Amma @sukumaranmallika ♥️🤗

A post shared by Supriya Menon Prithviraj (@supriyamenonprithviraj) on

കന്യാകുമാരി, അഞ്ജലി, മേഘസന്ദേശം, അമ്മക്കിളിക്കൂട്, ചോട്ടാ മുംബൈ, തിരക്കഥ, കലണ്ടര്‍, ഇവര്‍ വിവാഹിതരായാല്‍ തുടങ്ങി തൊണ്ണൂറോളം സിനിമകളില്‍ മല്ലിക വിവിധ കഥാപാത്രങ്ങളെ അവതരിപ്പിച്ചിട്ടുണ്ട്. നിരവധി സീരിയലുകളിലൂടെ ടെലിവിഷന്‍ പ്രേക്ഷകരുടെ സ്വീകാര്യതയും മല്ലിക നേടി.

Story highlights: Mallika Sukumaran birthday wishes from film industry