രണ്ടാം വയസിൽ പരിചരിക്കാനെത്തിയ യുവതി തട്ടിക്കൊണ്ടുപോയി; 51വർഷങ്ങൾക്ക് ശേഷം കുടുംബത്തെ കണ്ടെത്തി സ്ത്രീ- വൈകാരികമായ അനുഭവം

December 6, 2022

കാണാതായി, തട്ടിക്കൊണ്ടുപോയി തുടങ്ങിയ വാർത്തകൾ എത്രത്തോളം ആളുകളെ പിടിച്ചുലയ്ക്കുന്നതാണെന്ന് ഊഹിക്കാവുന്നതേയുള്ളു.പരിചയമില്ലാത്ത ആളുകളുടെ പോലും അനുഭവങ്ങൾ വായിച്ചറിയുമ്പോഴും കേട്ടറിയുമ്പോഴും അമ്പരപ്പും ഭയവും തോന്നാറുമുണ്ട്. അത്തരത്തിൽ ഒരു ജീവിതകാലം മുഴുവൻ നരകിക്കേണ്ടി വന്ന സ്ത്രീയാണ് മെലിസ ഹൈസ്മിത്ത്. 51 വർഷങ്ങൾക്ക് മുൻപ് പരിചാരിക തട്ടിയെടുത്ത ആ കുഞ്ഞ് 53 വയസിൽ കുടുംബത്തെ കണ്ടെത്തിയിരിക്കുകയാണ്.

1971 ൽ പിഞ്ചുകുഞ്ഞായിരിക്കുമ്പോൾ തട്ടിക്കൊണ്ടുപോയതാണ് ടെക്സാസിൽ ജനിച്ച മെലിസ ഹൈസ്മിത്തിനെ. നോക്കാനെത്തിയ അവരുടെ ആയയാണ് തട്ടിക്കൊണ്ടുപോയത്. തുടർന്ന് റൺവേയിലും തെരുവുകളിലുമെല്ലാം ബാല്യവും കൗമാരവുമൊക്കെ അവർക്ക് കഴിയേണ്ടിവന്നു. 1971-ൽ രണ്ടാം വയസിലാണ് തട്ടികൊണ്ടുപോയത്. അതിനാൽ അവൾ മെലാനി എന്ന പേരിൽ വളർന്നു, വളർന്നപ്പോഴും യഥാർത്ഥ മാതാപിതാക്കളിൽ നിന്ന് അകന്നുപോയതായി അറിയില്ലായിരുന്നു. എന്നാൽ കൗമാരക്കാരിയായപ്പോൾ കാര്യങ്ങൾ വ്യക്തമായി.

Read Also: എണ്ണക്കപ്പലിന്റെ അടിഭാഗത്ത് കഴിച്ചു കൂട്ടിയത് 11 ദിവസങ്ങൾ; ഇത് സിനിമയെ വെല്ലുന്ന ജീവിതകഥ

ചില അമ്പരപ്പിക്കുന്ന ആകസ്മികതകളാൽ, 51 വർഷങ്ങൾക്ക് ശേഷം അടുത്തിടെ യുവതി തന്റെ ജീവശാസ്ത്രപരമായ മാതാപിതാക്കളുമായി വീണ്ടും ഒന്നിച്ചു. സ്ത്രീയെ കുടുംബത്തിലേക്ക് തിരികെ സ്വാഗതം ചെയ്യാൻ സഹോദരങ്ങളും സന്നിഹിതരായിരുന്നു.അവർ മാതാപിതാക്കളുമായി വീണ്ടും ഒന്നിച്ച നിമിഷം ക്യാമറയിൽ പകർത്തുകയും ഗുഡ് ന്യൂസ് മൂവ്‌മെന്റ് എന്ന ഇൻസ്റ്റാഗ്രാം പേജിൽ പങ്കുവെക്കുകയും ചെയ്തു. വിഡിയോ ഇതിനോടകം ഒട്ടേറെ ലൈക്കുകൾ നേടിക്കഴിഞ്ഞു. ബേബി സിറ്റർ തട്ടിക്കൊണ്ടുപോകുമ്പോൾ മെലിസയ്ക്ക് 21 മാസം പ്രായമായിരുന്നു. എന്തായാലും വൈകാരികമായ ഈ നിമിഷം സമൂഹമാധ്യമങ്ങളിൽ ശ്രദ്ധനേടുകയാണ്.

Story highlights- women abducted 51 years ago finally meets her family

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!