‘നിർഭയ’യായി നമിത; പുതിയ ചിത്രം ഒരുങ്ങുന്നു

നമിത പ്രമോദിനെ പ്രധാന  കഥാപാത്രമാക്കി ഷാജി പാടൂർ ഒരുക്കുന്ന പുതിയ ചിത്രമാണ് നിർഭയ.  സ്‌മൃതി  സിനിമാസിന്റെ ബാനറിൽ വിച്ചു ബാലമുരളിയാണ് ചിത്രം നിർമ്മിക്കുന്നത്. പ്രവീൺ നാരായണൻ കഥയും തിരക്കഥയും നിർവ്വഹിക്കുന്ന ചിത്രം ഒരു സർവൈവൽ ത്രില്ലർ ചിത്രമാണ്. ‘നോ ആക്സിഡന്റ് ഈസ് ആക്സിഡന്റൽ’ എന്ന ടാഗ് ലൈനോടുകൂടിയാണ് ചിത്രം ഒരുക്കുന്നത്. നമിത പ്രമോദ് മുഖ്യ കഥാപാത്രത്തെ അവതരിപ്പിക്കുന്ന ചിത്രം നമിതയുടെ കരിയറിലെ ഏറ്റവും ബെസ്റ്റ് ചിത്രമാകും.

‘അബ്രഹാമിന്റെ സന്തതികൾ’ക്ക് ശേഷം ഷാജി പാടൂർ ഒരുക്കുന്ന ചിത്രമാണ് നിർഭയ. മമ്മൂട്ടി പ്രധാന കഥാപാത്രത്തെ അവതരിപ്പിച്ച അബ്രഹാമിന്റെ സന്തതികൾ എന്ന ചിത്രത്തിന് മികച്ച സ്വീകാര്യതാണ് പ്രേക്ഷകർക്കിടയിൽ ലഭിച്ചത്.

അതേസമയം നമിത മുഖ്യ കഥാപാത്രത്തെ അവതരിപ്പിച്ച ചിത്രമാണ് മാർഗംകളി. തീയറ്ററുകളില്‍ മികച്ച പ്രതികരണം നേടിയ ചിത്രമാണ് മാര്‍ഗംകളി.  ബിബിന്‍ ജോര്‍ജും നമിതാ പ്രമോദും ഗൗരി ജി കിഷനും ഒരുമിച്ച് വെള്ളിത്തിരയില്‍ എത്തുന്ന ചിത്രമാണ് മാര്‍ഗംകളി. ശ്രീജിത്ത് വിജയനാണ് ചിത്രത്തിന്റെ സംവിധാനം നിര്‍വ്വഹിച്ചത്.

Read also: ഇത് ആരും പറയാത്ത കഥ; റെയിൽവേ ഗാർഡ്സിന്‍റെ കഥയുമായി പൃഥ്വി 

ശശാങ്കന്‍ മയ്യനാടാണ് ചിത്രത്തിനു വേണ്ടി തിരക്കഥ ഒരുക്കിയിരിക്കുന്നത്. വലിയൊരു താരനിര തന്നെ ഈ ചിത്രത്തില്‍ അണിനിരക്കുന്നുണ്ട്. ബൈജു സന്തോഷ്, സിദ്ദിഖ്, ഹരീഷ് കണാരാന്‍, ധര്‍മ്മജന്‍ ബോള്‍ഗാട്ടി, ബിന്ദു പണിക്കര്‍, ശാന്തി കൃഷ്ണ,  സൗമ്യ മേനോന്‍ തുടങ്ങി നിരവധി താരങ്ങള്‍ വിത്യസ്ത കഥാപാത്രങ്ങളായി ചിത്രത്തിലെത്തുന്നു. ഗോപി സുന്ദറാണ് മാര്‍ഗംകളി എന്ന സിനിമയുടെ സംഗീത സംവിധാനം നിര്‍വ്വഹിക്കുന്നത്. കുട്ടനാടന്‍ മാര്‍പ്പാപ്പയ്ക്ക് ശേഷം ശ്രീജിത്ത് സംവിധാനം നിര്‍വഹിക്കുന്ന ചിത്രമാണ് മാര്‍ഗംകളി.