ഇന്ത്യക്ക് ചരിത്ര നേട്ടം സമ്മാനിച്ച് മിസ് ഡഫ് ഏഷ്യാ കിരീടം നേടി നിഷ്ത; ചിത്രങ്ങള്‍ കാണാം

ഇന്ത്യയ്ക്ക് ചരിത്രനേട്ടം സമ്മാനിച്ചിരിക്കുകയാണ് ഹരിയാനക്കാരി നിഷ്ത ഡുഡേജ. മിസ് ഡഫ് ഏഷ്യാ 2018 കിരീടം നേടിയ നിഷ്തയ്ക്ക് ഇത് സ്വപ്‌ന നേട്ടം കൂടിയാണ്. ചെക് റിപ്പബ്ലിക്കില്‍വെച്ചു നടന്ന മിസ് ആന്‍ഡ് മിസ്റ്റര്‍ ഡഫ് വേള്‍ഡ് 18-ാമത് എഡിഷനിലാണ് നിഷ്ത കിരീടം ചൂടിയത്.

ഈ ഇനത്തില്‍ കിരീടം നേടുന്ന ആദ്യ ഇന്ത്യക്കാരി എന്ന ചരിത്ര നേട്ടവും ഇനി നിഷ്തയ്ക്ക് സ്വന്തം. ചൈന, തായ്‌ലന്റ്, ഇസ്രയേല്‍ എന്നിവിടങ്ങളില്‍ നിന്നുള്ള സുന്ദരികളോട് പോരാടിയാണ് നിഷ്ത ചരിത്രം കുറിച്ചത്.

ഈ നിമിഷം എന്നും മനസ്സില്‍ സൂക്ഷിക്കുമെന്നും രാജ്യത്തിനുവേണ്ടി മിസ് ആന്‍ഡ് മിസ്റ്റര്‍ ഡഫ് വേദിയില്‍ ആദ്യ കിരീടം ചൂടാന്‍ സാധിച്ചതില്‍ സന്തോഷിക്കുന്നുവെന്നും നിഷ്ത ട്വിറ്ററില്‍ കുറിച്ചു.

നിലവില്‍ സാമ്പത്തിക ശാസ്ത്രത്തില്‍ എം എ ചെയ്യുകയാണ് നിഷ്ത. മികച്ച ഒരു ടെന്നീസ് കളിക്കാരി കൂടിയാണ് ഈ സുന്ദരി. നിഷ്ത ഡഫ് ഒളിംപിക്‌സിലും വേള്‍ഡ് ഡഫ്‌ ടെന്നിസ് ചാംപ്യന്‍ഷിപ്പിലും പങ്കെടുത്തിട്ടുണ്ട്.