‘ഈ സിനിമ അതിന്റെ ഏറ്റവും മികച്ച പതിപ്പായി മാറുന്നതിന് ഞാൻ ആഗ്രഹിക്കാത്തതും ചെയ്യാത്തതുമായ ഒന്നുമില്ല’- വൈകാരിക കുറിപ്പുമായി ദുൽഖർ സൽമാൻ

വളരെക്കാലത്തെ കാത്തിരിപ്പിനൊടുവിൽ പ്രേക്ഷകരിലേക്ക് എത്തുകയാണ് കുറുപ്പ്. അഭിനേതാക്കളെയും അണിയറപ്രവർത്തകരെയും സംബന്ധിച്ച് ദീർഘമായൊരു കാത്തിരിപ്പായിരുന്നു കുറുപ്പിന് നേരിടേണ്ടി വന്നത്. ഒടുവിൽ നവംബർ 12ന് തിയേറ്റർ റിലീസായി തന്നെ ലോകമെമ്പാടുമുള്ള പ്രേക്ഷകരിലേക്ക് ചിത്രം എത്തുകയാണ്. ചിത്രത്തിന്റെ റിലീസ് പ്രഖ്യാപനം വളരെ വൈകാരികവും സുദീർഘവുമായ ഒരു കുറിപ്പിലൂടെയാണ് ചിത്രത്തിന്റെ നായകനും നിർമാതാവുമായ ദുൽഖർ സൽമാൻ പങ്കുവെച്ചത്.

ദുൽഖർ സൽമാന്റെ വാക്കുകൾ;

വളരെക്കാലമായി, ഞങ്ങൾ തയ്യാറാണ്. കുറുപ്പിനെ പ്രേക്ഷകരിലേക്ക് എത്തിക്കാൻ തയ്യാറാണ്. ഞങ്ങളുടെ ഇതുവരെയുള്ള ഏറ്റവും വലിയ ചിത്രമായ കുറുപ്പ്, കൂട്ടിലടക്കപ്പെടാതെയും പൂട്ടിയിടപ്പെടാതെയും ലോകമെമ്പാടുമുള്ള തീയറ്ററുകളിൽ റിലീസ് ചെയ്യാൻ തീരുമാനിച്ചിരിക്കുന്നു.

കുറുപ്പുമായുള്ളത് ദീർഘമായ ലക്ഷ്യമുള്ളതും എന്നാൽ ശ്രമകരവുമായ ഒരു യാത്രയാണ്. വർഷങ്ങളോളം ആശയവുമായി. ഒരു വർഷത്തിനടുത്ത് ചിത്രീകരണം. പിന്നെ പോസ്റ്റ് പ്രൊഡക്ഷനായി മാസങ്ങളോളം. പിന്നെ മഹാമാരിയും. കുറുപ്പ് എന്നെങ്കിലും വെളിച്ചം കാണുമോ എന്നറിയാതെ നീണ്ട മാസങ്ങളുണ്ടായിരുന്നു. എന്നാൽ തിയേറ്ററുകൾ തുറക്കുന്നത് വരെ കാത്തിരിക്കാനുള്ള നിങ്ങളുടെ എല്ലാവരുടെയും നിരന്തര അഭ്യർത്ഥനകളും പിന്തുണയും ഏകകണ്ഠമായ സ്നേഹവും ചില പ്രയാസകരമായ സമയങ്ങളിൽ അതിജീവിക്കാൻ ഞങ്ങളെ സഹായിച്ചു.

കുറുപ്പ് എന്ന സിനിമ എന്റെ രണ്ടാമത്തെ കുട്ടിയാണെന്ന് പലപ്പോഴും എന്റെ കുടുംബത്തോടും സുഹൃത്തുക്കളോടും പറഞ്ഞിട്ടുണ്ട്. ഈ സിനിമ അതിന്റെ ഏറ്റവും മികച്ച പതിപ്പായി മാറുന്നതിന് ഞാൻ ആഗ്രഹിക്കാത്തതും ചെയ്യാത്തതുമായ ഒന്നുമില്ല. ശാരീരികമായും മാനസികമായും ഞാൻ എല്ലാം നൽകിയിട്ടുണ്ട്. ഞാൻ എന്നെക്കുറിച്ചാണ് അധികവും പറഞ്ഞത്. അത് ഉണ്ടാക്കിയ ടീമിന്റെ അപാരമായ പരിശ്രമവും കഴിവും കുറച്ചുകാണിക്കാൻ അല്ല. എന്നാൽ ഈ സിനിമയുമായുള്ള എന്റെ പ്രത്യേക ബന്ധത്തെക്കുറിച്ച് ഹൃദയത്തിൽ നിന്ന് സംസാരിക്കാൻ ഞാൻ ആഗ്രഹിക്കുന്നു.

ഒരു ടീമെന്ന നിലയിൽ അതിനെ ഒരുമിച്ച് കൊണ്ടുവരാൻ ഞങ്ങൾ ആന്തരികമായും ബാഹ്യമായും നിരവധി പോരാട്ടങ്ങൾ നടത്തി. അതിനോട് നീതി പുലർത്താൻ. അതിനെ പരിപോഷിപ്പിക്കാനും പരിപാലിക്കാനും. അത് ഒരു ആശയത്തിൽ നിന്ന് അനുദിനം വളർന്നു വലുതായി വളർന്നു വലുതായി, ഇപ്പോൾ എന്റെ കണ്ണിൽ ഒരു ഭീമനായി മാറി.

read More: കാത്തിരിപ്പുകൾക്ക് വിരാമം..! പാൻ ഇന്ത്യൻ സൂപ്പർസ്റ്റാർ ദുൽഖർ സൽമാന്റെ കുറുപ്പ് നവംബർ 12ന് ലോകമെമ്പാടുമുള്ള തിയേറ്ററുകളിലേക്ക്

ഞാൻ സൂചിപ്പിച്ചതുപോലെ കുറുപ്പിന് എപ്പോഴും സ്വന്തമായി ഒരു വിധിയുണ്ടായിരുന്നു. സമയം ശരിയാണെന്ന് തോന്നുകയും അത് തയ്യാറാണെന്ന് തോന്നുകയും ചെയ്യുന്നതുവരെ അത് പുറത്തുവരില്ലെന്ന് എനിക്ക് എപ്പോഴും അറിയാമായിരുന്നു. ഇപ്പോൾ കുറുപ്പിനെ മോചിപ്പിക്കാനുള്ള സമയമായി. നിങ്ങൾ എല്ലാവരും ഇതിന് ചിറകുകൾ നൽകുമെന്ന് ഞാൻ പ്രാർത്ഥിക്കുന്നു, പ്രതീക്ഷിക്കുന്നു. അത് വലിയ ഉയരങ്ങളിൽ എത്തുകയും ചെയ്യുന്നു.ഉടൻ വരുന്നു,2021 നവംബർ 12 -ന് നിങ്ങൾക്ക് സമീപമുള്ള തിയേറ്ററുകളിൽ..

Story highlights- dulquer salmaan about kurup