‘പാർട്ണർ ഇൻ ക്രൈം..ഇതാരാണെന്ന് പറയൂ’- ആരാധകരോട് വിരാട് കോലി

സമൂഹമാധ്യമങ്ങളിൽ ഇപ്പോൾ ചർച്ചയാകുന്നത് വിരാട് കോലിയുടെ ഒരു പോസ്റ്റ് ആണ്. ആരാധകരോട് ഒരു ചോദ്യമെറിഞ്ഞാണ് വിരാട് കോലിയുടെ ട്വീറ്റ്. തനിക്കൊപ്പമുള്ള ഒരാൾ പുറം തിരിഞ്ഞു നിൽക്കുന്ന ചിത്രം പങ്കു വയ്ക്കുകയാണ് ഇന്ത്യൻ നായകൻ. ഒപ്പം ഇങ്ങനെ കുറിച്ചിരിക്കുന്നു.

‘പാർട്ണർ ഇൻ ക്രൈം! ക്രൈം: ബൗണ്ടറിയിൽ നിൽക്കുന്ന ഫീൽഡർമാരിൽ നിന്നും ഡബിൾസ് മോഷ്ടിക്കുക..ആരാണെന്നു പറയൂ’. മുഖം വ്യക്തമല്ലെങ്കിലും ഒറ്റ കാഴ്ച്ചയിൽ തന്നെ ഇത് ധോണിയാണെന്ന് മനസിലാകും.

ഏകദിന ലോകകപ്പിൽ ന്യൂസിലൻഡിനോട് പരാജയപ്പെട്ടപ്പോഴാണ് മുൻ നായകൻ എം എസ് ധോണി ടീമിൽ നിന്നും മാറിനിന്നത്. എന്നാൽ കഴിഞ്ഞ മാസങ്ങളിലായി ധോണി പ്രാക്ടീസിലേക്ക് തിരികെ എത്തിയിട്ടുണ്ട്. പ്രാക്ടീസ് ചെയ്യുന്ന ധോണിയുടെ ചിത്രങ്ങളും വിഡിയോയും വൈറലാകുകയും ചെയ്തിരുന്നു.

Read More:‘എനിക്ക് ‘സ്നൊപ്പം’ പറയാനേ പറ്റുന്നുള്ളു..’; വിതുമ്പികൊണ്ട് കുറുമ്പി -ചിരിപ്പിച്ച് വീഡിയോ

മുൻപ് വിരാട് ധോണിയുടെ ചിത്രം പോസ്റ്റ് ചെയ്തതിന് പിന്നാലെയാണ് ധോണി ടീമിൽ നിന്നും മാറിനിൽക്കുന്ന പ്രഖ്യാപനമുണ്ടായത്. ഇപ്പോൾ വീണ്ടും ഇങ്ങനെയൊരു പോസ്റ്റ് കാണുമ്പോൾ ധോണി തിരികെയെത്തുകയാണോ എന്ന സംശയത്തിലാണ് ആരാധകർ.