പാതിരാ സൂര്യൻ ഉദിക്കുന്ന നാട്; അലാസ്കയിലെ അപൂർവ പ്രതിഭാസത്തിന് പിന്നിൽ
ഒരു ദിവസം മുഴുവൻ, അതായത് 24 മണിക്കൂറും സൂര്യപ്രകാശം ലഭിക്കുന്ന രാജ്യത്തെക്കുറിച്ച് കേട്ടിട്ടുണ്ടോ.. ഇല്ലെങ്കിൽ ദാ കേട്ടോളു അങ്ങനെയുമുണ്ട് ചില രാജ്യങ്ങൾ. ആർട്ടിക് വൃത്തത്തിന് വടക്ക് ഭാഗത്തും അന്റാർട്ടിക് വൃത്തത്തിന് തെക്കുഭാഗത്തായുമാണ് ഈ അപൂർവ പ്രതിഭാസം ഒരുക്കുന്ന രാജ്യങ്ങൾ.
അർധരാത്രിയിൽ സൂര്യൻ ഉദിക്കുന്ന ഒരു രാജ്യമാണ് അലാസ്‌ക. ഉത്തരാർധ ഗോളത്തിന് സമീപമായി സ്ഥിതിചെയ്യുന്ന രാജ്യമായതിനാലാണ് അലാസ്‌കയിൽ രാത്രിയിലും സൂര്യൻ ഉദിക്കുന്നത്.
മെയ്, ജൂൺ, ജൂലൈ, ആഗസ്റ്റ് മാസങ്ങളിലായിരിക്കും അലാസ്‌കയിൽ വേനൽക്കാലം, ഈ സമയത്താണ് ഈ അത്ഭുത പ്രതിഭാസവും ദൃശ്യമാകുന്നത്. ഈ സമയങ്ങളിൽ ഇവിടുത്തെ പകലിന് ദൈർഘ്യം കൂടുതലായിരിക്കും. ഈ കഴിഞ്ഞ ജൂൺ 20 ന് അലാസ്‌കയിൽ 22 മണിക്കൂർ സൂര്യപ്രകാരം ലഭിച്ചിരുന്നുവത്രേ.
Read also: മുടക്കരുത്, മുടങ്ങരുത് – ബ്രേക്ക് ദി ചെയിന്‍; നിർദ്ദേശങ്ങളുമായി ആരോഗ്യവകുപ്പ്
അലാസ്കയ്ക്ക് പുറമെ ഐസ്‌ലൻഡ്, ഗ്രീൻലൻഡ്, നോർവേ, സ്വീഡൻ, ഫിൻലൻഡ്, വടക്കൻ റഷ്യ, ഉത്തര ധ്രുവം, ദക്ഷിണ ധ്രുവം തുടങ്ങിയിടത്തും പാതിരാസൂര്യൻ പ്രത്യക്ഷമാവാറുണ്ട്.
ഭൂമിയുടെ ഭ്രമണത്തിനനുസരിച്ചാണ് ഇത് പ്രതിഭാസം സംഭവിക്കുന്നത്.
Story Highlights: Mid night sun in Alaska
